لقاء كـ،ـ،ـارثي

لقاء كارثي
أميره أسامه
صاحبة البطل الواحد

. البارت السادس و السبعين .

………………………

قابل عدي تقي بعد ما مشيت بوقت بسيط و راحوا مع بعض عند الدكتور

قعدت تستني الكشف اللي جوه.

عدي….هي فين التحاليل اوعي تقولي نسيتيها في العربيه

تقي…..لا لا معايا في الشنطه

عدي….ايه حكاية شنطة المدرسه دي صحيح ؟

تقي……قصدك يعني عشان علي ضهري وكده دمك خفيف صح

عدي …..بضحك تنكري

تقي….اه انكر عادي جداً

عدي…..لساننا طول تاني اللي يشوفك امبارح ميشوفكيش انهارده

تقي…..بطل رخامه انت بتفكرني تاني ليه والله العظيم لولا اني عرفت ان الراجل لسه عايش كنت فضلت في مود زي الزفت خد عندك شهر.

عدي….انا مش بفكرك انا بس مستغرب ان لسانك الطويل رجع تاني امبارح كنتي عامله فيها قطه

تقي…..بابتسامه غيظ علي فكره عادي يعني هو اللي لسانه طويل ده مش بني ادم يعني و بعدين بذمتك ده موقف كان عادي

عدي….وهو بيقلدها دم دمم يا عدي

تقي…..ابتسمت بغيظ ورفعتلوا حاجبها و بصت حواليها علي فكره هزعلك انا ماسكه نفسي عشان الناس

عدي….بضحك لا لا خلاص انا هسكت

تقي…..ايوه كده بقولك ايه انا هاخد التحاليل دي كده من الشنطه و هخلي الشنطه معاك

عدي…..شنطة ايه اللي معايا انا داخل معاكي

تقي….داخل معايا فين و انا راحه السوبر ماركت لا طبعاً

عدي…ايه هو اللي لا طبعاً هتدخلي لوحدك

تقي…..امال هتدخل معايا

عدي….اكيد هدخل معاكي

تقي….ليه هلخد معايا محرم

عدي…..بابتسامه بطلي طولة لسان و لماضه عشان مش هتدخلي لوحدك

تقي…..ولا هينفع تيجي معايا و بعدين هتدخل معايا بصفتك ايه ان شاء الله

عدي….هو الدكتور شارط اللي يدخل مع المريض يكون ليه صفه

تقي….بضحك افرض

عدي…..قوليلو السواق بتاعي حلوه الصفه دي

تقي…..بأبتسامه شوفت ولما بقولها انا بتزعل

عدي….ننزل بس من هنا

تقي….هتعمل ايه

عدي….هتشوفي

انسه تقي

تقي…..ايوه

اتفضلي

تقي……بهمس خليييك

عدي…..قدااامي

بصتلوا بغيظ و دخلت معاه..

…………..

عند نادين كانت سايقه و بتخلص مشوار شغل و فجأه حست ان العربيه مش طبيعيه كملت بيها بالعافيه لحد بعد اول إشاره قابلتها و حست انها لو كملت اكتر من كده هتقف بيها في نص الشارع فا ركنت علي جنب قفلتها و وقفت دقيقه و رجعت شغلتها تاني يادوب مشيت بيها خطوه و العربيه وقفت خالص و مبقتش راضيه تدور حاولت اكتر من مره مكانتش راضيه تجيب معاها خالص استنت كام دقيقه و سابتها ترتاح و بعدين جربت تاني مدارتش خالص مكانتش فاهمه في ايه ولا حصل فيها ايه

اتصلت علي عسال من غير تفكير.

نادين….الووو

عسال….حبيبي خليكي معايا حطها هناك لا لا الناحيه التانيه اه هنا بس بزاويه شويه تمام كده الله ينور ايه يا قلبي

نادين….ميدو الحقني

عسال….في ايه ؟

نادين….العربيه وقفت مني و مش عارفها مالها

عسال…..يعني ايه وقفت؟

نادين….معرفش حسيت فجأه انها غريبه و سرعتها ضعفت مره واحده و بعد كده حسيت بهزه بسيطه ركنت علي جنب و قفلتها و رجعت شغلتها تاني مشيت خطوه و وقفت و من ساعتها حالفه ما تشتغل

عسال….ايوه بعني البطاريه نامت ولا فيها حاجه تانيه

نادين….مش عارفه قولي اعمل ايه و انا اقولك

عسال….لا يا قلبي متعمليش طيب بصي دوريها كده و سمعيني صوتها

نادين….لحظه دورتها نادين و سمعتوا الصوت اهو سامع

عسال….هي اول مره تعمل معاكي كده

نادين….اه بس اسمع الوقت لما دورتها مش بتلقط اصلا الاول كانت بتشتغل و تبطل الوقت بتعمل الصوت ده بس و مش راضيه تفتح

عسال…..طيب انتي حاولتي فيها كتير يعني جايز تكون بطاريه

نادين….يعني حوالي خمس مرات او سته مش عارفه

عسال….امممم شكلها جابت بطاريه من كتر ما شغلتيها

نادين….يعني باظت

عسال….لا مش باظت انتي فين بالظبط ؟

انا في طريق صلاح سالم كده

عسال….طيب ابعتيلي لوكيشن

نادين….هتيجي يعني

عسال…اه اكيد

نادين…لا لا خلاص خليك انا هركنها و هاخد اوبر انا فكرتك ممكن تقولي اعمل ايه

عسال…..ابعتي اللوكيشن يا نادين

نادين…..ميدو شوف شغلك خلاص والله هركنها

عسال….انا اصلا معنديش شغل خلاص و خلصت يلا ابعتي

نادين …طيب هبعته

عسال….بسرعه مستنيكي

نادين….اوك باي

عسال….باي

………………

عند عشري و ليله وصلوا هما كمان العياده و مقعدوش دقايقه بسيطه و بعدين دخلوا علي طول للدكتور.

نام عشري علي السرير و بدأ الدكتور يشوف جرحه ليله كانت قاعده علي الكرسي بره.

الدكتور….بابتسامه حمدالله علي سلامتك يا بطل يلا قوم

عشري…..بأبتسامه الله يسلمك يا دكتور

خرج عشري وراء الدكتور و قعد علي مكتبه.

عشري…..كده خلاص يا دكتور اقدر اتحرك و اتعامل

الدكتور….اكيد بس هنستني فتره كده منشلش اي حاجه تقيله خالص بس قولي بقي مين اهتم بيك في البيت

عشري….بهدوء بص علي ليله المدام

ابتسمت بهدوء و ضيقت عينها و بعدين بصت للدكتور عشان متضحكش

الدكتور….والله براڤو عليكي بصي بقي هقولك علي سر انا و اخواته حاولنا نقنع فيه ان خروجه غلط و انه علي الاقل يستني يومين او حتي يوم بس واضح ان دماغه حطب

ليله….بأبتسامه جداً

الدكتور….انا اخر ما غلبت انا وهما قولت لاخوه الكبير خلاص هعمل اللي هو عايزه بس لو حصل حاجه لازم يرجع فوراً و بصراحه انا كنت مستني رجوعه في اي وقت و قولت اخره يعدي عليه الليل و اكيد هيتعب و هيرجع لان العمليه بتاعته مكانتش سهله للدرجه هو واصل و الزايده علي اخرها بس طبعاً عدي اول يوم و تاني يوم ومجاش فا استغربت والوقت لما شوفت الجرح

استغربت اكتر الجرح ماشاء الله نضيف و زي الفل و بجد طلعتي شاطره و عرفتي تتصرفي انا فكرت مثلا هيقول جاب ممرضه او في حد فاهم تابعه في البيت

ليله…..انا معملتش اي حاجه خالص التزمت بس بورقه التعليمات اللي كانت معاه

الدكتور…..براڤو عليكي ليك حق تفضل تنادي عليها وانا في البنج

ابتسم عشري بهدوء.

عشري….اسرار المرضي يا دكتور

ليله….بضحك لا براحتك ياكتور

ضحك الدكتور و هما ضحكوا

الدكتور….ربنا يخليكم لبعض و الف سلامه عليك بص بقي يا بطل هنوقف العلاج ده و ده و ده هنكمل بس شويه بالاتنين دول و هكتبلك نوع تالت و زي ما قولتلك مش هنشيل تقيل او نعمل مجهود قوي

بص عشري لليله فا هي ضحكت بهدوء و فهمت ايه اللي جه في دماغه

عشري….ااا طيب يعني تقصد ايه بمجهود قوي بالظبط

حطت ليله ايدها علي وشها و ضحكت بهدوء.

الدكتور…..يعني المشي كويس ليك بس منفضلش طول اليوم نمشي او نعمل حركه تجهدنا او تأثر علي العمليه منطلعش و ننزل سلالم كتير مفيش جري مثلا لو بتجري

زي ما قولت منشيلش حاجه تقيله

عشري….ااا طيب وده لحد امته

الدكتور…..يعني نقول عشر ايام اسبوعين كمان هو في العموم علي الاقل يعدي شهر منرفعش اي حاجه تقيله عشان الجرح

عشري…..سيبك من الشيل المجهود نفسه فيه مشكله انا شغلي بيحتاج مجهود و حركه

الدكتور….انزل و اشتغل بس متجهدش نفسك متنساش انك لسه عامل عمليه بردوا يعني واحده واحده

عشري….امممم تمام

ليله كانت عايزه تضحك من قلبها بس سكتت و كانت فرحانه فيه

كتب الدكتور العلاج الجديد و بعدين قاموا سلم عشري عليه و راحوا عند الباب خرجت ليله في الاول

عشري….ثواني وراجع

ضحكت ليله و فهمت هو داخل ليه خرجت بره تستناه دقيقه بالظبط و خرجلها ضحكت اول ما شافته جاي عليها و خرجت من العياده و هو خرج وراها

ليله…..بضحك صعبان عليا

عشري…..بضحك وحياة امك ده انا هنفخك

ليله….كنت بتقول ايه للدكتور يا بلطجي

عشري…..بضحك ملكيش فيه

ليله….بضحك طب هو قالك ايه؟

عشري….قالي انت زي الفل و كسر السرير براحتك

ليله…..بضحك حطت ايدها علي وشها و الله كداب

عشري….بضحك طب والله مش كداب يعني انا سألته كده من راجل لراجل قالي لا انا مكنتش اقصد المجهود ده عادي اتعامل

ليله…..بضحك قالك اتعامل يعني؟

عشري….بضحك بصلها بغيظ احنا في الدور الكام

ليله….بأبتسامه تقريباً السابع

عشري…..بضحك طب لسانك في بوئك بقي بدل ما احدفك من هنا

ليله….بضحك ده ربك لما يحب يخلص من بني ادم

عشري…..اشمتي براحتك بس وحياة امي يا ليله لا هشمت فيكي و انتي تحت ايدي و صوتك جايب زايد كلها

ليله…..بضحك الاسانسير طلع يا بلطجي اسكت

عشري….هسكت حاضر يلا