چاسمين

خرج فريد مع بلال علي بره وقف يستناه عند العربيه لحد ما يقفل الصاله مع الامن الشباب اللي كانت بتتمرن خرجوا كلهم هما كمان سلم علي فريد الشاب اللي كان عنده تمرينه برايڤت
الشاب سلام يا كوتش
فريد سلام يا ماڤيا زي ماقولتلك دش ساقع و تاكل اللي قولتلك عليه متجودش من عندك
وبكره راحه انهارده تمرينة الرجل كانت تقيله
الشاب تمام با كوتش يلا تؤمرني بحاجه
فريد شكرا يا درش
الشاب سلام عليكم سلام يا كابتن بلال
بلال سلام يا مصطفي
قفل بلال وراح علي فريد ركبوا العربيه ومشيوا
فريد بقولك ايه ابقي نزلني انا عند المحل بتاع الحيوانات اللي في اخر الشارع
بلال ليه ناوي تعرض عليه قدر
فريد بصله فريد بقرف ما تنقطني بسكاتك
بلال الله مش بسأل
فريد لا يا سيدي هجيب منه بيت وحجات ليه
بلال بيت ليه ناوي تحبسه بعد اللي عمله يا اخي حرام عليك انا عندي تديه للراجل احسن
فريد احبس ايه انت عبيط
بلال انال ايه لزوم البيت لو مش هتحبسه منظر يعني
فريد لا مش منظر بس عشان بتعود عليه ويرحمني من شعره اللي في كل مكان و بليل بس هخليه جوه ينام فيه والصبح افتحله
بلال ايوه ويبهدلك الدنيا لو حب يعمل حمام لا حرام يا فريد
فريد طب خلاص مش هقفل عليه بس علي الاقل يبقي قاعد فيه ديما ويبعد عن اهلي كمان عايز اجيب جوانتي عشان لو حصل اللي حصل انهارده ده اعرف امسكه بيه
بلال بضحك بتتعامل مع القمر ده علي انه نسر او صقر ليه هو هيعضك
فريد ما انا مش هقدر المسه بايدي وبعدين انت مالك انت مش بعتني يا واطي
بلال تمام يا سيدي خلاص خليني معاك عشان اوصلك بالحاجة دي
فريد لا شكرا لخدماتك مش عايز حاجه منك نزلني انت بس واتكل علي الله
بلال بضحك الحق عليا خلي قدر يوقع بيني وبينك
فريد هو بردوا اللي هيوقع بيني وبينك ولا ندالتك يا ندل
بلال بضحك بدل ما تشكرني عشان كسرت خمسين في الميه من الفوبيا اللي عندك يلا الله يسامحك
فريد اركن يالا اركن
بلال بابتسامه ماشي يلا ياعم
فريد سلام
بلال سلام يا صاحبي
دخل فريد علي المحل بتاع الحيوانات اشتري بيت و اشتري رمل و اشتري كوره ولعب عشان ميمسكش القلم ويلعب بيه تاني و جاب الجوانتي و دراي فود وظبط قدر علي الاخر وبعدين مشي علي البيت

في منزل بيري سمعت جرس الباب بيرن حست ان قلبها وقع في رجليها من الخۏف
فاتن افتح يا مازن لبابا بسرعه
راح مازن فتح وفضلت بيري عينها علي الباب بترقب
سعيد مساء النور
مازن مساء الخير يا حبيبي
سعيد اتفضل يا مهيب باشا نورت بيتك تعالي يا خالد
هنا بيري حست انها مش قادره تقف علي رجليها حرفيا زي اللي شافت شبح فضلت مبرقه و لون بشرتها الوردي بدأ يختفي و بقي لونها باهت
مازن ازيك يا انكل مهيب
مهيب اهلا يا بطل اخبارك ايه
مازن الحمد لله بخير اتفضل ازيك يا خالد
خالد الحمد لله يا مازن ازيك يا مريم
مريم اخبارك ايه يا خالد
مهيب وانا مفيش ازيك يا مريومه خلاص كبرتي عليا
مريم لا خالص والله كنت لسه هسلم علي حضرتك اخبارك ايه
باسها مهيب و سلم عليها
مهيب بخير يا حبيبتي كبرنا وبقينا عرايس
سعيد امال ابه رايك بقي ندورلها علي عريس
مهيب مهيب عريس واحد دي تقعد وتحط رجل علي رجل ويجي طوابير
فاتن بابتسامه اهلا يا مهيب باشا نورت الدنيا والله اتبسطت لما سعيد قالي انكم جايين انهارده
مهيب اهلا يا فاتن اخبارك ايه و اخبار صحتك
فاتن بخير الحمد لله نورت البيت والله
مهيب البيت منور بأصحابه
فاتن ازيك يا خالد مالك واقف كده ليه يلا ادخل
خالد الحمد لله بخير
كل السلامات اللي كانت بتحصل دي كانت بيري بتشوفها وهي لسه واقفه في مكانها يمكن خۏفها مسيطر عليها لكن هي مكانتش معلهم الف سيناريو بيدور في دماغها كلام ملك وسهر بيرن في ودنها و اكتر صوت كانت سمعاه هو صوت فريد لما طلب منها تكلم والدتها بهدوء و اقنعها انها مستحيل تجبرها علي حاجه مكانش يعرف ان فاتن مش زي اي ام ممكن بسهوله تدوس علي اي حاجه في مقابل انها تحمي ولادها
فاقت بيري من شرودها لما شافت مهيب بيقرب منها
مهيب ايه يا بيري مش هتسلمي عليا ولا ايه
فاتن لا ازاي تعالي يا بيري سلمي علي انكل مهيب وعلي خالد يلا
بصتلها بيري بۏجع وخوف وتوتر و عدم تصديق من كل اللي بيحصل ده
بيري بصعوبه ازيك يا انكل مهيب
مهيب شدها لحضنه وباسها الحمد لله يا حبيبتي ايه القمر ده يا فاتن لا انا مقدرش علي كده مش تقولي انك عندك تحلي عروستين
فاتن دي عيونك اللي حلوه يا مهيب باشا
مهيب عامله ايه يا بيري
بيري بابتسامه خوف و رجفه في شفايفها الحمد لله يا انكل
قرب منها خالد ومدلها ايده
خالد ازيك يا بيري
بيري بتوتر من غير ما تبص في عينه مدت ايدها الحمد لله
فاتن قولولي بقي نتعشي الاول و لا تحبوا تشربوا حاجه
سعيد حاجه اللي نشربها الوقت يا فاتن طبعا نتعشي ونشرب بعدين
فاتن طيب يلا بينا السفره جاهزه
مهيب تعبناكي يا فاتن
فاتن تعب ايه بس يا باشا طيب تعالي كل يوم بس و هيبقي احلي تعب
مسك مهيب كرسي في الجنب
سعيد بتعمل ايه يا باشا لا والله ما يصح ابدا هتقعد مكاني
مهيب عادي يا سعيد مفيش مشكله
سعيد لا والله ما حد هيقعد هنا غيرك تعالي انت هنا يا خالد
فاتن تعالي يا بيري اقعدي هنا
بصتلها بيري وهي بتشاور علي الكرسي اللي جنب خالد پصدمه
لقت فاتن بتبصلها بصه رعبتها و قعدت من غير ولا كلمه مكانتش قادره تست عب اللي بيحصل ابوها يسيب مكانه لمهيب و امها بعد كل اللي عرفته ده تعزمهم وكمان تخليها تقعد جنبه
قعدوا كلهم و بدأوا اكلهم
فاتن انا طبعا مش هعزم عليكم ده بيتكم يعني من غير اي تكليف بقي تاكلوا اللي يعجبكم
مهيب خليكي انتي مرتاحه واحنا هنتعامل متقلقيش وبعدين احنا اهل ولا ايه
سعيد طبعا اهل يا باشا ده شرف لينا
فاتن يلا يا خالد كل بيري حطي لخالد الاكل في طبقه يلا
بصتلها بيري و كل شويه صډمتها بتزيد كان نفسها تصرخ وتقوم تجري وتسيبهم بس كان عندها فضول تعرف ايه السر وراء العزومه دي
ابتسم خالد ابتسامه كانت تقيله علي قلب بيري ومدلها طبقه
بيري بلعت ريقها بصعوبه و خدت منه الطبق و من غير ما تبصله تحب احطلك ايه
خالد اي حاجه منك حلوه
بصتله بيري پغضب ملحوظ حتي لمهيب حاولت فاتن تسيطر علي الوضع بسرعه
فاتن انتي بتساليه يا بيري حطي يا حبيبتي من كل حاجه وهو ياكل اللي يعجبه
مكانتش قادره حتي تسمت صوتها لاول مره بيري تحس بنفور تجاه والدتها بالشكل ده
حطت الاكل لخالد و بسرعه بصت قدامها مكانش ليها نفس تاكل و لا حتب قادره تقعد فضلت باصه في طبقها و بتمثل انها طبيعيه
مهيب مش بتاكلي ليه يا بيري
بيري احممم لا باكل
فاتن هما كده البنات الوقت بيخافوا ياكلوا كتيرعشان جسمهم ميبوظش الدايت بقي و عمايله
مهيب هي مش محتاجه دايت بيري زي القمر
ابتسمت بيري ابتسامه مجامله بسيطه من غير ما ترد وبصت في طبقها بسرعه
فضل مهيب يتكلم مت سعيد ومازن في الشغل وشويه يوجه كلامه لفاتن ويحاول قدام بيري يبرز مميزات خالد و يتكلم عن شغله الجديد في شركه الانتاج
وبيري مش معاهم خالص سمعاهم لكن جواها بركان بيغلي
وحاسه بڼار من قربها لخالد
دخل فريد علي بيته و هو شايل الحاجه في ايده واول نا فتح لمح قدر واقف علي الباب كانه مستنيه
فريد بسم الله الرحمن الرحيم في ايه هو انا مش هعرف اخلص منك شششس ابعد كده مالك واقف مستنيني كأني سايب ابني امشي امشي احنا اتفقنا متقربش مني تاني والا انت عارف هرميك بره انت فاهم
قدر نيوووو
فريد ابعد كدن خليني ادخل وتعالي افرجك انا جايبلك ايه معايا يارب بس تتبسط وتبعد عني امشي كده متبقاش عامل زي اللزقه
اتحرك فريد
—
بهدوء من جنبه مشي قدر وراه وفضل فريد كل ما باخد خطوه يبص عليه هايف يقرب منه حط كل حاجه علي التربيزه ومسك اول حاجه البيت فنحه وحطه علي الارض
فريد ايه رأيك يا استاذ قدر في بيتك الجديد
قدر نيوووو
قرب قدر من البيت يشمه
فريد بتشم ايه لا يكون مش عاجب سيادتك لا بقولك ايه فوق كده لنفسك ده انت كنت مرمي في الشارع اوعي تشوف نفسك
دخل قدر جوه البيت و بعدين رجع خرج تاني ووقف علي البيت من بره
فريد بابتسامه ايه عجبك صح طبعا يا ابني وانا بجيب اي حاجه يلا امسك شويه لعب مكنتش تحلم بيهم عشان تبعد عن حاجتي ابقي المحك بقي تقرب من اقلامي و حاجتي و توقعهم علي الارض وتلعب بيهم هفرمك هاخدك كده من ودانك اخليك تشيل حديد في الصاله تحت عشان تعرف ان الله حق
قدر نيوووو
فريد شكلك جعان صح تعالي يلا عشان تاكل جايبلك اكل كتير يا عم و جايب اهم حاجه شايف ده
طلع الجوانتي يفرج قدر عليه كأنه فاهمه
فريد ده بقي عشان قلت ادبك اللي حصلت الصبح لو اتكررت تاني اعرفك امسكك
مسك قدر الكوره الصغيره فضل يلعب بيها تجري ويجري وراها
ابتسم فريد بهدوء وهو باصص عليه
فريد شكلي حبيتك يا ابن اللذينه
قام فريد وسابه يلعب راح حطاه اكل في المكان بتاعه و نادي عليه
فريد قدر يلا تعالي بس بس بس يلا يا صاحبي تعالي كل وبعدين ابقي العب
راح قدر عليه و بدأ ياكل بسرعه كان شكله جعان
ابتسم فريد و ظبط كل حاجه جابها حطها في مكانها وطلع علي فوق خد شاور وغير هدومه ونزل تاني عشان ياكل عقله كان مشغول بياسر وعايز يعرف ايه اللي حصل في المقابله بتاعته مع سالم عبيد
من داخل الاستديو بدأت سهر حلقتها وبعد المقدمه بدأت تتكلم في موضوعها
سهر طبعا انهارده مش هاخد اي اتصال تليفوني و حلقه انهارده هتكون قويه ومثيره للجدل لكن هنعتبرها مع بعض مجرد توعيه للاهالي
الحقيقه يمكن موضوع الحلقه مكانش في بالي خالص اني اتكلم فيه او بمعني اصح مكانش في بالي اني اتكلم فيه بالاستفاضه دي الحلقه اللي فاتت هي كانت مجرد شراره لموضوع حلقه انهارده
كنت بتكلم عن البيوت و اللي بيحصل فيها من مشاكل غريبه ممكن تواجه الاباء مع الابناء والحقيقه انه جالي اتصال من ام بتحكيلي عن مشكلتها مع بنتها
طبعا انا اټصدمت رغم اني عارفه انه بقي موضوع موجود لكن مش هنكر اني اټخضيت وحطيت نفسي مكان الست دي لو عندي بنت و اتفاجئت بميولها ومعتقداتها الجديده هتصرف ازاي اصله مش موضوع سهل ولا مشكله ليها خل بسيط دي كارثه
طبعا خلصت الحلقه من هنا وروحت علي بيتي كملت يومي وبعدين نمت زي اي حلقه بعملها بس اللي كان يخض اكتر بالنسبالي هو الضجه الكبيره اللي حصلت بعد الحلقه يمكن الموضوع بتاع الحلقه نفسه مخدش الترند اللي خده الاتصال ده و فجأه لاقيت الاتصال مسمع في كل السوشيال ميديا و المقطع بيتم تداوله بشكل مرعب
و حسيت وقتها ان فعلا هي دي الشراره وجه الوقت اللي نتكلم فيه عن الموضوع ده ونديله اهميته في حلقه كامله ويمكن حلقات علي امل اني اقدر اساعد الاهالي ولو بجزء بسيط من توعيتهم
في البدايه خلينا نقول ان موضوع حلقتنا انهارده بيتكلم عن مجموعه أو منظمه من الناس ليهم معتقدات وافكار معينه
يلا جاهزين
الحلقه من اول دقيقه كانت ترند الكل بيتفرج ومتابع و كل اللي كان عنده فضول كمان كان مستني يشوف الموضوع الجديد المثير للجدل
واولهم كان فريد اللي كان قاعد يتفرج و هو عارف ان الحلقه دي مش هتعدي علي خير ابدا
حتي ياسر كان بيتفرج مع سالم عبيد اللي كان مستني حلقه سهر عشان عارف انها مش بتقول اي كلام
اللواء خيري كمان كان بيتابع
في منزل بيري
بعد ما خلصوا اكل و شربوا القهوه
رن موبايل مهيب وجاله اتصال غامض محدش من اللي قاعدين قدر يفهم منه كلمه بس بيري قلبها اتقبض و حست ان ممكن تكون المكالمه دي تخص سهر
مهيب الووو