لقاء كارثي

ليله….. بضحك قولتيليييييي انا سمعته قال الكلمه دي كذا مره لما كنا مسافرين بس مفهمتش انه يقصدك

تقي…بضحك لا بيرخم عليا اصلا بقي قبل السفريه انا وهو اتقابلنا مره تالته و بعدها انا قررت اني مش هشوفوا تاني لان هو ضحك عليا و قالي انه مرتبط و انا مقدرتش بصراحه لتني كنت حاسه انه بيقرب مني و محبتش اني افرق بينهم طلع بيشتغلني عشان يشوفني هضابق هغير كان عايز يتأكد من مشاعري و مكنتش هاجي وقت السفريه دي

ليله….اممم عشان كده لما كلمتك كنتي رافضه

تقي…..اه و معرفتش اقولك ايه بس كويس اني جيت لان هو اعترفلي بكل حاجه و قالي انه مش مرتبط و مفيش حد في حياته و بس

ليله….يعني اعترفلك يومها انه بيحبك

تقي…. بابتسامه لا يمكن كانت الصوره خلاص واضحه قدامه و قدامي بس محدش فينا قال حاجه لما رجعنا بقي كنت نازله الصبح الجامعه هو قبلها بيوم كان بيكلمني عادي و عرف اني هنزل الساعه سبعه و يومها قالي انه بقاله فتره مركز مع بنت و خلاص اتكلم معاها و هي دي اللي اختارها وقالي بكره هروح اقابل حبيبتي فكرته بيهزر قعد يحلف و يقسم اتصدمت بصراحه

الصبح بقي لاقيته قدام الباب مستنيني خدني بالعافيه و وصلني مكنتش طيقاه في وسط الطريق وقف و عملي مفجاه لعيد ميلادي كان حاطت في الشنطه وراء ورد و دبدوب كبير و تورته و سلسله و حجات كتير اتفاجئت بجد و يومها اعترفلي ان حبيته اللي راح يقابلها انا وبس

ليله….. بابتسامه طلع رومانسي الواطي المهم انتي مبسوطه

تقي…. اوي يا ليله و بجد مكنتش حاطه الموضوع في دماغي خالص بس معرفش كل موقف بينا كان بيقربنا اكتر

ليله……اهم حاجه انك مبسوطه مرتاحه المواقف دي هتفضل معلقه معاكم و كل ما تقربوا من بعض و تزيد بينكم المواقف هتتعلقوا ببعض اكتر عشان كده قولتلكم بلاش جواز الوقت اتبسطوا بحياتكم عيشوا كل لحظه حلوه مع بعض

تقي…..بصراحه انا وهو اقتنعنا بكلامكم بس يمكن الخطوه دي هو حابب يعملها عشان ميبقاش بيشوفني من وراء بابا

ليله…… يبقي الخطوبه هي الحل عشان ابوكي يبقب عارف و متبقيش بتعملي حاجه من وراه و تكبري في عينه بس الجواز مش الوقت يا تقي اسمعي كلامي

تقي….حاضر والله متقلقيش احنا خلاص هنسمع كلامكم

ليله…. بابتسامه هتبقي جارتي يا بت طلاق تلاته هقرفك في عيشتك