لقاء كـ،ـ،ـارثي
ليله….انا حرانه
عشري….بضحك اقل واجب اااااه كنت هضيع بسببك يا بلطجيه
ابتسمت ليله و كلت حاجه بسيطه و بعد كده بصتلوا
ليله……عايزه انام في حضنك
عشري…..ما بلاش حضني الوقت
ليله….بابتسامه اتلم بقي مش هعمل حاجه والله انا عايزه انام بس
عشري….بابتسامه ماشي تعالي ربنا يستر
ضحكت ليله و نامت في حضنه باسها من راسها بحب و فضل يمشي ايده علي شعرها لحد ما نامت
………………
في المطار
رشيد…..اميره عشان خاطري بطلي عياط بقي
اميره…..هتوحشوني اوي
كريم….ان شاء الله قريب اوي هنكون معاهم و في وسطهم
ايمي…..انتي كمان هتوحشينا و هنستناكي و بجد شكراً علي كل حاجه حلوه و علي المام يوم دول
اميره…..حبيبتي يا ايمي ربنا يسعدكم يارب خدي بالك من محمد و انت كمان خد بالك منها
رشيد….متقلقيش ايمي في عيني و هنستناكي قريب
اميره….ان شاء الله
ايمي….بطلي عياط بقي عشان خاطري انا مش بحب اللحظات دي
اميره….بابتسامه خلاص والله انا تمام
كريم….يلا يا محمد اتحركوا انتوا عشان تخلصوا بسرعه طيارتكم قربت
رشيد….تمام بلا اشوفك علي خير يا كريم
سلم علي كريم و حضنوا و ايمي حضنت اميره تاني و بعدين سلم رشيد عليها و ايمي سلمت علي كريم
ودخلوا مع بعض علي جوه رشيد كان مضايق شويه عشان دموع اميره.
دخلوا جوه خلصوا الاجراءات و سابوا شنطهم و بعدين راحوا علي الاستراحه اللي قبل طلوعهم الطياره كان فاضل حوالي نص ساعه بدأوا يتحركوا علي جوه لان بيت اميره و كريم مش بعيد عن المطار فا محبوش يروحوا بدري عشان الجو برد.
بعد ما خلصوا كل حاجه طلعوا الطياره رشيد كان ساكت ودنه حمراء اوي و مضايق عشان اميره.
ايمي….حبيبي فك شويه
رشيد….بأبتسامه حزينه صعبانه عليا
ايمي….وانا والله بس ان شاء الله قريب يكونوا معانا هما خلاص تقريباً مقررين هيكونوا نعانا في اقرب وقت و هنتجمت كلنا متقلقش
رشيد…..يارب يا حبيبي
ايمي….طيب فك عشان مش بحب اشوفك كدن و بعدين الطياره شويه و هتطلع انا خايفه
رشيد….بابتسامه متخافيش هاخدك في حضني
ايمي….بابتسامه تجنن لا عيب حوالينا ناس مبتشبعش احضان
رشيد….ضحك و ضربها بصباعه براحه علي خدها مش اللي في بالك يا قليلة الادب
ضحكت ايمي عشان ضحك و لفت ايدها علي دراعه حضنته و نامت علي كتفه
رشيد….بحب اتبسطتي يا قلبي
ايمي….رفعت وشها اوي بجد
رشيد…..ربنا يقدرني و اسعدك طول ما انا عايش
ايمي…..ربنا يخليك ليا يا عمري سعادتي في وجودك يا رشيد اي مكان هكون معاك فيه هكون مبسوطه حتي لو مش هنطلع من بيتنا
رشيد….حلو يبقي هحرسك في البيت بقي بلا شغل بلا بتاع
ايمي….بضحك خلاص اتفقنا نقعد في البيت بقي احنا الاتنين
رشيد….ابتسم بحب موافق
فضلوا ساكتين شويه و مستنين الناس تدخل الطياره مكانتش زحمه اوي و كان في كراسي كتير فاضيه الكل دخل بسرعه و شويه واتقفل باب الطياره.
ركبت ايمي الحزام هي و رشيد طلعلها رشيد لبانه حطها في بوئها
رشيد….كلي دي عشان ودنك متتعبكيش تاني
ايمي….اوك
رشيد….يلا تعالي في حضني
ايمي…..هي الطياره فاضيه كده ليه انا خايفه
رشيد…عادي يا قلبي الرحله مش زحمه مش اكتر تعالي يلا
رفع دراعه وضمها و حط كفها علي جبهتها الطياره اتحركت و فضلت تمشي بسرعه وفي لحظه الاقلاع مسكت فيه بايدها
ايمي…..رشيددد لا لا لا
رشيد….شششش خلاص خلاص طلعنا يا قلب رشيد اهدي
ايمي غمضت عينها بدوخه فظيعه و ضربات قلبها كانت عاليه سندت راسها علي الكرسي
رشيد….حبيبي مالك الطياره طلعت خلاص اتنفسي بهدوء شويه
ايمي….المرادي طلوعها صعب اوي
رشيد….لا لا بسيطه الله متخافيش اشربي مايه يلا واهدي كده هشغلك اي حاجه تتفرجي عليها اوك
ايمي…اوك.
…………………
في صباح يوم جديد صحي عدي رن علي تقي مردتش بردوا قام خد شاور و لبس و نزل و راح علي الكافيه وهي ولا اتصلت ولا حتي ردت علي رسالته بتاعت امبارح.
علي الساعه واحده بالظبط اتصل عليها تاني جرس مش بيرد فضل يرن كتير مفيش اي رد كانت هي ويتينج و معاها تليفون مرضيتش تكنسل عليه و هو مخدش باله انها ويتنج بس كان مضايق عايز يطمن عليها و في نفس الوقت متعصب من انها مش بترد و هي حركه اصلاً بالنسباله مستفزه فضل يجرب علي امل انها ترد.
……………
في نفس التوقيت في المطار حسان يادوب قابلهم و سلم عليهم و حط الشنط هو و رشيد و بعدين اتحرك من المطار.
فتحت ايمي موبايلها من اول ما دخلت المطار و الاشعارات مش مبطله خالص اول حد اتصلت عليه ليله لما شافت انها فتحت موبايلها.
ابتسمت و اتصلت عليها.
ليله….بصوت نايم حمد الله علي السلامه
ايمي….بابتسامه و صوت هادي باين عليه التعب قلبي يا ناس وحشتيني احلي اشعار شوفته لما لاقيت موبايلك اتفتح
ليله….بضحكه جميله في حضن عشري اللي غطسان في حضنها
طمنيني حسان جالكم
ايمي…اه يا قلبي و اتحركنا من المطار خلاص انتي لسه نايمه ولا ايه
ليله….اه بس هصحي خلاص قوليلي هتروحي تنامي طبعاً
ايمي….انا هروح انام اه لاني فاصله خالص و مكسره و عندي برد وحالتي بالبلاء بس يعني مش هطول علي خمسه كده هقوم عندي كام مشوار و رشيد رايح لمامته و انا هروح ابص علي زوزو وحماده و بعدين هروح كده ابص علي المطعم و لو قدرت هروح ابص علي نوني
ليله….طيب انا كنت عايزه اشوفك ضروري انا و سلمي بس مش عايزه حد يعرف خالص حتي البنات
ايمي….خير في ايه
ليله….لما اشوفك بقي المهم هينفع
ايمي….طبعاً هينفع احيييه ده هموت واشوفك اصلا بس قوليلي هو الحصار اتفك
ليله….بضحك اه يا اختي اتفك انا اصلاً هنزل انا و عشري علي الساعه سبعه كده عشان عندنا مشوارين مهمين و ممكن اكون هناك في المطعم علي تسعه مثلا تكون سلمي كمان خلصت شغلها وجات
ايمي…طيب تمام حلو اوي بس بقولك ايه انتوا عندي بكره مليش دعوه
ليله….هنيجي متقلقيش و اصلا بعد ما امشي من عندك هروح علي البيت عندي خلاص
ايمي…..بضحك اووووعي ايه هنحدد الفرح يعني
ليله…بضحك ومالك يا اختي فرحانه كده ليه
ايمي…افرح يا حبيبتي مفرحش ليه بس قوليلي راحه تصيعي فين انتي و عشري البلطجي
ليله….مش صياعه والله هروح اشيل التاتو
ايمي….بضحك ايه عايز الحرق بتاعه يرجع
ليله….بضحك اه يا رخمه و هنروح كمان العيادن عشان يطمن علي الجرح
ايمي….جرح ايه ؟ انتي عورتي الراجل
ليله….بضحك لا معورتوش و بما انكم رجعتوا بالسلامه يعني فا عشري يا ستي عمل عمليه الزايده تاني يوم ما وصلت انا هنا
ايمي….بصوت عالي خضت عشري و حسان نعمممممم عمليه ايه
ليله….بضحك ودددني باظت قولنا الزايده
ايمي….طب واحنا ليه معرفناش
ليله…..عشان عشري خاف لو عرفتوا تأجلوا تاني سفركم
ايمي….انت ا بتهرجوا طبعاً رشيد الحق ده عشري عمل عمليه قبل ما نسافر و محدش قال
رشيد…..عمليه ايه بتهرجي
ايمي….والله
بص رشيد لحسان
حسان…..ايه متبصليش والله العظيم ما كنت عارف مقالوش عشان انا اللي كنت هوصلكم عرفت بعدها اصلاً و بيومين كمان.
ايمي….انتوا اكيد بتهرجوا طب حتي قولول عشان نطمن عليه نسأل
ليله… يا ستي هو زي الفة محبيناش نقلقكم بس و بعدين هو بخير خلاص و انهارده هيشوف الدكتور الجرح
ايمي….ماشي لينا حساب مع بعض بكره المهم هصحي و اتصل عليكي
ليله….ماشي يا قلبي محدش يعرف هاا خالص
ايمي….اوك يا قلبي يلا روحي فوقي بقي و اشوفك بعدين
ليله…..تمام سلمي علي رشيد كتير
ايمي…..يوصل يا قلبي باي
ليله….باي
قفلت ليله الموبايل و سابته و بصت علي عشري اللي كان دافن وشه في صدره و نايم نوم عميق.
ليله….عشري عشررري
عشري…اممم
ليله….يلا يا حبيبي اصحي الساعه واحده
عشري…..لسه بدري سيبيني شويه
ليله…..طيب خليني اقوم اخد شاور و احضر الفطار و بعدين هصحيك
عشري ..حضنها اكتر لا خليكي عشان خاطري
ليله….بابتسامه بطل دلع و قومني يلا
عشري….تؤ
ابتسمت ليله و باسته من خده و من شفايفه و من مناخيره و فضلت تحرك صباعها علي مناخيره
عشري…بهدوء بطلي رخامه
ليله….براحتي
حطت صباعها في ودنه براحه
عشري….يااااابت بس
ليله….بضحك لا قوم بقي
عشري….حبه صغيره عشان خاطري
ليله….طيب خلاص نام خليني اقوم انا
عشري….لا خليكي
ليله….بضحك وظه اسمه ايه بقي
عشري…..باسها من خدها بوسه قويه اسمه بحبك
ليله….طيب ممكن نقوم بقي انا بجد زهقت من النوم
فتح عينه براحه و بصلها
عشري…..تدفعي كام
بصت في عينه و لونها وهو صاحي
ليله….بابتسامه ادفع نص عمري في العيون الحلوه دي
عشري…بضحكه جميله حلوين
ليله….مع اني مليش في العيون الملونه بس يجننو و عايزه ولادي ياخدوا نفس اللون
عشري….ابتسم اه بس هيكلفوكي كتير اوي
ليله….بضحك هيكلفوني ايه فلوس
عشري…لا مجهود
ليله….بضحكه عاليه اتلم يا بلطجي
عشري….الله مش انتي اللي عايزه اللون يجي نفس الدرجه اكيد هيبقي في مجهود و في وقت و تركيز عشان اسلمك نفس الدرجه
ليله….لو نفس الدرجه ماشي هدفع
عشري….بابتسامه موافق
ليله…..طيب قولي هنجيب بنت ولا ولد الاول
عشري…بضحك لا دي مش بتاعتي بقي
ليله….بضحك اممم يعني لو بتاعتك
عايز ايه
عشري….صراحه انا عايز بنات كلهم شبهك
ليله…..هتصيع عليا يا بلطجي عايز تقنعني انك مش عايز ولاد
عشري….اكيد عايز بس بنات اكتر احنا العيله عندنا كلها شباب جنس حوا حالف يبقي قليل مفيش غير بنات علي رهف و كارما الصغيره
ليله….امممم طيب ولو جالك ولد هتزعل
عشري….انا اي حاجه هتيجي منك حتي لو بوسه هتبسط
ليله….بضحك قول انك طمعان في بوسه عالصبح
عشري….اكيد طمعان
ابتسمت ليله و باسته بوسه سريعه و بصتلوا بحب و هي بتلعب في دقنه.
عشري….حط ايده علي شعرها لو جبنا بنات هفرح اوي بجد لو جبنا ولاد بردوا هفرح بس يعني حاسس ان احساس البنت اجمل
ليله…..بس اللي اعرفوا عنكم و عن الصعايده ان خلفت الولاد اهم
عشري…يمكن عشان اسمهم و ورثهم و الليله دي بس ده كان زمان اوي ايام ابويا و اعمامي و جدي يمكن كمان اللي واخد نفس الطبع عمر بيحب الصبيان اكتر بس كلما بنحب البنات يوم ما رهف اتولدت كلنا كنا مبسوطين اوي فرحتنا بيها كانت اكتر من ولاده ولاد عمر و ولاد سليمان حتي لما كارين جابت جابت كارما و كريم و لاد علي التوأم فرحنا بالبنت اكتر
ليله….امممم بس يومك هيبقي ازرق لو جبتلك ولد و مفرحتش
عشري….بضحك لا انا في كل الاحوال هفرح اني جبت حته منك ومني اتجدعني انتي معايا بس و اتحملني المجهود عشان اسلمك لون عين مفيش زيه
ابتسمت لياه و حضنته بحب
ليله….بحبك يا بلطجي
عشري…..و انا بموت فيكي يا قلب البلطجي
ليله…..ممكن نقوم بقي يلا
عشري…..يلا بينا بقول ايه صحيح
ليله…لفت و بصتلوا ايه
عشري…..ابتسم و غمزلها اخبار الدماغ ايه لسه عاليه و عايزاني ولا فوقنا
ليله….بضحك لا فوقنا يا بلطجي و يكون في علمك انا مكنتش حاسه اوي بنفسي يعني انسي اللي قولته
عشري….كداااااااابه
ليله….بضحك انا مش بكدب انا مش عشري
عشري…بضحك طب يا ستي عشري كداب ومعترف الدور والباقي علي اللي بتقول مش بكدب و بتكدب الوقت
ليله….بضحك قوم عشان متضريش
عشري….ماشي يا ستي هقوم صباحك فل
ليله….صباحك سكر
عشري….بابتسامه اكتر من كده
ليله….قوم و بطل دلع يا عشررري
عشري…..ااااه علي عشري و سنين عشري ارحميييي
ضحكت ليله و سابته و راحت علي الحمام.
……………….
نزلت ايه علي شغلها وصلت المحل فتحت و دخلت ظبطت الدنيا و راحت قعدت بره لحد ما يبدأ شغلها
مسكت الموبايل سلامه متصلش خالص ولا عرف انها شالت البلوك قررت انها تتصل عليه كان نايم لسه اول ما شاف رقمها اتنهد بهدوء و رد
سلامه….بصوت نايم الووو
سكتت ثواني
سلامه….الوووو
ايه….ايوه
سلامه….اخبارك
ايه….بخير انت عامل ايه
سلامه….الحمد لله تمام
ايه….انت نايم ولا تعبان
سلامه….كنت نايم
ايه….بس صوتك تعبان
سلامه….لا عادي برد بسيط
ايه…اااا سلامتك
سلامه….شكراً
سكتت ايه و معرفتش تقولوا اي حاجه هو كمان بيرد بس علي الكلام نزلت دموعها بهدوء و فضل الصمت بينهم ثواني و دقيقه
ايه…اااا طيب انا ااا يعني ااا اسفه لو صحيتك انا بس كنت يعني بتطمن عليك
سلامه……انتي كويسه
نزلت دموعها اكتر و هي بتهزر راسها بلأ كأنه شايفها.
ايه…ااا اه اه تمام
سلامه…..بتعيطي ليه يا ايه؟
نزلت دموعها اكتر و اكتر
سلامه….قوليلي في ايه يا أيه
ايه….مفيش انت بس وحشتني
خرجت منه تنهيده طويله كلها حزن و خنقه
سلامه….اوووووووووف بطلي عياط
فضلت تعيط و دموعها مكانتش بتقف
سلامه…..سمعتيني بطلي عياط بقولك
ايه….حاضر
سلامه….انتي فين ؟
ايه….بصوت معيط في المحل لسه جايه
سلامه….طيب اوووووف انا هقوم اخد شاور و البس و هعدي عليكي اجي ولا مش عايزه
ايه…..بدموع لا عايزه
سلامه….مش هتأخر عليكي
ايه….ماشي
سلامه…..يلا باي
ايه….باي
……………….
عند ليله و عشري كانوا قاعدين بيفطروا.
ليله….عشري
عشري….عيونه
ليله….انهارده لما نخلص مشاويرنا عايزه اروح المطعم عند ايمي عشان هقاباها هي و سلمي
عشري….خير
ليله….لا خير عادي هقابلهم
عشري…..طيب ما احنا رايحين بكره و هتشوفيهم كلهم
ليله….اوك انت عندك مشكله يعني اني اشوفهم انهارده كمان
عشري….لا مقصدش يا قلبي انا بس بفكرك
ليله…لت فاكره بس كنت عايزه اشوفهم هما الاتنين شويه عيزاك بس توصلني و تستناني او لو عندك مشوار خلصوا وارجع خدني
عشري…..طيب وباقي البنات مش هيجوا
ليله….لا هما ميعرفوش انا هقابل بس ايمي و سلمي
عشري….اممم واضح ان في سر في الحوار
ليله….بابتسامه مش سر يا قلبي بس محتاجه اتكلم معاهم شويه لوحدهم و عشان كده مش هنعرف البنات عادي يعني
عشري…امممممم قولتيلي هي ايه صحيح كان مالها
بصتلوا و ابتسمت بهدوء
ليله….ايه بتشغل دماغك عليا و بتربط المواضيع ببعض
عشري….بضحكه جميله لا مش كده بس يعني هي جات امبارح و كانت بتعيط و انهارده هتقابلي سلمي و ايمي مش عارف حاسس ان في حاجه معرفهاش
ليله…..لا عادي و بعدين انت مالك انا بدخل بينك و بين صحابك
عشري….بضحك حلوووو طيب اثبتي علي موقفك بقي
ليله….بضحك لا والله كل الحكايه ان ايه كانت مخنوقه و حاسه بملل وانت عارف ايه كويس عامله زي العيال الصغيره بتحب الضحك و التنطيط علي طول و طبعا انا مش موجوده و ايمي مسافره و سلمي مشغوله مع حسان و سلامه كمان كان مشغول في المعرض و نوني محروقه و نادبن معاها فا الكل مشغول عنها فا كانت مضايقه و غالبا اتعصبت شويه علي سلامه و طلعت عليه هرمونات النكد فا قفشوا و بس جات وقعدنا واتكلمنا وهزرنا و مشيت
عشري….طيب اتصالحو
ليله…..مش عارفه بقي بس يعني الموضوع بسيط مش كبير وانت عارفهم الاتنين مجانين بس متقولش بقي قدامه ولا تسأله احسن يزعل و يفكر انها بتشتكي منه
عشري….اكيد لا يعني مش هقول بس راحه لايمي ليه يعني
ليله…..عادي يا قلبي حابه اقعد معاها مش اكتر و حشتني و عايزه اتكلم انا وهي و قالتلي سلمي هتكون موجوده بس فا مش هنقول للبنات عشان محدش يزعل و بكره اشوفهم
بصلها عشري وضحك
عشري….تمام انا مش فضولي و مش رخم بس انا مقتنعتش بالقصه دي كلها و مبسوط اوي و انتي بتحوري و تكدبي عليا
ليله….بضحك انا مش بكدب
عشري…بضحك وماله يا قلبي حتي لو بتكدبي ده في مصلحتي علي الاقل اقدر امسك عليكي كدبه
ليله….بصحك بعينك و بلاس تخليني اتكلم احسن اطين عيشتك
عشري….بضحك لا خلاص انا هسكت
ليله….صحيح انا قولت لايمي علي العمليه و رشيد عرف
عشري….يخربيت عقلك شتم طبعاً
ليله….بصراحه لا بس لو هو جاي تعبان فا اكيد هيشتم بعد ما يفوق واكيد فهم من حسان
عشري…ماشي هفطر ابقي اكلموا بليل و هشوفوا فين لو كده هروحلوا شويه و نتقابل
ليله…..ايمي قالت رايح لمامته تقريبا كلموا عشان متروحش علي الفاضي
عشري….تمام انا هظبطها كده و هشوف
ليله…..تمام يا قلبي
عشري…..بس خير يعني بتقرري من نفسك يعني و ناسيه اني جوزك و لازم تاخدي الاذن
ليله…..ابتسمت ورفعت حاجبها و غمزتلوا طب افطر و انت ساكت عشان مدخلش اجيب سيجاره
عشري….بضحكه عاليه تجنن لا وعلي ايه تحبي تروحي مكان تاني يا قلبي
ليله….بضحك لا شكراً
عشري….الله غالب يا بت المارديني ترجعيلي بس وانتي عروسه و انول المراد بس و بعدها بكسِر راسك
ليله….بضحك ده بعينك يا ابن عشري هو انت فاكر انك لما تنول المراد هتقدر علي راسي
عشري….بأبتسامه جميله انول المراد ومش عايز حاجه تاني
ضحكت ليله و بصتلوا بنظره تجنن و كملت فطارها هي و هو
…………….
عند ايه في المحل كانت قاعده علي التربيزه اللي بتحلق للكلاب فيها و قدامها كلب صغير ربطاه عشان تحلق ليه بس كانت ماسكه في ايدها المقص و سرحانه خالص
وصل سلامه ركن و نزل بهدوء راح طلع علي الرصيف فتح الباب اول ما كوبر شافه دخل فضل يهوهو
بصت ايه عليه بسرعه و هو بصلها بهدوء ثرب من كوبر طبطب عليه و وقف يلاعبه و يحسس عليه ثواني
كانت هي قامت من مكانها و خرجت عليه بهدوء نظراتها ليه كانت متوتره فيها خجل علي زعل علي لغبطه فظيعه
ايه….ازيك
سلامه….الحمد لله انتي عامله ايه
ايه….تمام
ساب سلامه كوبر و راح بهدوء جنب الكرسي
ايه…ااا اقعد
قعد سلامه و هي قعدت علي الكرسي بتاع المكتب مكانش باصص عليها لعب في شعره و هو باصص لكوبر هو كمان كان متوتر و باين عليه الزعل بشكل فظيع مش هو ده سلامه اللي بيضحك و بيهزر و ديماً مبتسم
ايه…..اااا تشرب حاجه؟
سلامه….لا لا مش عايز
ايه….بنبرة حزن وجعته طيب ليه
بصلها سلامه و محبش يزعلها
سلامه….طيب اعملي شاي
هزت راسها و قامت بسرعه وقفت وراحت شغلت الكاتل و وقفت تعملوا الشاي
و هو فضل قاعد في مكانه عمال يبص حواليه و مش قادر يبصلها كان واجعه اوي انها قلعت الخاتم و استغنت عنه بسهوله و واجعه اوي انها عملتلوا بلوك و مستنتش حتي الموضوع ياخد حقه بس كمان كان مقدر جداً مشاعرها و عارف ان تصرفها ده بسبب حيرتها و ضغطها من الموضوع و عارف انها مش في دماغها ولا مستوعبه الموضوع كانت وحشاه اوي كان واجعه حزنها و نبرة صوتها بس قرر انه ياخد موقف شويه عشان بعد كده مهما حصل بينهم متستسهلش و تقلع خاتمها و تنهي كل حاجه بينهم و عشان قدام شويه بعد الحواز اكيد في مشاكل هتواجههم فا اكيد مينفعش ان اسهل حل عندها يكون الانفصال و الطلاق
قربت بهدوء حطت الشاي جنبه و قعدت قدامه بتوتر واضح بصت علي كوبر و هي بتلعب في شعرها مكانتش عارفه تفتح اي كلام و لا كان في كلام يتقال اصلاً و سك ته لوحده كان قاتلها و مخليها مرتبكه.
بص هو كمان علي كوبر و مكانش في اي صوت صمت فظيع.
حبت تكسر الصمت ده بأي كلام
ايه…ااا انت فطرت؟ ولا اجيبلك فطار
سلامه…..لا انا تمام
ايه…ااا ايه رايك في كوبر نضف صح
سلامه…..اه حلو اوي
ايه….انا حلقتله من شويه و خد شاور
سلامه….تسلم ايدك
ايه….شكراً
سكتت تاني مكانش عارفه تقول ايه
دام الصمت بينهم حوالي دقيقه هي بصاله بهدوء وهو باصص علي كوبر و مولع سيجاره.
دموعها مقدرتش تسيطر عليها كل ما عينها تدمع و دموعها تنزل تمسحها بسرعه بصت علي الارض و حاولت تسيطر علي دنوعها و تمسحها بسرعه.
سبلامه….احممم بابا و سلمي و تامر بخير
ايه….بنبره مهزوه اه الحمد لله
سلامه….الحمد لله
ايه…ااا احممم انت عندك شغل صح
سلامه….اه هشرب الشاي و اقوم عشان متأخرش
ايه…..رايح بكره عند ايمي و رشيد
سلامه…..اه ان شاء الله هخلص شغل و اطلع من هناك علي طول عليهم
سكتت و مردتش كان نفسها تقولوا مش هتيجي تاخدني
ايه…ااا تمام
سلامه….مش رايحه ولا ايه
ايه…..بنبره كلها دموع محبوسه هنروح بأذن الله عشان كمان هاخد كوبر و اوديه معايا
سلامه….هتروحي مع سلمي
ايه….ااا بيتهيألي لا انا همشي من المحل و سلمي مش عارفه هتيجي من العياده علي طول ولا بكره اجازه معرفش
سلامه….هتعرفي تروحي لوحدك بالكلب
ايه….بصتلوا بضعف كان نفسها تقولوا لا اااا اه اه ان شاء الله
سلامه….امم تمام
ايه…اا انت عندك برد
سلامه…..يعني برد بسيط
ايه….سلامتك
سلامه….الله يسلمك
رجعوا سكتوا تاني مكانش عندها اي كلام تقولوا و هو مكانش حابب يتكلم مضايق منها و زعلان اوي و في نفس الوقت مستنيها هي اللي تتكلم حط ايده علي راسه وضغط بصياعه علي دماغه من الجنب كان مصدع جداً من وقت ما حصل بينهم المشكله و هو الصداع مش بيفارقه ابداً
ايه….ااا سلامه
شال ايده و بصلها بهدوء من غير ولا كلمه
بصتلوا و بعدين بعدت عينها نزلتها بهدوء و هي ماسكه ايدها في بعض.
ايه….ااا انا اا انا عايزه الخاتم بتاعي
بصلها ثواني و فضل مثبت عينه عليها من غير و لا كلمه رفعت عينها بهدوء و بصتلوا عينها كانت محجره من الدموع بس مسكت نفسها عشان متعيطش
غمض سلامه عينه كام ثانيه وهو بيضغط علي فكه و بعدين حط السيجاره في بوئه قام وقف سحب محفظته و قعد تاني فتح سوسته صغيره في المحفظه و خرج منها منديل صغير خالص قماش طلع منه الخاتم و مد ايده حطه قدامها علي المكتب و رجع قفل محفظته و قام حطها في جيبه و قعد تاني
بصت ايه علي الخاتم بحزن فظيع و رجعت بصتلوا
ايه….اااا طيب ايه؟
سلامه…..ايه ؟
ايه….يعني مش المفروض تلبسهولي
بصلها سلامه بنظره عتاب كبيره
سلامه…..لا مش المفروض لاني مقلعتهولكيش و لا طلبت منك تقلعيه انتي اللي قلعتيه و انتي اللي لازم تلبسيه
بلعت ريقها بصعوبه و هزت راسها بهدوء عينه كانت عليها كانت باصه علي الخاتم لمح دموعها نزلت تجري علي خدها.
قامت بهدوء و خبت وشها بسرعه ادتلوا ضهرها
ايه…ثواني وراجعه
دخلت علي جوه كان عارف انها عايزه تعيط و عارف انها مضايقه و ان طريقته دي وجعاها اكتر بص علي الخاتم و مشي ايده علي وشه بخنقه فظيعه خرجت منه تنهيده طويله قام وقف و مسك الخاتم و دخل وراها بهدوء.
كانت واقفه باصه علي البانيو و منهاره من غير صوت و سايبه المايه و عماله تغسل في وشها
فضل واقف ساكت و سايبها تعيط
ققلت المايه بهدوء و فضلت تعيط حست بنفسه و ريحته عرفت انه واقف وراها مسحت دموعها و غمضت عينيها ثواني مكانتش قادره تبصلوا وهي بالحاله دي لانه لو شافها كده هتنهار .
فجأه حست انه بيقرب منها و لقته مسك دراعها لفها ليه بهدوء
بتصلوا و هي دموعها نازله مسحتها بكفها بسرعه بصلها سلامه بتظره عتاب طويله و بعدين مسك كفها لبسها الخاتم من غير ولا كلمه
نزلت دموعها و سابت نفسها للعياط
و اترمت في حضنه وهي منهاره سندت راسها علي صدره و مسكت في هدومه
غمض سلامه عينه كان نفسه يضمها بس كان زعلان منها اوي
سلامه….بهدوء بطلي عياط يا ايه
فضلت تعيط و مكانتش عارفه توقف عياط و كانت هتتجنن لانه محضنهاش ولا طبطب عليها
سلامه….ايه بطلي عياط
هزت راسها بلأ و كملت عياط
ابتسم غصب عنه ابتسامه حزينه
فضلت ماسكه فيه و بعدين بعدت راسها من حضنه و بصتلوا وهي بتعيط بصلها بهدوء و متكلمش
ايه….سلامه احضني
بصلها بوجع و مرفعش ايده
مسكت في هدومه بايدها وهي بتهزه و بتعيط
ايه…..متعملش فيا كده انا محتجالك و الله العظيم
غمض عينه و خرجت منه تنهيده طويله رفع كفه حطه علي راسها وضمها ليه انهارت من العياط
ايه….مكنتش عايزه اعمل كده والله انت عارف اني بحبك اوي انا اسفه عشان خاطري متزعلش مني
سلامه…..بطلي عياط و بلاش نتكلم الوقت خالص اهدي من فضلك يلا اغسلي وشك مسكها من دراعها وبعدها عنه بهدوء يلا
هزت راسها و راحت فتحت المايه غسلت وشها و هو راح سحب كام منديل
سلامه….امسكي
خدت المناديل منه نشفت وشها
سلامه…..احسن
ايه…..ايوه
سلامه….تمام اهدي بقي عشان تعرفي تكملي شغلك انا همشي انا كمان
ايه….بس احنا متكلمناش
سلامه….انا مش قادر اتكلم الوقت خالص عشان انا زعلان منك اوي يا ايه اوي اوي
ايه….بدموع سلامه متعملش فيا كده انت عارف انه غصب عني
سلامه…..كان ممكن تزعلي تتصدمي تاخدي موقف ترفضي كان قدامك اكتر من طريقه تعبري فيها عن مشاعرك في الموضوع اللي اتكلمنا فيه لكن انك بسهوله كده تقلعي خاتمك و تعملي بلوكات ده مش غصب عنك يا ايه انتي في لحظه خلتيني احس ان حبك ليا سهل و بسيط و طلعتب بتستغني بسرعه
ايه….انت عارف ان كل اللي بتقولوا ده غلط سلامه الموضوع كان اكبر من استياعبي
سلامه…..لا يا ايه كان في حلول كتير عشان تقدري تستوعبي الموضوع كان ممكن نتناقش نتكلم ناخد و ندي مع بعض نتخانق أشد انتي تشدي بس واحنا مع بعض لكن انتي خدتي الطريق السهل انا معاكي ان الاهل ميتعوضوش بس انا لو مكانك مش هسمح لنفسي احطك في مقارنه او اختيار بينك و بينهم
لاني باختصار من يوم ما حبيتك و انتي جزء من عيلتي مو مينفعش مهما اختلفنا تكوني في موضع اختيار بينك و بينهم يا ايه لكن انتي اختارتي و مش بس كده انتي خدتي قرار سريع تاني يوم علي طول اتصلتي بيا اول ما صحيتي و قولتيلي عايزه اتكلم معاك و كأنك صاحبه طول الليل تجهزي الطريقه اللي هتسبيني بيها مخدتيش حتي كام يوم اسبوع مثلا تفكري صح تاخدي قرار صح ده انتي حتي خدتي القرار لوحدك اللي هو لا انت كلامك معجبنيش و الحل اني هسيبك طيب سألتني نفسك الاول لما هتاخدي قرار زي ده هيكون تأثيره عليا ايه سألتي نفسك هزعل هتوجع رافض ولا قابل للاسف خدتي القرار اللي انتي عيزاه و خلتيني احس اني رخيص عندك و سهل الاستغناء عاااادي ده سلامه يعني مش قصه مش مهم وجعه او حزنه مش مهم يتأثر او يضايق او حتي ميقبلش بالحل ده هو علي بعضه اصلاً مش مهم عارفه يا ايه انتي خلتيني اوصل معاكي لشعور تاعبني انا نفسياً وهو الخوف متخيله اني خايف بعد ما نتجوز و تقابلنا مشكله الاقيكي بكل سهوله بتطلبي الطلاق و يمكن متطلبيش كمان ما زي ما خدتي قرار انك تبعدي في الخطوبه هتاخدي القرار و احنا متجوزين و اصحي الاقيكي خلعاني
ايه…..بدموع سلامه متقولش كده انت عارف انك غالي عندي
سلامه….انتي فاهمه الغلاوه غلط للاسف يا ايه الغلاوه مش كلام دي افعال و افعالك معايا في المشكله دي مبتعبرش عن اي غلاوه اللي بيحب بجد بيتمسك باللي بيحيه
وانا مشوفتكيش اتمسكتي بيا ده الواحد لما بيربي كلب و بيضطر يسيبه لاي ظرف بيحاول يعوده علي مكانه الجديد في الاول و هو لسه معاه عشان لو سابه مره واحده ميتنكسش مبالك بالبني ادم و انا طلعت ارخص من الكلب يا ايه
ايه…..بدموع عشان خاطري بلاش كلامك ده انت مستوعب انت بتقول ايه انت عارف و واثق اني بحبك
سلامه…..كنت يا ايه بس الوقت مش عارف
ايه….شاكك في حبي ليك يا سلامه طب لو انا مش بحبك ليه عامله في نفسي كده و بعدين ما انا لما قولتلك مش هقدر اكمل واديتك الخاتم انت معترضتش و وافقت بسرعه
سلامه…..انا موافقتش انا قولتلك هتسبيني يا ايه رديتي عليا و قولتي اه مش هقدر كنت قاعد قدامك مش مستوعب و مصدوم لان دي كانت اخر حاجه اتوقعها و مع كل ده مقدرتش انام من غير ما اكلمك و اسمع صوتك لما هديت من الصدمه و فوقت قولت لنفسي كلمها وبلاش هبل دي ايه الهبله العبيطه اللي متعرفش هي بتقول ايه او بتعمل ايه واتصلت و مهونتيش عليا بس انتي عملتي بلوكات و طلعتي عارفه انتي بتعملي ايه كويس و مطلعتيش هبله او عبيطه انتي كنتي مقرره
ايه….انا لا كنت مقرره و لا مهببه افهمني يا سلامه ارجوك حس بيا علي الاقل و حس بشعوري
سلامه…..وانا حسيت و حاولت اني اصالحك و اتناقش و نتكلم بس انتي ققلتي في وشي كل الابواب ومع كل ده يا ايه انا بردوا قولتلك مستني قرارك و لما كلمتيني جيت ولما طلبتي الخاتم لبستهولك مهونتيش و مش هتهوني و لسه متمسك بيكي و راضي رغم زعلي و وجعي لسه بحبك بس هفضل خايف يا ايه و ده غصب عني
ايه….طيب اعمل ايه عشان تعرف اني بحبك
سلامه….ولا حاجه يا ايه و خليني كمان يا ستي اقولك اني مصدق انك بتحبيني مش هكدب بس مش عارف اصدق انك متمسكه بيا
ايه….بدموع افهم يا غبي انت بقي انا قلعت الخاتم و قولتلك مش هقدر و بعدت و عملت بلوكات بس حقيقي انا مقدرتش ابعد و لا هقدر سلامه و النبي خليك معايا و متعملش فيا كده انا لو مش بحبك و مش متمسكه بيك مكنتس فكيت البلوكات و كلمتك مكنتش سألت عن الخاتم افهم يا غبي بقي انا بحبك و مليش غيرك هو انت مش بتقول عني عيله اعتبرني عيله وغلطت يا سيدي
سلامه…..انا لو مش معتبرك عيله يا ايه كان زماني مش هنا الوقت بس كمان مينفعش العيله تفضل عيله علي طول يا ايه و مع كل مشكله تقول يلا فررركش الحياه مش كده انا لبستك الخاتم يا ايه و مكنتش اتمني اصلا انك تقلعيه و صدقيني مكنتش حابب البسهولك بعد ما قلعتيه بنفسك كان لازم تلبسيه بنفسك بس مهونتيش عليا و مقدرتش اشوفك زعلانه لكن كمان يا ايه انا بشر و مش بهددك صدقيني بس انا مش هقبل الحركه دي تتعمل تاني ابداً مش هقبل احس اني رخيص و معنديش كرامه كل مشكله تقلعي الخاتم وانا اجي اصالح و البس تاني فهمتي يا ايه
ايه….بهدوء هزت راسها ماشي فهمت طيب انت صالحتني
بصلها سلامه بحزن و ابتسم
سلامه…..اه يا ايه خلاص
ايه….طيب و هتفضل خايف مني و مش واثق فيا لحد امته
سلامه…..دي في ايدك انتي يا ايه مش في ايدي الامان اللي كل واحد فينا بيحتاجه كل طرف بيديه للتاني يعني انا اللي اديكي الامان و المفروض انتي اللي تديهولي
ايه…..تمام يا سلامه علي فكره انا بقالي يومين بقفل علي نفسي بليل بالمفتاح
بصلها سلامه و ابتسم بهدوء
ايه….كمان مش بهزر مع تامر بأيدي و تقريباً مش بتكلم معاه كتير
سلامه…..بهدوء طبطب علي شعرها طفله و هتفضل في عينه طفله
ايه انا مطلبتش منك تقاطعي تامر هو اخوكي علي فكره يعني ممكن تتكلمي تنناقشي يحصل بينكم حوار تهزري تضحكي بس يكون مفيش تجاوز مش اكتر غير كده اوعي تعملي ده هو اخوكي يا ايه فهمتي
ايه….حاضر فهمت
سلامه…..بتنهيده يلا انا همشي و انتي شوفي شغلك و مش عايزك تعيطي تاني تمام
ايه….مسحت دموعها وابتسمت بحبك يا سلامه
سلامه….بابتسامه هاديه و انا كمان بحبك عايزه حاجه قبل ما امشي
ايه….شكراً
سلامه…..يلا باي
خرجت معاه بهدوء علي بره
سلامه…..سلام يا ايه
ايه…..سلام ابقي كلمني انا فكيت البلوك خلاص
سلامه….بابتسامه ماشي هكلمك
ايه….بابتسامه باي
خرج سلامه ركب و مشي خرجت منها تنهيده راحه طويله و حطت كفها علي الخاتم و هي مبسوطه اوي.
……………..
عند تقي بعد ما عدي اتصل و رن كتير فضلت في مكالمتها حوالي ساعه عماله ترغي .
بمجرد ما قفلت اتصلت عليه لاقيته ويتنج رنت كام مره كمان و فضل ويتنج و بعدين كنسل عليها.
بعد حوالي ربع ساعه اتصل هو عليها.
تقي…..الوووو
عدي…..انتي مبترديش ليه
تقي….بابتسامه ياعم قول صباح الخير او مساء الخير الاول
عدي….والله !! انا بتصل بيكي من امبارح يا تقي عشان اطمن عليكي و اشوفك عامله ايه اتصلت مره وانا في الطريق مردتيش ومره لما روحت و بردوا مردتيش و بعت مرتين رسايل امبارح و الصبح و انتي ولا هنا
تقي…..امبارح انت اول مره اتصلت كنت باخد شاور لما طلعت دخلت اخد شاور لاني كنت تعبانه جداً و لما خرجت مبصتش علي الموبايل عملت كام حاجه كده و بعدين مسكت الموبايل قبل ما انام لاقيتك متصل من نص ساعه اتحرجت اتصل عليك عشان الوقت متأخر تاني مره لنا اتصلت و بعت المسدچ انا كنت نمت
عدي….تمام و لما صحيتي ؟
تقي…..انا صحيت غيرت و نزلت علي طول و كنت هكلمك و الله بس حدوته بيكلمني من اول ما نزلت من البيت و فضل معايا كتير يمكن اكتر من ساعه
عدي….تمام وانا اتصلت بيكي كام مره ياتقي انهارده
تقي….قولتلك والله حدوته كان معايا مشوفتش الويتنج
عدي…..بعصبيه لااااا مشوفتش مش قادره تكنسلي عشان اعرف ان حضرتك مشغوله مش قادره تقولي للاستاذ حدوته اقفل ثواني ارد علي اللي عمال يتصل من امبارح ده و اعبره
تقي….بابتسامه اااا طيب ممكن اعرف انت متعصب اوي كده ليه
عدي….هو ايه اللي متعصب ليه ؟ انا مبحبش اتصل و حد يطنشني يا تقي انا لما حد بيكلمني و خصوصا لو لاقيته مصمم يوصلي برد و بحترم الشخص اللي بيكلمني ده .
تقي…..بضحكه هاديه ياعم انا زي الفل مالي بس
عدي….مالك بس ؟! لا ابداً انتي نسيتي الحاله اللي كنتي فيها امبارح ولا انتي بمجرد ما بتنامي بتنسي انا كنت قلقان عليكي يا تقي و معرفش حصل فيكي ايه حتي الرسايل شوفتيها و مردتيش و انهارده بتصل بيكي من اول ما صحيت لحد ما نزلت الكافيه و بدأت شغل و انتي مش هنا و لا كأني بتصل طب ردي قوليلي انك بخير مش اكتر مش هطول عليكي والله
تقي…..بابتسامه قولتلك كنت بكلم حدوته
عدي…..ساعه و ربع بتكلميه يا تقي ليه كل ده اصلاً
تقي…. بضحك علي فكره انا اتصلت بيك انت كمان و كنت مشغول اكتر من نص ساعه كنت بتكلم مين بقي حبيبتك
عدي…..تقي متبقيش مستفزه
تقي….بضحك انت اللي متعصب و بعدين انا كنت مشغوله وانت كنت مشغول
عدي…..بس انا كنسلت عشان تفهمي مسبتكيش ترني
تقي….يعني انت كنت بتتصل عشان تطمن
عدي…..اه يا تقي و كنت متصل بيكي عشان اطمنك اني رجعت المكان بعد ما سيبتك و عرفت ان الراجل لحد ما الاسعاف خدته كان عايش معرفتش في انهي مستشفي بس علي الاقل كان لسه عايش كنت حابب اطمنك عشان تهدي لكن انتي سبتيني كده لا عارف انتي كويسه ولا تعبانه ولا حصل ايه و كملتيها بانهارده
تقي….طيب يا سيدي عموما انا خلاص عرفت انه عايش لسه و كمان هو طلع في القصر العيني القديم
عدي…..وانتي عرفتي ازاي؟
تقي…..مش بقولك كنت بكلم حدوته من بدري حكيتلوا اللي حصل و كنت صاحيه اصلاً لسه مش في المود و هو كان في وسط البلد و فضل معايا علي التليفون و سأل عنه و طمني عشان افك شويه و ارتاح
عدي….والله طيب كويس ده استاذ حدوته طلع شاطر اهو و عرف يطمنك الساعه و ربع حلال فيه
تقي…..بضحك هو انت ليه متعصب كده و مالك ومال حدوته مضايق منه كده ليه الراجل محبش يشوفني مضايقه و اتصرف
عدي….طب علي فكره بقي انتي مستفزه و انا غلطان اني بحاول اطمن عليكي اصلا
تقي….بضحك استني بس انا بكلمك علي فكره
عدي…..تقي انا عايز اقفل عندي شغل كتير
تقي….بضحك طيب سؤال انت كنت عايز تطمن وانا بقولك اهو اني كويسه مضايق ليه بقي عشان طلعت كويسه
عدي….يا بنتي متبقيش مستفزه انا مضايق عشان بتصل من امبارح و انهارده و انتي مفيش خالص
تقي…..ما انا عرفتك بقي اللي حصل و بعدين روحت كمان اجيب التحاليل عشان هروح للدكتور بليل
عدي….تمام يا تقي الحمد لله انك بخير
تقي….بابتسامه علي فكره شكلك وحش و انت مكشر اوي
عدي….علي اساس اني بكلمك ڤديو كول يعني
تقي….بضحك لا علي اساس اني شيفاك
عدي….بص حواليه شيفاني ازاي
تقي…..بضحك علي فكره انا وراك مع العربيه بنزل شغل
بص بسرعه علي الكافيه لمحها بصلها لهدوء ابتسم ابتسامه بسيطه و قفل
راحت عليه و هي بتضحك
تقي…..عرفت بقي اني مش مستفزه واني بضحك علي عصبيتك
ابتسم عدي و هرش في شعره بتوتر
عدي…اممم و سيباني متعصب كده
تقي….بضحك ماهو انا مش عارفه انت متعصب ليه كده
عدي ….تاني هتسألي
تقي…..طب علي فكره بقي انا قولتلك اني جيبت التحاليل و انت مسألتش فيها ايه
عدي….ايه فيها ايه ؟
تقي….مش هقولك عشان تبقي تتعصب عليا
عدي….اخلصي فيها ايه
تقي….ولا حاجه الحديد بعافيه شويه و الكالسيوم كمان نازل حبه و عندي بكتريا في المعده
عدي….ماهو من عك الشارع
تقي….شمتان فيا ماشي شكراً يا عم
عدي…..بابتسامه معادك مع الدكتور امته و فين
تقي….هو في الدقي معادي علي سته
عدي…..خلاص هاجي معاكي
تقي….لا شكراً هرحمك مني انهارده حدوته جاي معايا
عدي….يادي حدوته و سنين حدوته هو ايه حكايته ده مش فاهم هو بجد بيست فريند
تقي….بضحك امال هيكون ايه ؟
عدي…..ساعه وربع مكالمه معاه و جاي معاكي بليل خير في حاجه
تقي….بابتسامه ااا وانت ايه اللي مزعلك احنا صحاب و بعدين ما انت بقالك اكتر من نص ساعه مشغول كنت كلمتك
عدي…..كنت بكلم واحد صاحبي علي فكره.
تقي….امممم صاحبك و بترغي معاه بقالك اكتر من نص ساعه
عدي….امال هكلم مين يعني
تقي…..والله ما عرفش و بعدين يا سيدي كلم اللي تكلموا انا اقصد انك كنت مشغول و كويس طلعت مشغول مع صاحبك زيي
عدي….اممممم طيب حلو اوي ؟ قولتيلي الراجل في القصر العيني القديم
تقي….اه بس في الرعايه وممنوع عنه الزياره بيقولوا يعني ان حالته مش مستقره و كمان في نيابه و قصه طويله
عدي…..اممم تمام
تقي….بابتسامه اااا انا همشي بقي يلا بااااي
عدي…..تقييي
تقي…..نعم
عدي….اعتذري للاستاذ حدوته و متخليهوش يروح معاكي
تقي…..اشمعني
عدي…..هو ايه اللي اشمعني عشان انا جاي
تقي….بضحك ايه قررت يعني خلاص
عدي….اه قررت يعني هو مش انا جيت معاكي وانتي بتعملي التحاليل
تقي…بأبتسامه اه
عدي….طيب يبقي لازم اخلص مشواري للاخر و هوديكي للدكتور و مش عايز كلام و رغي كتير
تقي….اااا بس انا قولت لحدوته تمام و اتفقت معاه
عدي…..عادي اتصلي قوليلوا مش راحه او قوليلوا اني جاي معاكي او قولي اللي تقوليه
تقي…..بابتسامه امممم افكر
عدي….تفكري !!!
تقي…..بضحك علي فكره بقي الساعه اتنين و نص و انا يادوب اخلص مشوار و هروح
عدي….مش مهم خلصي و عرفيني انتي فين و هجيلك
تقي….بس يعني حدوته كان هيعزمني علي بيتزا
عدي….بابتسامه انا هجيبلك
تقي….ايوه بس يعني هو قالي كمان ان بعد الدكتور هيخرجي شويه
عدي…..رفع حاجبه و ابتسم انا هحرجك
تقي…ااااا يعني
عدي….اخلصي اقابلك امته و فين
تقي…..بابتسامه هخلص مشواري و اكلمك باي
عدي…..بابتسامه هرش في راسه باي.
وللحديث بقيه ….
