لقاء كارثي

الوقت كان بيعدي قعدت ليله مع ولاد اخواتها شويه و بعدين تقي جاتلها هي و وليد قعدوا معاهم شويه و بعدين خدت تقي و نزلت عشان يقابلوا البنات.

…………………

في الوقت ده محمود اخو عشري كان وصل بس كان عاملها لعشري مفجأه مش معرفوا انه هيوصل انهارده و كان متفق مع عمر انه يروح يجيبه و فعلاً راح جابه و اتفاجئ عشري بيه وكان طاير من الفرحه اخواته كمان كلهم اتفاجئوا وابوه وامه مكانش حد عارف غير عمر و خطيبته بس ..

كان راجع بنفسيه متغيره تماماً محمود الاول العمره فرقت معاه كتير عرف كل اللي حضل كان مضايق اوي عشان رهف و اللي حصل معاهم بس اطمن و ارتاح ان مريم اتقبض عليها والكابوس اللي كان عليهم اتفك ..

عشري طلب منه يرتاح شويه و يروح معاه هو والشباب واخواته يجيبوا البدل كان متحمس وفرحان بعشري فرحه كبيره اوي ..

…………..
اما عند محمود و ريهام..

وصل محمود المطعم و قابل ريهام.

ريهام…..يا حوداااا بقولك ايه اوعي تدعي عليا اختك اللي قالتلي اروح معاهم وانت تيجي

محمود….بضحك ولا بهمك يا ستي المهم عامله ايه

ريهام…..انا زي القرده

محمود…. بضحك ماهو باين يا قرده

ريهام….بضحك بقولك ايه ركز في الشغل مش عايزه اي غلطه و بعدين شكلك نايم اياك تنام بعد ما امشي اي غلطه بخصم انا بقولك اهو انا مديره معنديش رحمه

محمود…..بضحك ايه ده ايه ده شدينا حيلنا و بقينا مفتريين

ريهام….ايه مش عاجبك الشغل شغل

محمود….تمام يا جناب المديره اي اوامر تانيه

ريهام…..لا خلاص كده لو عملت شغلك كويس هبقي ازودلك المرتب انا بردوا طيبه

محمود….. بضحك ماشي يا مصيبه

ريهام….بابتسامه بجد بقي والله مش عارفه اقولك ايه شكرا بجد و حقك عليا والله شكلك تعبان ومش نايم

محمود…..لا خالص والله انا نمت شويه و صحيت عشان كده تحسي ان المخده لسه لازقه في وشي بس فنجان قهوه و هتعامل يعني متشغليش بالك

ريهام…..ماشي يا سيدي امشي انا بقي

محمود….اه روحي ايمي مستنياكي و البنات هيعدوا عليها الوقت

ريهام….طيب تمام يلا باي يا حودا

محمود…..باي يا جناب المديره

ضحكت ريهام و خرجت وقفلت الباب وراها وقف بص عليها من الزجاج و هو بيضحك عليها

…………..

نزلت نعيمه ركبت مع نادين العربيه هي و نسمه…

نادين…هااااي نسووووم