لقاء كـ،ـ،ـارثي

لقاء كارثي
أميره أسامه
صاحبة البطل الواحد

. البارت الخامس و السبعين .

………………………
بعد ما مشيت أيه..

طلع عشري خبط و بعدين حط المفتاح ليله كانت راحه تفتح بس اول ما سمعت صوت المفتاح وقفت في مكانها بصت لقت عشري و وراه وليد معاه وقفت في مكانها متحركتش

عشري….بابتسامه ادخل يا وليد

وليد….بابتسامه تجنن مش لما ست ليله تقولي ادخل ولا امشي

عشري….بابتسامه بصلها ايه يا ليله مش هتقولي لاخوكي ادخل

بصتلوا ليله بهدوء و وقفت ثواني
ليله سامحت الكل و مكانتش زعلانه ولا حتي زعلانه من وليد بس كان من جواها حاجه بسيطه حاسه انها زعلانه منه او واخده علي خاطرها

وليد…..بابتسامه هاديه ايه امشي ؟

ابتسمت بهدوء و هزت راسها بلأ وقربت منه بسرعه وهو قرب كام خطوه منها

حضنتوا ليله بكل قوتها و هو حضنها وفضل يطبطب عليها نزلت دموع ليله في صمت

ابتسم عشري و طبطب علي شعرها و حدفلها بوسه هاديه

ابتسمت ليله بهدوء لعشري

وليد…..حقك عليا يا قلب اخوكي اوعي تزعلي مني انا بحبك وانتي عارفه و عملت كده عشانك بعدها عن حضنه و مسح دموعها.

دموعك غاليه و انتي غاليه يا ست البنات كلهم متزعليش مني

ليله….مش زعلانه يا وليد خلاص

وليد….امال ايه الدموع دي؟

ليله….بأبتسامه هاديه عشان زعلانه منك

ضحك وليد و عشري ورجع ضمها تاني بحب

ليله….بدموع ضربته بقبضة كفها علي ضهره مسألتش عليا ليه كل الفتره اللي فاتت دي

وليد….والله سألت كلمت عشري مره و كل شويه بكلم فضل و بكلم البنات و حتي لما عرفت من اميمه انك كلمتيها سألتها عنك بس كنت عايز اسيبك براحتك مع عشري

عشري…..اخوكي سأل عليكي و طول الوقت مشغول عليكي يا ليله

وليد…..انا مليش غيركم يا ليله سعادتكم و راحتكم اهم حاجه عندي انتوا امانة امي

ليله….ماشي هعديهالك كفايه عليك اللي بنتك عملتوا فيك

وليد….بضحك ما انا ربنا خلصني من تحت ايدك و بعتلي ليله الصغيره تخلصوا مني ايه سخنتبها عليا

ليله….بضحك تستاهل لا مسخنتهاش والله ده انا قولتلها متزعلكش كمان مع انك يعني تستاهل

ابتسم وليد لحب و باس راسها

عشري…..ادخل ياعم وليد يلا دخلي اخوكي يا ليله

ليله…..وحشتني

وليد….وانتي وحشتيني اكتر بس قوليلي ايه يابت الحلاوه دي عروسه يا اخواتي

ليله…..بضحك لا يا اخويا نص عروسه

وليد…..بضحك لا قريب هتبقي احلي عروسه

دخلوا علي جوه و قعد وليد

وليد….بضحك عملتي ايه في الراجل

ليله…..بابتسامه انا مالي مجتش جنبه هو اللي تاني يوم تعب

عشري…..بضحك ده من كرم ربنا عليا يا وليد رحمني من تحت ايد اختك ربنا كان عارف انها مفتريه قال يتعبني شويه يمكن اصعب عليها

وليد….ياعم بعد الشر عليك و الحمد لله عدت علي خير

عشري….عدت والله الحمد لله اتحسنت كتير و صراحه ليله مقصرتش خالص

وليد…..ما طبعاً و خد بالك انت اه حبيبي بس انت ربنا بيحبك عشان حط ليله في طريقك جدعه و بنت اصول و بتحبك

عشري…..بأبتسامه رفع ايده حصل

ليله…..بأبتسامه رفعت حاجبها و ده مدح ولا تريقه ما انا عرفاك

وليد….بضحك انا غلطان اني بشكر فيكي

عشري….طب ايه احنا هنفضل نرغي كده كتير مش هنتعشي ولا ايه

وليد….استني هنا عشاء ايه انا كنت جاي اطمن عليك و طلعت اطمن عليها

ليله…..لا مش هتمشي ولا عايزني اقلب علي الوش التاني

عشري….قابل بقي ياعم و فرجني هتقدر تعترض ازاي

وليد….مش اعتراض والله اسمعيني بس الوقت متأخر يادوب امشي و لو مصممه يبقي كوبايه شاي او فنجان قهوه واطير انا

ليله…..انا هطيرك فعلاً لو مسمعتش الكلام و قعدت تتعشي معانا

عشري….خلاص بقي يا عم وليد اختك مجنونه وانا عارف

ليله…..ايه مجنونه دي انت كمان

عشري….بضحك اهي هتقلب عليا عاجبك كده بقول ايه انا هقوم اغير و اسيبكم مع بعض شويه و تكون ليله حضرت العشاء ماشي يا عم وليد

وليد….ماشي يا عشري

عشري…..فك ها انت في بيتك اينعم انا وانت ضيوف عند المفتريه دي بس ليك نصيب اكبر ياعم انت اخوها

وليد…..بأبتسامه حبيبي يا عشري متحرمش منك

عشري…..يلا هسيبكم شويه بقول ايه اياكي تيجي جنب وليد ده في حمايتي

ليله….بضحك طب مافتحش صدرك اوي كده خلينا الاول نطمن علي الجرح لما تروح الدكتور

وليد….بضحك اه الله يباركلك انت لسه قايل عليها مفتريه

عشري…بضحك تفتكر طيب اسف يا ليله ياهانم

ضحكوا هما الثلاثه و دخل عشري و سابهم شويه مع بعض.

ليله……بصت لوليد بغضب بسيط ايه هتقعد كده

وليد….طب اعمل ايه و مالك بتبصيلي زي ريا و سكينه كده ليه يابت

ليله……قوم ساعدني يلا

وليد….يا سلام يلا بينا

دخلت ليله علي المطبخ و دخل معاها وليد .

شغلت المكنه بتاعت القهوه عملت كوبايه لوليد و كوبايه ليها

ليله….اشرب لحد ما اخلص الاكل و اقعد هنا

وليد….مش هساعدك

ليله….بأبتسامه لا يا سيدي شكراً كفايه تقعد معايا امسك الطفايه.

طلع علبه السجاير حط واحده في بوئه و طلعلها واحده طلعت ليله العشاء و بدأت تجهز حجات كتير خفيفه و في نفس الوقت سفره تجنن.

و وقفت تشرب القهوه والسجاير و هي بتحضر

وليد…..مش عايزك تزعلي مني يا ليله انا مبرميش اخواتي لاي راجل احمد جوز اختك راجل مفيش في اخلاقه و سامح ميتخيرش عنه ولو مكنتش شايف ان عشري زيهم و يمكن احسن مكنتش قبلتها عليكي

انا عايزك مرتاحه و عايزك مع راجل بيحبك وبتحبيه و عشري هو الراجل ده يا ليله

ليله…..مش هكدب عليك لو قولتلك اني مزعلتش في الاول بس لما عرفت بأتفاقك مع عشري مكنتش سامحتك ابداً

وليد….اولاً عشان نبقي علي نور و الحق يرجع لصحابه مش انا اللي اتفقت مع عشري علي الشرط ده هو اللي اتفق معايا عليه انا كنت رافض الفكره لتني عارف انك مجنونه و كنت خايف قرار زي ده يبعدني عنك و تقاطعيني بسببه بس عشري قالي في حل هيرضيك و هيخليك توافق و هو اني مقربش من ليله الا لما تدخل البيت ده عروسه و تسامحني قبلها و تسامحكم و بصراحه هو ده اللي خلاني اوافق

ليله…..بابتسامه هو قالي ان انت اللي شرطت عليه

وليد…..عشان هو جدع و نظرتي مخابتش فيه هو قالك كده عشان متشليش مني بس الحقيقه ان لما هو لقاني رافض اقترح الاقتراح ده هو اصلا كان كل همه تبقي معاه و يحاول يقنعك و يخليكي تسامحيه و يفهمك اللي حصل كله

ليله…..عموماً انسي كل اللي فات انا مش زعلانه والله و خلاص مش حابه اننا نفتح الموضوع ده تاني ابدا

وليد….والله انا لو عليا مش عايز افتحه المهم عندي انك مبسوطه خفيتي فهمتي من عشري و سامحتيه و سامحتيني وبس

ليله…..سامحتك و سامحت عشري و البنات و اخواتك و كلكم و مبسوطه اوي و خفيت و معترفه كمان يا عم ان موافقتك علي الجنان ده كانت احلي حاجه عملتها معايا

وليد….بضحك اوووعي اختي واقعه يا جدعان بقولك ايه صحيح

ليله….بضحك قول

وليد….عشري قالي ان بعد بكره هتروحوا عند ايمي و بعدين هيرجعك البيت

ليله….خيررر هتفضلوا تاخدوا قرارات كتير من ورايا كده.

خرج عشري بهدوء و ابتسم

عشري…..لا بقولك ايه بلاش جنان انا متفق معاكي قبل وليد

ليله….طيب يا اخويا انت وهو خليني بقي ابوظلكم مخططاتكم دي بكره بأذن الله هنروح للدكتور مع بعض و بعدها هرجع علي البيت

عشري…..وده ليه ان شاء الله

ليله….هو كده مزاجي بقي خليني احس اني رجعت لليله الاولي و اقرر حاجه في القصه دي

وليد….بضحك انا مليش دعوه بره عني

عشري….بره عنك ايه يا عم وليد علي جثتي بعد بكره وعليكي خير

ليله….مش بمزاجك علي فكره

عشري….بضحك هنشوف

ليله…..و ماله نشوف

وليد….بضحك الملعب ولع انا عموما مليش علاقه بكل ده اهم حاجه عندي انكم رجعتوا و اتمسكتوا ببعض و مبسوطين الباقي بقي مش بتاعي

عشري…..بضحك اخلع انت

وليد…انا مالي ياعم انا ما صدقت اختي صالحتني تقعد معاك انهارده اخر يوم تقعد بكره براحتكم بقي اتفقوا مع بعض اقولكم لو حابين تغيروا الاتفاق خالص وتفضل معاك وتمشي قبل الفرح بيوم براحتكم

ليله…..اهو ده الكلام المظبوط

عشري…..بضحك لااااااا كنت ماشي كويس يا راجل

وليد….بضحك ايه كرهتي الراجل في عيشته ولا ايه مش طايقك ليه

ليله…..بصت لعشري و ضحكت انا ده انا ملاك

عشري….بضحك بقولك ايه لو عايزه تروحي بكره البيت انا موافق

ليله…..بضحك انت الخسران

عشري….انا عايز ابقي خسران يا ستي

ليله….بضحك طب يلا خد معايا الاطباق انت وهو

عشري…..يلا يا ستي

…………..

في غرفة عدي دخل حط في دولابه الريد بول و الشوكولاته و البسكوت مكانش عابز باكلهم وحب انه يحتفظ بيهم و مفهمش ليه كان لسه تحت تأثير الصدمه شويه بالذات وهو باصص علي الچاكت بتاع تقي و الچاكت بتاعه اللي عليهم دم.

مقدرش يرمي الچاكت زي ما طلبت منه فا خدوا معاه.

عدي…..قعد علي الكرسي اللي في اوضته و مسك الموبايل يتصل عليها عشان يطمن بقت احسن و لا لسه في نفس حالتها

بس مردتش بعتلها ڤويس علي الواتس .

عدي…..تقي طمنيني عليكي انا بتصل بس مش عارف انتي نايمه ولا ايه لو لسه صاحيه و سمعتي الڤويس طمنيني عشان قلقان عليكي.

بعت الڤويس و دخل عليه سليم في الوقت ده.

عدي….تعالي

سليم….قولي بقي انت مالك مصدقتش انا انك مصدع و انك مش تمام و عايز تنام دي قولي في ايه وشك باين عليه ان في مصيبه انا حافظك

عدي…..انا فعلاً كنت في مصيبه يا سليم عيشت يوم انا و تقي مستحيل ننساه

سليم….تقي !! هي كانت معاك

عدي….اااا اه روحتلها

سليم….هو ايه الحوار بالظبط مش فاهمك

عدي….يا عم مفيش حوار و لا حاجه

سليم….ماشي هعمل نفسي مصدقك مؤقتا بس قولي مصيبه ايه و يوم ايه.

عدي حكاله اللي حصل كله سليم كان مصدوم و باصصلوا و مسطت الچواكت بتاعتهم.

عدي…..بس وصلتها و رجعت سألت كده عن الراجل بس محدش عارف حاجه واحد كن صحاب المحلات قال الاسعاف و الشرطه وصلوا و لحد ما الاسعاف خدت الراجل كان عايش معرفش بقي ايه اللي حصل بعد كده

سليم…..يانهار اسود ده فيلم

عدي….و مش اي فيلم انا لو حد حكالي الموقف مش هصدق اصلا هو الحكي غير انك تشوف المنظر

سليم…..طيب هي عامله ايه ؟

عدي….معرفش انا لسه كنت بتصل بيها و ببعتلها رساله قبل ما تدخل بس لا ردت ولا شافت الڤويس قلقتن بصراحه تكون تعبت اصل انت مشوفتهاش تقي اللي لسانها طويل دي مش هي اللي شافت الموقف

سليم….ما طبعاً هو ده موقف عادي اصلا منظر الچاكت بتاعها كمان يتعب بس انت خدته ليه

عدي…..انا مخدتوش هي كانت عماله تعيط و تصرخ و هي شايفه الدم خلتها قاعته و رميته وراء في العربيه قولتلها هبقي انضفه و اديهولها عشان امها و وليد لو شافوا المنظر كده هيخافوا قالتلي ارميه فا قولت اغسلوا و اظبطه و لما تهدأ هديهولها.

سليم…..مش هتاخده اكيد كل ما هتشوفوا هتفتكر اللي حصل والله الراجل صعب عليا

عدي….امال لو شوفته يا سليم هتموت عليه صوته في ودني وهو باصص للسماء و بيدعي بقهر دعوه هزتني انا واقف في وسط الشارع يقوله يارب صعب عليه حياته زي ما صعب حياتي عليا

سليم….الظلم وحش بس يارب يطلع عايش معرفتش طيب في مستشفي ايه

عدي…..والله ما اعرف بس اكيد هتبقي مستشفي قريبه من المنيل يعني اكيد مش هيسيبوا الراجل كده و يروحوا مستشفي بعيده و بفكر والله بكره اروح اسأل عنه

سليم……في كام مستشفي هناك قريبين ممكن ابقي اجي معاك لو الشغل هادي و نسأل عنه كده

عدي…..يارب يطلع عايش

سليم….بابتسامه وانا بقي عايزه يطلع عايش عشان صعبان عليك و لا عشان تقي متفضلش زعلانه

عدي….بصراحه الاتنين اكيد خبر زي ده هيفرق معاها و ينسيها الموقف شويه كمان الراجل ده وجعني بجد يا سليم من اصعب المواقف اللي عيشتها في حياتي و قصته عرفتها وانا واقف فا اتوجعت عليه بجد

سليم…..هنروح يا عم و نطمن عليه و ان شاء الله يطلع عايش

عدي….يارب قولي بقي انت جاي تطمن عليا ولا في حاجه

سليم…..جاي اطمن عليك منظرك مريحنيش

عدي….اطمن انا تمام الحمد لله

سليم….يارب ديماً طيب قوم غير و ارتاح و خليني اخد انا الچواكت دي اغسلها و اكويها.

عدي….لا سيب بتاع تقي احسن حد يشوفوا و بعدين لتزم يتغسلوا الاول هنا مش هنوديهم بالدم ده اكيد

سليم….متقلقش انا هظبطهم الاول و بعدين عندي مكوي كتير هحطهم في وسط الهدوم متقلقش

عدي….طيب تمام

سليم….مسك الچواكت في ايده و بعدين وقف صحيح الا يعني كنت عايزك كده لما تقي تتحسن نبقي نقولها يعني نقترح عليها ان نسمه تشتغل معاهم مؤقتاً لحد ما تلاقي شغل

عدي…..بابتسامه جاي تطمن عليا هاااا حدفوا بالمخده

سليم….بضحك متفهمنيش غلط انا بساعد مش اكتر

عدي….بضحك لا وانت بتسعي في الخير

سليم….بابتسامه ياعم ما تسيبني في حالي يعني انا رخمت عليك لما روحت قابلت تقي قدم السبت

عدي….ماشي ياعم نقدموا السبت و مالوا

ضحكوا هما الاتنين و سابوا سليم و خرج.

……….

عند نعيمه و البنات روحت نادين و كانت قاعده معاهم قررت نعيمه تشيل الغيار خلاص الدكتور قالها لو حابه انه يتهوي خلاص ريحيه شويه من الغيار

بصت نسمه لنادين بهدوء.

نعيمه….كانت باصه علي ايدها بحزن ايدي باظت خالص قال وانا اللي كنت عماله اقول للدكتور عايزه اشيل الغيار

نادين….فين دي اللي باظت يانوني

نعيمه….مش شايفه منظرها بشع ازاي يا نودي

نادين…..ولا بشع و لا اي حاجه هو الحرق لسه مخفش خالص خلينا نقول انه خف بنسبة خمسه في الميه بس يعني لسه 95 في الميه و شويه شويه هيخف خالص

نسمه….نادين بتتكلم صح اصلا لسه ايدك حمراء و باين انها ملتهبه جامد و اثار الحروق لسه باين انه جرح صاحي هتكنلي بالاسبراي المضاد الحيوي ده هينشف الحروق دي خالص مع الكريمات و انتي هتلاحظي كل يوم هتلاقيها بتخف اكتر

نادين….كمان كويس انك تفكي بقي الغيار و تخليها متعرضه لاهواء شويه عشان الحرق يلم اسرع

نعيمه…..دي منظرها مقرف انا هحط تاني الغيار

نسمه…..مقرف ايه بس ماهو حرق يا نوني عيزاه يبقي ازاي يعني و بعدين لو رجعتي حطيتي الغيار تاني مش هيخف بسرعه خليه كده و بعدين والله مش مقرف ولا اي حاجه

نادين…..بلاش تشغلي بالك بالحرق احنا عدينا اهم و اصعب مرحله يا نوني وهي الوجع احمدي ربنا ده انتي كنتي بتموتي

نعيمه…..اكيد الحمد لله

نادين ….ايوه كده الباقي بقي مقدور عليه هنبدأ نكمل علاجها و بعدين لما تخف هنبدأ نحط كريمات تجميل تضيع اثار الحرق و خدي بالك شكلها هيخف 50 فالميه بعد ما تتعالج يعني بمجرد ما الحرق يخف هياخد معاه لون الحمار الغامق ده و هياخد معاه شكل الجلد هيبقي عامل زي الحروف العاديه علامه عادي و دي هنعالجها

نعيمه…..بس مستحيل ترجع زي الاول

نادين….مين قال كده هنجيب احسن كريمات تجميل و لو حابه نعمل ليزر هنعمل عشان كده بقولك متنكديش علي نفسك الشكل ليه حل المهم الوقت تتعالج صح ماشي يا نوني

نعيمه….ماشي

نادين….ممكن بقي نحط الاسبراي و نحط الكريمات

نعيمه…..طيب رشي الاسبراي براحه لانه بيبقي ساقع و بيخرج مره واحده بيوجعني والله

نادين….حاضر متقلقيش

نعيميه….سيبي انتي الكريمات انا هحطها هعرف كفايه عليكي قرف لحد كده

نادين….قرف ايه يا هبله هو انتي فكراني قرفانه انا ببقي خايفه اوجعك والله مش اكتر و بعدين انا صحيح خوافه بس في المواقف دي معرفش بجيب القلب الجامد منين

نعيمه….بأبتسامه ربنا يخليكي ليا

نادين….بابتسامه يلا مستعده هرش براحه علي صوابعك عشان كفك ياخد علي السقعه و بعدين هنكمل براحه اوك

نعيمه….تمام يلا

بعد حوالي ربع ساعه دخلت نعيمه اوضتها حطتلها نادين الاسبراي و الكريمات و سابت ايدها من غير غيار كانت مضايقه اوي و نفسياً مش تمام بسبب المنظر

مسكت الموبايل و اتصلت علي فضل

فضل….حبيبي كنت لسه هكلمك يا وحش

نعيمه…..طلعت

فضل…..اه لسه طالع من شويه

نعيمه…..طيب انا هنام بقي

فضل…..مال صوتك

نعيمه….مفيش يا حبيبي

فضل…..مال صووووتك

نعيمه…..بدموع فضل انا ايدي بايظه خالص كنت عايزه افك الغيار بقي عشان احس اني بخف بس منظرها بشع و مقرف و يخوف معرفش ازاي هنزل بيها كده

فضل….نوني الدكتور قالنا اخر مره اننا هنفكها خلاص و لازم تتعرض للهوي و لما انتي طلبتي كده قالك تمام بس لو في تراب او اي حاجه غطيها يعني هي لازم تتهوي خلاص بس لو علي الشكل يا قلبي احنا عارفين انها لسه مخفتش يعني حتي و انتي سيباها كده هنفضل نحط المضاد و الكريمات و نعقمها و كل حاجه لحد ما تحف خالص

نعيمه…..بس شكلها صعب اوي يا فضل

فضل…..كل ده يا عمري هيختفي خلينا نقول اسبوع عشر ايام هتبدأ تخف خالص و بعدين لو اهتميني بالمضاد و الكريمات اول بأول هتخف اسرع وانا قولتلك بمجرد ما الحرق نفسه يخف هعملك فيها اللي انتي عيزاه هجيبلك احسن كريمات من بره مصر كمان يعني ليها حل متقلقيش اعرف ناس كتير اتحرقوا و الوقت تبصي عليهم مفيش اي اثر

كان عندنا شاب شغال في الكافيه من فتره طويله اتحرق في وشه كمان و كانت باينه جداً بس الوقت تشوفي مفيهوش حتي علامه واحده والله العظيم روق يا قمر و انا وعد مني بس تخفي مش هسيب ايدك غير وهي احسن من الاول

نعيمه….تمام يا فضل

فضل….بابتسامه تمااام يا فضل يالهوي يا ناس علي القمر بتاعي و هو زعلان

ضحكت نعرمه من بين دموعها

فضل…..بابتسامه عشان خاطري بطلي عياط و مش عايز اشوفك زعلانه كده انا حاسس بيكي و الله و عارف انك نفسياً مش احسن حاجه بس ابسطي يا ستي بعد بكره جيالك اللي هتروق عليكي

نعيمه…..مين ؟ تقصد ايمي هي جايه الصبح

فضل….لا اقصد ليله هنتقابل عند ايمي و هتروح معاكي خلاص

نعيمه….طب احلف

فضل….بابتسامه والله تمت المهمه بنجاح ابسطي بس يارب ماتنسنيش لما ست ليله ترجعلك

نعيمه… بابتسامه لا مش هنساك و بجد فرحتني

فضل…..ربنا يفرحك ياقلبي قوليلي كلتي

نعيمه….الحمد لله و انت

فضل…..لا لسه نجود بتجهز الاكل و هروح اكل الوقت انتي روحي نامي يلا انا هاكل وانام علي طول

نعيمه….ماشي يا حبيبي

فضل….تصبحي علي الف خير يا قلبي

نعيمه…..وانت من اهل الخير يا حبيبي باي

فضل……باي

………..

رجعت ايه علي البيت كانوا كلهم قاعدين و مستنينها سلمي كانت بتحاول تكون كويسه و عينها راحه جايه علي تامر قلقه كان باين عليه مع ان احمد اتصل اطمن عليها قدامه سلمي كانت فاكره ان قصه تامر معاها خلصت من زمان و صدقت اما اقنعها بتصرفاته انه نسيها صدقت لما شافته مبسوط ليها مع سلامه و لحد الوقت مصدقاه ماهو ازاي يكون بيحبها و مش باين عليه الحزن وهي مع حد غيره بس كمان القلق والارتباك اللي هو فيه غريب و بيقول ان ايه جوه قلبه متحركتش من مكانها ..

فضلت تفتكر اكتر من موقف لما زعقلها بسيب الورقه زعيق غير مبرر ودخل في الموضوع تأخيرها

لما ايه عيطت و قالت لاحمد اشمعني مش بيعمل كده مع سلمي

افتكرت لما ملامحه اتغيرت و عرف اول مره انهم كانوا مع شباب في دهب و اتحبسوا معاهم.

افتكرت مواقف كتير تثبت ان تامر بيعشق ايه و مطلعهاش من قلبه افتكرت سؤاله عليهم كل شويه و هما مسافرين و بالاخص عن ايه.

وفضلت تفتكر في تفاصيل كتير تبين اهتمامه بكل حاجه بتحبها ايه

بصت علي الباب اول ما سمعت صوت المفتاح و بعدين بصت علي تامر اللي ملامح الراحه اترسمت علي وشه.

ايه…..مساء الخير

الجميع…مساء النور

ايه….اسفه يا بابا اتأخرت

احمد…..ولا يهمك الجو برد تحت

ايه….اه اوي بصت بهدوء علي تامر كان باصصلها بهدوء ااااخباركم ايه

احمد…..مقولتليش ليه انك عايزه تروحي تجيبي حاجه كنت جيت معاكي

ايه….ابداً انا خلصت شغل و حسيت اني عايزه اتمشي شويه اصلا مشترتش حاجه بس يعني غيرت جو

تامر…ااا سلامه كان معاكي اقصد يعني عشان متبقيش لوحدك

ايه….لا سلامه عنده شغل كتير اليومين دول عشان المعرض بتاعهم الجديد

بصت سلمي بهدوء علي تامر و بعدين بصت علي ايه لمحت في عينها الحزن و اضايقت من نفسها انها محستش بأيه كانت مشغوله مع حسان و مشغوله مع هنا في البطوله و مشغوله في شغلها.

ايه…..ايه يا لومي عامله ايه

سلمي….بابتسامه تمام انتي كويسه

ايه….الحمد لله

سلمي….قومي غيري يلا عشان تاكلي هروح اجهزلك العشاء

ايه….لا انا مش جعانه انا عايزه انام

تامر….كلي الاول و بعدين نامي

ايه….شبعانه والله يا تامر

احمد…..شبعانه اين يا بنتي انتي طول ما انتي في شغلك مش بتاكلي

ايه….لا كلت و مش جعانه

احمد…..لو مش عايزه تاكلي من الاكل ده شوفي عايزه ايه واطلبلك

ايه….والله شبعانه يا تامر مش قادره يلا تصبحوا علي خير

احمد ….فين البوسه بتاعتي

ايه….بابتسامه قربت منه تصبح علي خير يا حبيبي.

سلمي…..قامت انا كمان هنام مش قادره

ايه….بهدوء باستها تصبحي علي خير يا قلبي

سلمي….وانتي من اهل الخير

بصت علي تامر بهدوء و ارتباك بسيط و هو بصلها بابتسامه هاديه

تامر…..ايه وانا راحت عليا

بصت سلمي بسرعه علي ايه حست ان ملامحها اتغيرت و بصت علي تامر بسرعه

سلمي….بطل رخامه و سيبها تروح تنام بتصحي بدري

تامر….وانتي مالك يا حشريه يعني البوسه بتاعتي هي اللي هتصحيها متأخر

احمد….بضحك سيبه هو واخته حرين

ابتسمت ايه بهدوء و قربت من تلمر بسرعه باسته من خده

ايه….. تصبح علي علي خير

تامر…..بابتسامه تجنن وانتي من اهل الخير

دخلت ايه بسرعه علي اوضتها و قفات بهدوء وراها و راحت طلعت غيار و دخلت تاخد شاور.

سلمي كمان راحت علي اوضتها كانت هتتجنن مش هتقدر تتكلم مع ايه و لا عارفه تفاتح تامر ازاي كانت محتاجه تتكلم معاه وهما لوحدهم عشان كده معرفتش تتكلم معاه في وجود احمد و قررت تتكلم معاه في وقت يكون احمد و ايه مش موجودين .

خرجت ايه بعد شويه صغيره مسكت موبايلها و شالت البلوك عن سلامه فضلت تحط ايدها علي الرقم عشان تتصل و تشيلها مكانتش عارفه تقولوا ايه اكتفت بانها تشيل البلوك بس و تشوف يمكن يتصل عليها و لو متصلش تتصل هي عليه بكره لما تنزل عشان تعرف تكلموا براحتها بصت علي صباعها بحزن مضايقه ان الخاتم مش فيه و قعدت تفكر في كلام ليله كله تاني.

……………….

عند ليله و عشري .

بعد ما وليد مشي عشري كان معاه تليفون مهم بخصوص المشكله فا فضل يتكلم بره و هي دخلت خدت شاور و خرجت كانت لابسه سلوبيت يجنن شبه اللي نزلت بيه قبل كده بس في اختلاف بسيط.

ظبطت شعرها و عملت ميك اب هادي خالص بصت علي علبة السجاير لقتها فاضيه راحت فتحت الدرج اللي فيه السجاير و بعدين قعدت علي الارض تلعب في الدرج كان عندها فضول تعرف ايه الحجات الغريبه دي مسكت علبة السيجار

وهي مبتسمه حطت واحد في بوئها بس مولعتوش كانت بتلعب يعني

هي عمرها ما شافت عشري بيشربوا فا كان عندها فضول تعرف هو ليه محتفظ بكل الحجات دي حتي السجاير كان في انواع فيهم هو مش بيشربها..

ربعت رجلها واتبسطت اوي من النكش ده هي في العادي مبتحبش تنكش في حاجه مش بتاعتها بس اتبسطت و فضلت تتفرج علي اللي في الدرج و لفت نظرها مره تانيه العلبه المعدن الفضي اللي شافتها قبل كده كان فيها حوالي تسع سجاير مسكت سيجاره منهم و لعتها

خدت منها نفسين و كحت و معجبهاش الطعم بان علي ملامحها القرف بس رجعت وخدت نفس تالت و بعدين سابتها في بوئها و كملت نكش لقت حاجه كده شبة البايب اللي كانوا زمان بيشرب منه البشاوات بس رفيع اوي مكانتش فاهمه ايه ده و ضحكت

ليله….هو ايه ده يا عشري ايه كل الحجات الغريبه دي

كملت نكش و في الوقت ده قفل عشري و راح يبص عليها

عشري….ليله لووولي حبيبي فينك

دخل اوضه النوم شم ريحه غريبه اتصدم وراح بسرعه علي الدريسنج لقاها قاعده في الارض و فاتحه الدرج و عماله تنكش فيه.

عشري ….بصدمه لياه بتعملي ايه

ليله…..بابتسامه هو ايه البتاع ده يا عشري

عشري….بصلها بصدمه علي حالتها و بص علي اللي في ايدها ده مدواخ

ليله….ايه مدواخ ده هو ده مش بايب

عشري….لا اسمه كده بيتحط فيه النيكوتين في الفاتحه بتاعته و بيتشرب نيكوتين صافي انتي بتعملي ايه يا ليله

ليله…..بضحك بلعب تيجي تلعب معايا

عشري….ابتسم غصب عنه ليله انتي كويسه

ليله….بضحك انا كويسه جدااااا

عشري….هي السيجاره اللي في ايدك دي ايه؟

ليله…..بضحك طعمها وحش اوي بس حلوه بتظبط الدماغ

قرب منها بسرعه و خد السيجاره شمها و برق

عشري…..الله يخربيت عقلك انتي خدتي السيجاره دي من العلبه دي

ليله…..بضحك اه حلوه العلبه دي اوي

عشري…..حلوه ايه قومي معايا قومي انتي شربتي غيرها

ليله….بضحك لا هي دي بس و بعدين عندك كل العلب دي و زعلتن علي سيجاره ايه يا بلطجي بقيت بخيل ولا ايه

عشري….بخيل ايه الله يخربيت شيطانك دي حششيش

ليله….بصتلوا و بعدين فضلت تضحك من قلبها انا شربت حشييش

عشري….بابتسامه قومي يا ليله قومي من الارض تعالي معايا شدها من الارض مسكت في هدومه و لفت ايدها علي رقبته

عشري….بابتسامه ليله تعالي اغسلي وشك

ليله….مش عايزه انا خدت شاور خلاص

عشري….لا شاور قبل السجاره مينفعش تعالي يلا

ليله….بضحك لا مش عايزه انا كده حلوه

عشري…..بابتسامه هو انتي مخدتيش بالك ازاي من الريحه

ليله….بضحك مشربتش قبل كده حششيش يا بلطجي بس قولي انت بتشرب ومخبي عليا بتشرب من غيري

عشري…..بضحك من غيرك ايه يا مجنونه انا مليش فيه اصلا دي مجاملات من صحابي باخدها عشان مكسفهمش بس مش بشربهم برجعهالهم تاني في اي مناسبه او بديها للي بيشرب

ليله….بضحك يعني تدي للناس كلها وانا لا يا بلطجي

عشري….بضحك بت فوقي كده و بطلي ضحك الله يخربيت عقلك تعالي يلا و فكي ايدك دي لازم تغسلي وشك و راسك و لازم تاكلي حاجه بسرعه احسن يجيلك هبوط و تتعبي

ليله….مش هتعب انا مش عندي هبوط و لو جالي هبوط هاكل شيكولاته او تمر

عشري….بضحك ما ده اوسخ هتعلب و يومنا هيبقي مهبب

ليله…..بضحك ايه الحلاوه دي يا بلطجي

عشري….بضحك اااااه بقولك ايه تعالي معايا

ليله…مسكت فيه اكتر و رفعت نفسها علي اطراف صوابعها لا مش هاجي تعالي انت قربت من شفايفها

عشري….ليله ليله اهدي و اعقلي و امسكي العقل كده انتي مش في وعيك

ليله…..مين قالك اني مش في وعيي ده انا في وعيي اوي جداً خالص

عشري…..حبيبي وحياتي عندك امشي معايا بدل ما اشيلك بالعافيه

ليله…..بصت علي شفايفه بجرأه الجرح هيوجعك

عشري….بضحك اااه طيب يبقي تيجي معايا احسن

ليله……عشري خليك معايا

عشري….ليله انتي مش في وعيك

ليله….انا في وعيي اوي و عيزاك

عشري….بصلها بصدمه و ضحك عيزاني ده ايه ليله فوقي

ليله….قربت منه بجرأه وباسته

عشري….ليله

قربت تاني بعدها عنه قربت تاني

عشري….بضعف ليله ابعدي

ليله….مش هبعد انت راهنتني علي
اني هجيلك و اقولك عيزاك و عايزه وحضنك وانا قولتلك مستحيل بس انا اهو جنبك و بقولك انك كسبت الرهان يا بلطجي

عشري…..ليله ابعدي عشان خاطري

مسمعتش كلامه و فضلت تقرب منه وهو حس انه مش قادر و بدأ يضعف
كان متجاوب في لمساتها و بوستها ليه و قرب منها باسها بكل حب بس حش انه خلاص اكتر من كده الدنيا هتبوظ شالها مره واحده و دخلها علي الحمام و حطها في البانيو و فتح عليها المايه الساقعه.

صوتت و مسكت فيه فضل ماسكها لحد ما اتغرقت خالص و هو مبتسم هديت و بصتلوا بهدوء ضمها لحضنه

و حط عليها الفوطه

عشري…..بهمس هروح اجيبلك غيار ماشي

هزت راسها بهدوء

عشري…..تعالي اقعدي هنا و امسكي نفسك احسن تدوخي

سابها وراح جابلها غيار بسرعه و رجعلها.

عشري….هتقدري تغيري ولا اساعدك

ليله …بهدوء ااا لا لا هقدر اخرج يلا

عشري….بابتسامه طيب متتأخريش لو اتاخرتي هدخل

ليله….متقلقش انا كويسه والله

عشري…..طيب علي مهلك

خرج عشري و سابها راح غير هدومه اللي اتغرقت كام دقيقه و خرجت و هي ماسكه فوطه بتنشف شعرها و باين عليها انها مش متزنه لسه

بصلها عشري و ابتسم

عشري…..ايه تمام

ابتسمت ليله و ضحكت بهدوء

ليله… تمام متقلقش

عشري…..بضحك اقول عليكي ايه بتنكشي و بتلعبي ليه في حاجه متعرفيهاش

ليله….بابتسامه وانا ايه اللي عرفني انها مش سيجاره عاديه

عشري…..طيب ريحتها حتي مشككتكيش

ليله…..لا والله انا فكرتها زي السجار والحجات الغريبه اللي جوه

عشري……قعد جنبها وهو بيضحك طب انتي كويسه؟

ليله…اه بس دماغي تقيله اوي

عشري …بضحك اقل واجب شاربه نصها الحمد لله اني دخلت قبل ما تخلصيها كنا هنضيع

ابتسمت ليله بإحراج و سكتت

عشري…..بضحك سيجاره واحده خليتك تسلمي كده

ليله….بضحك بقولك ايه اتلم شويه والله مصدعه ومش قادره ارد عليك انا اصلا مكنتش مركزه

عشري…طيب يا ستي هجيبلك حاجه تاكليها عشان تفصلي

ليله…..ماشي

عشري…..حاسه بتعب او اي حاجه

ليله….لا عايزه انام بس

عشري….هنيمك حاضر بس كلي الاول

خرج عشري راح جابلها حاجه تاكلها كانت نابمه علي السرير

عشري….بضحك قومي يا مصيبه كلي يلا

ابتسمت ليله بهدوء

ليله….مش قادره والله اقوم

عشري…..بضحك لا ما انا مش هقرب منك خلينا نتعامل من بعيد لبعيد واقولك هسيبلك الاوضه خالص

ليله…..بضحك انت خايف مني متخافش تعالي

عشري…..مش ضامنك

ليله…..متبقاش رخم والله خلاص تعالي

قعد جنبها و هو بيضحك وضمها بحب

عشري……حاسه باي حاجه

ليله….انا كويسه والله

عشري….اياك تلعبي في حاجه تاني و انا هشيل العلبه دي خالص من هنا بكره

ليله….انا مالي انت اللي معرفتنيش

عشري…..عشان معرفش انك هتمسكيها اصلا

ليله….العلبه شكلها عجبني

عشري…..بضحك شكلها عجبك طب يلا كلي