لقاء كارثي

ليله….بابتسامه رفعت حاجبها خير يا عمر باشا لازم انا بعني اللي اجيلك مينفعش الباشا يخرج يسلم

عمر……ما انا مش عايز اخرج ماما مخصمانب و قالتلي مش عايزه اشوف وشك

قلبت ليله شفايفها بزعل

ليله…..هي قالت كده

عمر….ايوه

ليله…..بس انت عارف انها بتحبك صح و بعدين هي بس متعصبه شويه و كانت خايفه عليك و زعلانه شويه عشان انت روحت مع الراجل

عمر……بس انا صالحتها و قولتلها اسف وانا كمان كنت خايف

ليله……بص نتكلم بصراحه و لا نكدب علي بعض

عمر…..بصراحه

ليله…..انت غلطت يا عمر من امته يا حبيبي واحنا بنروح مع حد منعرفهوش و ازاي اصلا تخرج معاه بره المول مخوفتش ماما تدور عليك و تخاف لما مش تلاقيك مفكرتش لحظه ان الراجل ده يكون وحش و بعدين انت عمرك ما عملتها و عمرك ما سيبت ايد ماما او بعدت عنها

عمر…..انا مكنتش هروح بس انا كنت بساعده

ليله….يعني ايه بتساعده ياعمر

عمر….مش انتي يا ليله بتقولي نساعد الناس و ماما كنان بتقولي ديما اي حد يحتاج مساعدتك متقولش لا عشان ربنا ميزعلش منك و ساعد الناس

ليله…..اكيد حلو اننا نساعد الناس بس انت متعرفهوش

عمر…..هو قالي انت بتعرف في الالعاب عشان عايز اجيب لابني لعبه قولتلوا ايوه فا قالي ممكن تختارلي لعبه عشان هو عيد ميلاده انهارده و كمان تعبان و عايز اخليه يفرح انا صدقته و روحت اختار معاه اللعبه كنت بساعده عشان ماما قالت قبل كده نساعد كل الناس مقالتش اللي نعرفوا بس

ليله……بتأثر حركت ايدها علي شعره طيب بص اولاً انت غلطان و مش غلطان مش غلطان عشان انت بجد كنت عايز تساعد و عشان نيتك كانت حلوه ربنا وقف معاك و رجعك تاني لينا بس غلطان لان يا عمر اه المفروض نساعد كل الناس بس مش اي حد يا عمري نساعده بعني مثلا انت لسه صغير المساعده لغيرك حتي لو متعرفهوش تكون مساعده لحد من سنك يعني حد من زمايلك في المدرسه حد من كلاس تاني يعني ولد محتاج يشرب و مش معاه مايه حد مصروفوا ضاع و مش معاه اكل ممكن نقسم معاه مصروفنا او نديلوا اكل او لو حد محتاج اي حاجه من ادوات المدرسه ممكن نديلوا بس انما انت طفل ازاي تساعد حد اكبر منك كان ممكن هو يخلي صاحب المحل يساعده لكن انت مينفعش انت حتي لو هتساعد حد كبير راجل او ست ماما تقولك خد الفلوس دي اديهالهم هتكون معاك و شيفاك قدام عينها بس انت ياروحي مش مطالب تساعد حد كبير لما تكبر تقدر تساعد انت خليت ماما و بابا و انا و عمتو و خالو و كلنا ندور عليك و نعيط و نخاف و انت كمان كنت خايف افرض الراجل ده كان عمل فيك حاجه افرض البنات اللي رجعوك مكانوش موجودين كنت هتعمل ايه لازم تعرف انك غلطت لما روحت معاه و بعدين انت ازاي وانت بتتحرك من قدام المحل معرفتش ماما مش يمكن كانت راحت معاك