لقاء كارثي

تقي…..هقول لليله مش عايزه حد يجي معانا

عدي….مش بمزاجك وبعدين خلي في دم هيبقواولسه عرسان و مقدموش يعني نحليهم قاعدين مع بعض و افسحك انا

تقي…..امممممم افكر

عدي…..بضحك خدي بالك بعرف افسح انا

تقي…..انت سافرت قبل كده

عدي…..اه سافرت

تقي…..بنظره سخريه امال فين بقي من البيت للشغل و من الشغل للبيت

عدي…..بضحك طب والله كانت سفرية شغل

تقي….واخده بالي و شغل ايه ده اللي في الامارات ليه علاقه بالكافيهات

عدي….كنت مسافر مع عمر اخويا و سليمان عشان عمر كان عايزنا نشوف وضع السوق هناك ايه لانه كان عابزنا نفتح فرع هناك لان اخواتي ليهم معارف كتير هناك

تقي….و مفتحتوش ليه

عدي…..وقتها أجلوا الفكره شويه بس هنفتح باذن الله شويه كده بس

تقي….امممم طيب

عدي…..هفسحك فسحه حلوه متقلقيش

تقي…..لما افكر الاول هتيجي ولا لا

عدي…..بضحك هاجي

تقي….اااا شكراً يعني علي الالعاب الناريه دي

عدي….عجبتك

تقي…..اه اوي لو يعني كنت تعرف ان عيد ميلادي امتن كنت قولت مجهز نفسك

عدي…..هو انا مكنتش اعرف بس يعني هي صدفه حلوه المهم تكوني اتبسطتي

تقي…..اكيد يعني من احلي المرات اللي احتفلت بيها اصلا بعيد ميلادي

عدي…..بأبتسامه غرور و هو رافع حاجبه ده كده كده عشان انا موجود

تقي…..بضحك براحه علي نفسك النرجسيه مش عارفه تخرج منين ولا منين

عدي…..بضحك لا دي ثقه اصل انا صاحب جدع خدي بالك انتي لسه معرفتيش قيمتي

تقي…..بابتسامه متقلقش الايام هتعرفني يا صديقي العزيز

عدي…..بابتسامه و انا والايام جاهزين يا صديقتي العزيزه.

ابتسمت تقي و عدي و طبعاً ليله و عشري كانوا مركزين نعاهم من غير ما يحسسوهم طول الوقت

عشري…..بابتسامه و همس مش ملاحظه ان ليله و عشري الصغيرين علاقتهم بتطور

ليله….بضحكه جميله انا مااحظه الاريال اللي عماله تطول فوق راسي

عشري…..بضحك ليه بس سيبيهم يا رخمه

ليله….سيبتهم يا اخويا بس شيفاك متحمس يعني

عشري….وانتي معترضه ولا ايه الواد قمر

ليله…..والبت قمرين يا حبيبي

عشري…..بضحك لا بقولك ايه انا شايف نطلع منها بدل ما نقف قصاد بعض

ليله…..بضحك تصدق انا بقول كده بردوا

عشري…..بقولك ايه

ليله….قول

عشري…..لما نسافر هبقي اخد عدي

ليله….بضحك انا الاريال بتطول عندي من غير ما اتدخل في الموضوع بس ماشاء الله واضح ان الاريال عندك بتطول بمزاجك

عشري…..بضحك يا بت احترمي نفسك انا بوفق راسين في الحلال

ليله…..بقيت خاطبه حضرتك

عشري….و ماله عايز افرح باخويا الصغير

ليله…..بنانا مهرها غالي

عشري…..بنظره تجنن سدادين لعيون عيلة المارديني

ابتسمت ليله بحب و دخلت في حضنه

ليله…..بحبك يا بلطجي

عشري…..والبلطجي بيموت فيكي

…………..

سلمي……يعني ايه انا مش فاهمه هو شادي عايزك ترجع

حسان…..لا هو بيسألني راجع امته واضح يعني انه عايز يديني هنا تفضل معايا كام يوم

سلمي….ايوه يا حبيبي بس هنا هتقعد معاك ازاي انت شايل البيت كله و مش عندك غير اوضه

حسان….اكيد هتصرف يا سلمي المهم بس ربنا يستر وعلا متولدش غير لما ارجع احنا لسه قدامنا بكره و الثلاث طول اليوم السواق هيجي علي 12 بليل يعني هنوصل الاريع

سلمي…..هو انهارده لسه الاحد

حسان……اه ناسيه ولا ايه

سلمي…..مش ناسيه بس مش مركزه في الايام اوي يعني و بعدين حاسه اننا بقالنا كتير هنا

حسان….مش كتير ولا حاجه احنا وصلنا الجمعه علي سبعه الصبح و قضينا اليوم و عدي السبت وادي الاحد كمان بيخلص و بكره الاثنين بس احنا عشان مع بعض طول اليوم فا تحسي اننا بقالنا كتير

سلمي….طيب هو قالك انها تعبانه

حسان….انا مستفسرتش اوي بس من كلامه واضح انها خلاص علي اخرها

سلمي…..بس لما كنت معاكم وقت بطوله هنا قالت كمان عشر ايام اسبوعين

حسان…..طيب ما يادوب هو شادي خايف تولد قبل المعاد اللي الدكتور محدده لانها تعبانه و من كلامه فهمت ان علا مش عايزه هنا تكون معاها عشان يعني متبقاش خايفه و طبعاً مش هينفع تسيبها مع مامتها لانها هتبقي معاها اكيد فا مفيش غيري و اكيد مش هوديها عند امي وابويا هنا هتزهق و هما مش هيعرفوا يتعاملوا معاها

سلمي….طيب انا بردوا مش فاهمه كلتمك انت عايز ترجع يا حسان

حسان…..هو انا جيبت سيرة رجوع

سلمي…..لا بس انت باين انك قلقان و متوتر يعني لو حابب ترجع اوك ارجع و خليك معاهم وانا هبقي ارجع معاهم

حسان…..سلمي انا لا متوتر و لا قلقان انا زي الفل و بعدين انا قولتلك عشان انتي سألتب في ايه بعد ما قفلت معاه فا خلاص اقفلي الموضوع بقي

سلمي……هو انت متعصب ليه

حسان…..انا مش متعصب يا سلمي انا برد علي كلامك

سلمي…..لا متعصب يا حسان انت مش شايف نفسك

حسان…..وانا عملت ايه انا بتكلم معاكي بتقولي لو قلقان ارجع و خليك معاهم اقولك ايه يعني

سلمي…..عسان انت مش شايف نفسك يا حسان قلقان ازاي و ملامحك باين عليها جداً

حسان…..عشان بنتي يا سلمي مش اكتر عشان لو علا فعلا تعبت و اضطروا يدخلوها عمليات تولد هنا هتتبهدل اكيد شادي و ام علا هيبقوا مركزين مع علا اكتر و علا نفسها مش هتبقي مركزه مع بنتها لانها في وضع يجبرها علي ده فا مش هيبقي في غير حل من اتنين يا يضطروا ياخدوها معاهم يا انا اخد هنا و انا مش موجود عشان اخدها عرفتي بقي انا قلقان و متوتر ليه

سلمي…..خلاص ارجع يا حسان عشان هنا

حسان….بردوا

سلمي….طب اقولك ايه طيب ؟

حسان…..متقوليش يا سلمي اسكتي وانسي كأني مقولتش حاجه و اتبسطي باليومين اللي احنا فيهم هنا

سلمي…..انت كده مش عصبي صح؟؟

حسان…..علي فكره كلامك اللي معصبني

سلمي….وانا قولت ايه طيب يعصبك قولتلك روح لو قلقان خليك معاهم فهمتني غلط قولالك طب روح عشان تبقي مع هنا بتقولي اسكتي

حسان…..انتي شيفاني عصبي بس للاسف مش شايفه ملامحك انتي قومي كدن بصي علي نفسك في مرايا و انتي تعرفي مين فينا اللي عصبي

سلمي…..وانا هتعصب ليه يا حسان

حسان…..اسألي نفسك يا سلمي

سلمي…..حسان انا كويسه و مش متعصبه و لو كنت بفكر معاك بصوت عالي عشان الاقي معاك حل ده مش معناه اني مضايقه. انت شايل هم هنا و ده حقك مفيش قدامك غير حل واحد انك ترجع وتاخدها لان اكيد مش هتقعد معانا و تكمل سفريتك وانت متوتر و قلقان و مش معانا فا الافضل انك تسافر

حسان….انتي شايفه كده؟ طيب انتي معاكي حق انا حاااااضر هقوم اجهز شنطتي و هرجع علي القاهر

بصتلوا سلمي و هي من جواها مش ده اللي هي كانت عيزاه اكيد هي حقيقي بان عليها العصبيه بس لانها حست بغيره داخليه من فكرة ان حسان يكون متوتر او قلقان عشان علا و اتغير كده في لحظه لما عرف انها بدأت تتعب.

سلمي….تمام يا حسان بصصصص تسافر ترجع تفضل تروح و تقف معاهم او تاخد هنا بس تعمل اللي انت عايزه انت حر بس اوعي تطلع غضبك عليا تمام.

قامت بهدوء و راحت علي الڤيلا من غير ما حد.ياخد باله و من غير ما تديلوا فرصه يتكلم او يرد عليها

بصلها حسان و معرفش يقعدها و لا حب يروح وراها عشان ميلفتش نظر اي حد انهم متخانقين سكت و ولع سيجاره و عمل نفسه مركز معاهم و هو مضايق من جواه هو متعصبش او كان بس متوتر لكن هي اللي كانت غيرانه و متعصبه و معرفتش تداري ده و شافت توتره عصبيه عليها سابها تهدأ و هو كمان يهدأ عشان ميزعلوش من بعض و الموضوع يكبر و كمان يهدأ عشان يعرف يراضيها و يبعد عنها الفكره اللي وصلتلها…

…………..

سليم…..يعني هتروحي لنعيمه علي طول؟

نسمه…لا مش علي طول اكيد لان مقدرش اسيب ماما و بابا و كمان نادر بس هبقي بينهم لان بعد جواز ليله اكيد مش هسيبها لوحدها علي طول

سليم…..طيب هي مستحيل ترجع

نسمه…..مش فكره مستحيل بس نعيمه اتعودت فا هيبقي صعب عليها اوي و بعدين يعني الواضح من كلامها هي و فضل ان هما كمان مش هيطولوا اوي يعني قربوا يتجوزوا فا اكيد مش هتاخد حاجتها وترجع عندنا و شويه و ترجع تروح بيتها فاهمني

سليم…..ايوه فاهمك صراحه موضوع النقل ده مش حلو و متعب

نسمه….بالظبط فا عشان كده يعني ممكن يومين هنا يومين هنا هي مره تيجي معايا مره نودي تبات معاها

سليم…..كده افضل اه بدل ما تسيبوها لوحدها و بعدين احتمال كمان نادين و ميدو يتجوزوا فا هي هتبقي لوحدها خالص

نسمه…..لا ما انا مش هسيبها اكيد

سليم…طب قوليلي مفكرتيش تعملي زي نعيمه

نسمه…..اني اقعد في شقه لوحدي يعني

سليم….يعني اه او مع صحابك

نسمه…..بأبتسامه لا خاااالص يمكن اوقات كانت بتيجي الفكره في دماغي لما يحصل اي مشاكل في البيت او انا و نادر نتخانق ابقي مش طيقاه و زعلانه بس لما بقعد شويه لا معرفش

سليم……متعرفيش تقعدي و تستقلي لوحدك و لا متعرفيش تسيبي مامتك و بباكي و نادر

نسمه…..الاتنين والله يا سليم معرفش ابعد عنهم لانهم اهلي اينعم اوقات كتير بيحصل مشاكل زي اي بيت و بتخنق بس عادي بعرف اتأقلم اصلا لما بسمت اي خناق بكبر دماغي و بدخل اوضتي و احط السماعات في ودني و مع نفسي و كمان بصراحه مقدرش اقعد لوحدي و لا اثق في حد و انا مش زي نعيمه يعني بحس ان نعيمه يمكن تبان عبيطه بس لا هي تقدر تتحمل المسؤوليه دي عرفت كمان تقعد لوحدها انا لا

سليم…..طيب لما بيحصل مشاكل ليه مش بتمنعيها يعني اقعد ليه بتفضلي انك تدخلي و تقعدي مع نفسك بدل ما تسمعي اغاني

نسمه…..لان ده السبب اصلا اللي خلي نعيمه تمشي من البيت و تقرر انها تستقل نعيمه لما كان بيحصل اي مشكله لما كانت تدافع عن بابا ماما تزعل و تقولها انتي بتحبي ابوكي اكتر ولنا تدافع عن ماما بابا يقولها انتي مش بتقولي الحق و انابردوا و نادر بيحصل نفس الحوار فا بقينا نسيبهم او اتعودنا علي مشاكل اللي اصلا بتنتهي بمجرد ما ماما تدخل المطبخ و بابا يدخل الاوضه

سليم…..ومشاكل كبيره بقي

نسمه….بضحك خالص والله مشاكل مينفعش يتخانقوا عليها اصلا و علي فكره هما بيحبوا بعض جداً و محدش فيهم يقدر يستغني عن التاني بس طول الوقت بيناقروا في بعض زي القط و الفار كده بس طبعاً انا مش بحب المشاكل عموما فا بفضل اني ابعد عنها ياريت كان عندي القدره اعمل كده زي نعيمه بس بصراحه بخاف اقعد لوحدي

سليم….بضحك بجد بتخافي

نسمه….بضحك اه جداً ولو النور قطع يبقي يوم مهبب

سليم…..طيب هتعملي ايه لما تتجوزي

نسمه….ااا يعني اكيد هبقي في الشغل وهنرجع سوا

سليم….طيب افرضي انتي في شغلك بترجعي بدري عنه افرضي ربنا رزقك بي بيبي و اضطريتي تقعدي

نسمه…..بضحك لو في بيبي مش هخاف اوي المهم معايا روح تانيه بس لو برجع بدري لا هستناه في اي مكان و نرجع سوا

سليم….بضحك انتي بتتكلمي جد

نسمه….اه والله

سليم….يعني بتخافي من الضلمه عموما و لا فكره انك لوحدك

نسمه…..لا مش بخاف من الضلمه يعني انا بنام في ضلمه عادي ولو في نور حتي لو بسيط مش بعرف انام غير بصعوبه و اوقات بكون صاحيه و طالبه معايا اخفف الاضاءه و اقفل الانوار خالص و امسك الموبايل العب فيه شويه و ابقي قاعده مع نفسي و كمان بحب اتفرج علي افلام رعب و النور مقفول عادي بس فكره اني اكون لوحدي في البيت او النور مثلا يقطع عليا فجأه لا اخاف جداً

سليم…..طيب و افرضي مثلا رجع متأخر و اكيد مش هتفضلي في الشارع كل ده

نسمه…..بضحك لا ماهو في حلول كتير يعني اروح لماما وهو يجي ياخدني

سليم….بضحك افرضي قالك لا او بلاش و مش هقدر ارجع متأخر اروح اجيبك و لازم تكوني في البيت

نسمه…..بأبتسامه ااا مش عارفه بس ممكن اروح بس اكيد هفضل اتصل بيه كل شويه و الاكبد ان لو حصلت و النور قطع في مره هتصل اعيطلوا عشان يرجع

سليم…..بضحك انتي طلعلك عفريت وانتي صغيره ولا ايه

نسمه….بضحك لا خالص والله بس ممكن يعني ممكن مش متأكده لما اتجوز و اتعود الموضوع يروح بس انا خوافه بصراحه انت عارف خوافه لدرجه ايه

سليم…..ايه

نسمه….يعني ممكن اتزاول شويه لو قاعده في العربيه كتير لوحدي

سليم….بابتسامه لا مش فاهم

نسمه….يعني مثلا لو في مشوار او بجيب اي حاجه و لسه عليها وقت و اضطريت استني في العربيه او لو مستنيه حد من صحابي و انا راكنه في مكان هادي شويه و لوحدي في العربيه افضل طول الوقت ابص علي الكنبه وراء و ابص جنبي علي الكرسي عندي احساس ديما ان في حد قاعد معايا

سليم….ده انتي حالتك متأخره اوي طيب ما في ناس حواليكي في الشارع

نسمه…..والله يا سليم مش عارفه بس انا بخاف بصراحه فكره اني ابقي لوحدي دي بتوترني اوي انت مش بتخاف

سليم……بابتسامه لا اخاف من ايه

نسمه….من الضلمه من انك تبقي لوحدك

سليم…..لا عادي

نسمه…..اه يعني جرئ بقي وكده