لقاء كارثي

سلامه….ماشي يا واطي افوقلك بس

مصطفي…. ياعم انت فيك حيل

تامر…بضحك سيبه بقي

قفل ميدو سوسته الچاكت و حطلوا دفايه علي ضهره

عسال….يلا تعالوا

خرج بيه علي بره وهما خرجوا معاه

حنان…..ايه يا حبيبي عامل ايه الوقت

سلامه….بخير يا امي

حنان….يارب ديماً تامر يا حبيب يدي قهوتك ودي بتاعت ميدو

تامر….تسلم ايدك يا ست الكل

عسال….استني راجعلك يا تيمو هفتحلهم الروف بس

تامر…..ماشي يا حبيبي خد راحتك

راح عسال معاهم.

تامر…..ايه اخبار المكان يا درش

مصطفي….الف حمد وشكر ليك يارب كله زي الفل و بدأ المكان يتعرف اهو

تامر….طيب الحمد لله متقلقش من حتت ان المكان يتعرف دي لانه بامر الله هيتعرف و الناس هتحبه جدا المكان ماشاء الله يجنن موقعه حلو اوي الديكورات اللي فيه تجنن وكمان فكرته مش منتشره هنا يعني شويه و هتلاقي نفسك بقيت في حته تانيه

مصطفي…..انا مش قلقان والله من الحته دي بالذات لان دن رزق والرزق بتاع ربنا انا بعمل اللي عليا بس

تامر….بالظبط كمان احلي حاجه انك هتتعامل مع ناس ليها فكر خاص بيهم ناس بتحب الهدوء بتحب القراءه ناس بتحب القاعده الرايقه يعني بعيد برضوا عن دوشه الكافيهات

مصطفي….لا انا من الاول خالص حتي لما سلامه و مبدو والشباب قالولي اني اشتغل معاهم مكنتش حابب بصراحه نظام الكافيهات العادي الفكره كانت في دماغي من اول ما اتخرجت

تامر…..لا والله فكره تجنن ربنا يوفقك يارب يا مصطفي و يكمل فرحتك علي خير و تعمل بدل الففره ميت فرع وخد بالك هتعمل كده باذن الله و هيفضل الفرع الاول هو اكتر فرع قريب لقلبك

مصطفي…. بابتسامه ابني

تامر…..بابتسامه بالظبط والله

………….

خرج عسال وسابهم و بمجرد ما سابهم بصت ايه لسلامه و عيطت و دخلت في حضنه.

سلامه…..بتعب ابتسم و ضمها لا لا لا كده هزعل والله ايه يا حبيبي بس

فضلت تعيط في حضنه جامد

سلامه….بضحكه جميله يويو بعدها عنه وبصلها وضحك في ايه بس ايه كل العياط ده

ايه…..بدموع انا كنت عارفه انهم بيضحكوا عليا والله و كنت عارفه انك فيك حاجه كبيره و هما مش راضيين يقولوا

سلامه…..ما انا زي الفل اهو فين الحاجه الكبيره دي بس

ايه…..هما قالولي انك عندك برد و عشان كده بتنام وانت كمان كدبت عليا لما كلمتك قولتلي انك عندك برد جامد