چاسمين

وصلت بيري علي البيت بعد ما راحت عملت شعرها حاولت بكل مافيها انها تظهر عكس اللي جواها بانها تضحك وتبتسم و تخبي خۏفها وقلقاها وڠضبها
بيري مساء الخير
فاتن مساء النور يا حبيبتي
مريم كده تروحي من غيري
بيري ما انتي اللي كنتي نايمه
مريم طيب كنتي صحيني انا محتاجه اعمل شعري
بيري لو اعرف والله كنت قولتلك عموما روحي بكره و هاجي معاكي
مريم ماشي يا ستي بس ايه القمر ده
بيري حلو
مريم اه حلو اوي و الله
بيري انتي اللي قمر يلا انا هطلع اخد شاور وارتاح شويه هو مازن وبابا هيرجعوا امته
فاتن مازن راجع فالطريق و شويه و هتلاقي بابا جاي وراه
بيري طيب تمام صحيح كنتي بتقولي في ضيوف جايين عندنا مين هما
مريم ضيوف مين دول
بيري مش عارفه
فاتن بطلي رغي انتي وهي لما يجوا هتعرفي يلا كل اللي وراه حاجه يقوم يعملها خلوني اشوف اللي ورايا
بيري تمام انا طالعه
طلعت بيري و سابت مريم مع فاتن
مريم مين اللي جاي يا ماما بجد
فاتن في ايه يا بنتي بطلي زن بقي
مريم هو سر يعني ما تعرفيني اصل غريبه يعني احنا محدش بيزورنا
فاتن مفيش بس مهيب باشا قال لسعيد انه هيجي انهارده بليل هو وخالد
مريم ليه
فاتن عادي يعني هما اول مره يجزا عندنا
مريم لا بس مش ديما بيجوا خصوصا يعني انكل مهيب
فاتن بابتسامه شكلهم كده جايين يطلبوا ايد بيري بس مش عيزاكي تعرفيها
مريم يطلبوا ايد بيري طب ازاي يا ماما اكيد بيري مش هتوافق وبعدين هي من حقها تعرف لو اتفاجئت هتزعل منك خصوصا انك وعدتيها
فاتن انا وعدتها اني مش هجبرها علي حاجه وبعدين هما جايين يفتحوا الموضوع و مهيب شكله عايز يتكلم مع بيري يعني لسه مجرد كلام و بعدين مش يمكن لما تلاقي مهيب جاي يعتذر بنفسه عن تصرفات خالد معاها تلين شويه و يمكن كمان يقدر يقنعها بهدوء و لما تتكلم معاه توافق
مريم ايوه يا ماما بس كلنا عارفين ان بيري مش بتحب فريد ولا بتطيقه
فاتن اسمعي يا مريم انتي لسه صغيره يا روحي و بيري كنان صغيره محدش فيكم يعرف مصلحته انا امكم يا حبيبتي و اتمني اشوفكم احسن الناس انا عمري ما هرميكم في الڼار بايدي
بيري لسه متعلقه بحمزه ومش هتقدر تفكر في خالد طول ما هي بتفكر فيه هتفضل شيفاه وحش و تصرفاته اوحش و هتقول انها مش بتحبه وبتكرهه لان حمزه مسيطر علي تفكيرها لكن انا واثقه انها لو ادت لنفسها فرصه وفتحت قلبها ليه هتحبه خالد شاي اي بنت في الدنيا تتمناه زي القمر لسه شاب رجل اعمال ناجح الكل بيحترمه واصل وليه اسمه يعني انا مش برمي اختك انا بأمن مستقبلها ومستقبلكم
مريم بس هتأمني مستقبلنا يا ماما علي حساب بيري
فاتن مش بقولك انتي لسه صغيره يا بنتي مفيش ام ممكن تعمل كده انا عايزه احميكم من الزمن محدش فينا ضامن عمره عايزه اطمن عليكم عشان لو جرالي حاجه انا وابوكي نبقي مطمنين عليكم
مريم بعد الشړ عليكي و علي بابا بس يا ماما صدقيني حتي لو كل الصفات الحلوه في خالد وهي مش عيزاه يبقي لازم نحترم قرارها انا معاكي انك خاېفه عليها وعلينا بس حضرتك ممكن تنصحيها توجهيها للصح وفي النهايه لازم القرار يكون بتاعها هي حتي لو القرار ده غلط حتب لو هي هتفشل في اختيارها او حتي لو حياتها مع شريك حياتها اللي هتختاره ده مش هتبقي حياه كويسه في النهايه لازم هي اللي تختار
فاتن ولما تتجوز جوازه تدمر حياتها وترجع بعد جوازها ټعيط و تقول مش عايزه اكمل و لا تبقي مصېبه اكبر لما ترجع بطفل او اتنين وقتها المفروض اعملها ايه اسقفلها علي قرارها واختيارها الغاط اللي حذرتها منه
مريم لا يا ماما متسقفيش بس كمان عشان انتي امها مينفعش تلوميها او تفضلي تعايريها باختيارها وقتها هي مش هتبقي محتاجه منك غير حضڼ وطبطه وتقوليلها انك معاها وجنبها حتي لو الدنيا كلها وقفت ضدها
فاتن كبرتي يا مريم
مريم عشان خاطري يا ماما بلاش تقسي علي بيري كده ولا تحسسيها انك بتحبي خالد اكتر منها لان هي ديما حاسه بكده انتي عرفتيها ان خالد ده مفيش منه خلاص سيبي بقي القرار ليها
فاتن مريم القاعده اللي هتحصل انهارده دي مجرد كلام وزي ما قولتلك انا مش هجير بيري علي حاجه تسمع بس الكلام اللي مهيب جاي يقوله ليها والقرار بعد كده بتاعها هي عشان كده مش عيزاكي تعرفيها اي حاجه الوقت بيري عقلها لسه صغير ممكن لو عرفت انهم جايين تفتكر اني هرجع في كلامي واتفاقي معاها وممكن ترجع تمشي تاني والمرادي ممكن خۏفها يخليها مترجعش انتي هتبقي مبسوطه لو مشيت ومرجعتش
مريم پخوف لا طبعا بس هو بجد ممكن بيري تعمل كده يا ماما وتبعد عننا
فاتن بيري عملتها مره يا مريم و ممكن اوي تعملها تاني وقتها بقي هنعمل ايه زي ما قولتلك هي مجرد قاعده وكلام و بعدها تاخد قرارها يا توافق يا ترفض بس لو عرفت هتمشي من غير ما تسمع اصلا عشان كده اوعي تقولي انهم جايين يا مريم مفهوم
مريم پخوف ماشي مش هقول خلاص بس اوعديني يا ماما لو بيري معجبهاش الكلام ورفضت محدش فيكم يحاول يقنعها او يضغط عليها
فاتن طبعا يا مريم اكيد مش هعمل كده بيري بنتي واكيد يهمني راحتها اه انا بتمني توافق بس كمان مش هعمل غير اللي يريحها
مريم بابتسامه تمام يا ماما
فاتن يلا بقي روحي شوفي اللي وراكي وحضري نفسك عشان شويه و هتلاقيهم وصلوا
دخل مازن في الوقت ده
فاتن اهو مازن وصل كمان
مازن مساء الخير
فاتن مساء النور يا حبيبي طبعا جاي جعان
مازن لا عادي مش اوي يعني براحتك
فاتن خلاص اطلع خد شاور كده احد ما بابا يرجع
مازن تمام
طلع مازن مع مريم وهو حاطت ايده علي كتفها
مازن ايه الاخبار
مريم بهدوء تمام
مازن بيري فين
مريم في اوضتها بقولك ايه انا عايزه اتكلم معاك في حاجه بس بيني وبينك
مازن و انا كمان تعالي علي الاوضه نتكلم
دخل مازن علي الاوضه هو ومريم و بدأت تحكيله كل حاجه وعرف ان خالد ومهيب جايين
مريم بس و ماما قالتلي مقولش حاجه لبيري و بصراحه خاېفه تزعل لو عرفت اني عاره و مقولتلهاش و خاېفه اكتر لو عرفت تمشي زي ما ماما قالت
مازن بس غريبه خالد انا كنت معاه ومجابليش سيره يعني
مريم معرفش يمكن ميعرفش اصل ماما قالت
—
ان انكل مهيب هو اللي قال لبابا وبابا قال اماما في التليفون
مازن ممكن بس اكيد مش هيجي من غير ما يكون خالد عارف
مريم طيب قولي انت كنت عايز تقولي ايه
مازن بدأ يحكيلها كل الكلام اللي خالد قاله عن بيري يوم حفلة عيد ميلادها
مريم بس معقول بيري تعمل كده بيري مش هتكدب يا مازن وكمان كان باين علي وشها و طريقتها وهي بتحكي انها منفعله واللي حصل مأثر عليها
مازن شوفي انا مستحيل اكدب بيري بس كمان خالد كان صادق في طريقته وهو بيحكي مش معني كده اني صدقته و كدبت بيري بس كمان لو فكرت بالعقل و قولت اني بيري ممكن تعمل كده عشان تخلص منه هعذرها
لان عادي جدا اي حد مننا لو مش بيحب شخص بيطلع فيه القطط الفطسانه و كدبه زي دي معناها ان بيري فعلا معندهاش استعداد تحب خالد نهائي
مريم ابوه بس كمان مش هتقول انه عمل حاجه كبيره زي دي
مازن والله يا مريم انا حاسس ان عقلي باظ من كتر التفكير خلاص بس عموما في كل الاحوال حتي لو بيري بتكدب انا هقف معاها و في ضهرها ولايمكن اخليها تعمل اي حاجه ڠصب عنها
مريم هي ماما قالت انها مش هتجبرها علي اي حاجه مجرد بس انها تسمع كلام انكل مهيب مش اكتر
مازن حتي لو قررت انها تجبرها او تضغط عليها مش هسيبها وهمنع ده بكل طاقتي حتي لو اضطريت اقف في وش الكل
مريم طيب ليه متتكلمش مع بيري وتقولها اللي خالد قاله
مازن مش هينفع يا مريم اولا ممكن تزعل مني و تفكرني بحقق معاها او مش مصدقها ثانيا حتي لو دي الحقيقه وبيري كدبت مش هتقول كدبت يبقي ليه اخليها تتحط في الموقف ده خلاص اللي حصل حصل بس زي ما قولتلك لو فعلا كدبت يبقي بيري مش عايزه و انا مش هخليها تعمل حاجه ڠصب عنها ابدا
مريم يارب بس ماما وبابا ميضغطوش عليها
مازن مش هسمح ان حد فيهم يضغط عليها انا معنديش استعداد بيري ترجع تمشي تاني ومنعرفش حاجه عنها اول مره بيري مشيت و قالت انه كان خوف من خالد بسبب اللي عمله وسواء ده كان بجد او كدبه منها في النهايه هي مشيت مره لكن المرادي لو مشيت بسبب ضغط منهم بيري هتختفي ومش هنعرف نوصلها و انا مش هقبل بكده ابدا
مريم طيب الله يخليك يا مازن خليك جنبها
مازن من غير ما تقولي يا مريم دي اختي و مليش غيرك انتي وهي عموما متقوليلهاش زي ما ماما طلبت منك خلينا الاول نشوف القاعده دي وراها ايه
مريم طيب تمام يلا هسيبك ترتاح بقي شويه
مازن ماشي يا حبيبتي