جاسمين

هناء….وليه متقولش هو سر
امجد….اه اكيد سر ادام اخوها نفسه رافض يعرف اي حد ده معناه انه سر ومش حابب حد يعرف مكانها فا لو احنا نعرف مكانها مستحيل نقول
رأفت….لو تعرفروا ولا انتوا عارفين اصلا
أمجد….هتفرق يا بابي
رافت….اكيد هتفرق
امجد….بيتهيألي لا مش هتفرق لان لو هتفرق فا ده يخليني اشك ان حضرتك عايز تعرف عشان تبلغ انكل مهيب وخالد
بمكانها و لو مش هتفرق يبقي مش لازم تعرفوا
رأفت….ايه يا امجد شايف ان ابوك ممكن يأذي بنت في سن بيري
امجد….انا مقولتش كده بس برد علي كلام حضرتك وكلام مامي
هناء….يا حبيبي احنا مش هنأذي بيري ولا نعرفهم مكانها بس زي ما قولتلك حابين نتكلم مع بيري يمكن نكون سبب في انهم يبقوا مع بعض نمنع مشاكل بين العيلتين يا حبيبي لازم تفهم ان مهيب مهما كان علاقته بيهم كويسه مش هيبقوا اغلي عنده من ابنه كمان مهيب ماسك عليهم شيكات وحجات كتير و الڠضب مش حلو و ممكن يأذيهم بجد
ملك …بس مش من حقه يا مامي حتي لو كان تحت ايده شيكات والكلام ده ازاي يجبر بيري علي الجواز من ابنه طيب مفكرش مثلا ان ابنه مش هيبقي سعيد لان لو هي مش بتحبه هتخلي حياته بايظه يعني مش هيبقي سعيد
رأفت…..كل واحد فينا ليه دماغ وتفكير يا ملك مش هنقدر نغير تفكير بني ادم
ملك…..بالظبط حضرتك صح يبقي اشمعني بيري اللي تغير دماغها علي الاقل هو كبير وناضج المفروض هو اللي دماغه تبقي كبيره مش بيري
هناء….احنا مهما اتكلمنا مش هتقتنعوا ولا تفهموا المهم الوقت انا بجد عايزه اشوف بيري واتكلم معاها
ملك….اسفه يا مامي مش هينفع
هناء….طب ليه انتي مش واثقه في امك
ملك …مش موضوع ثقه
هناء….طيب انتوا عارفين مكانها فعلا
ملك….بردوا يا مامي هتفرق معاكي بجد
امجد….اه يا مامي نعرف مكانها بس اسفين محدش فينا هيقول لما هي و اخوها يقولوا ان عادي اي حد يعرف ممكن وقتها نبقي نقول
هناء….وهو احنا حد يا أمجد
امجد….بالنسبه لينا اكيد لا بس بالنسبه لبيري ومازن واي حاجه تخصهم اكيد و بيتهيألي لو حابين انكم تعرفوا مكانش مازن خفاها عن الكل حتي ابوها وامها ولا ايه
هناء….ماشي يا امجد اللي تشوفوا انا عموما كان قصدي خير
ملك….عارفين يا حبيبتي و عموما احنا هنوصل كلامك ده لبيري لو حبت تشوفك هنعرفك
هناء….تمام يا بيري
خلصوا اكل و امجد استاذن و راح شغله وملك طلعت علي اوضتها ووقفت علي السلم تشوف بيقولوا ايه.
رأفت…..طلعوا عارفين مكانها
هناء…..كنت واثقه بس قولي هتعمل ايه هتقول لمهيب انهم يعرفوا
رافت….اكيد لا هو مستني اصلا يعرفوا هنا عارفين ولا لا و انا مش عايز مشاكل معاه لانه لو عرف هيبدأ يراقبهم وانا مش هسمح ليه بحاجه زي دي
هناء….يبقي الاحسن متقولش فعلا وانا هفضل وراهم لحد ما اعرف مكانها
رافت….تمام يا هناء يلا انا هروح علي شغلي
هناء….ماشي يا حبيبي
دخلت ملك بسرعه علي اوضتها وكلمت امجد
امجد….ايوه يا ملك
ملك…..كان معاك حق يا امجد طلع انكل مهيب اللي قايل لبابي يعرف احنا عارفين مكان بيري ولا لأ وكان قاصد يعرف هو ومامي عشان يقولوا ليه ولخالد
امجد….كنت واثق طبعا ان ده هيحصل كل يوم بكتشف فيهم حاجه جديده كأني معرفهمش
ملك….خد بالك بقي يا امجد عشان ممكن بابي يحاول يراقبك او يبعت وراك حد
امجد…متقلقيش المهم اوعي مامي توقعك
ملك….لا طبعا متقلقش
امجد….ماشي يا حبيبتي يلا لو حصل اي حاجه بلغيني
ملك….اوك سلام يا امجد
امجد….سلام
…………………
وللحديث بقيه