لقاء كارثي

عدي…..ليه

سليم…..طيبه اوي زياده عن اللزوم مش قادر افهمها يعني ده طبعها بجد ولا هي بتحاول تلفت نظري

عدي…..ليه بتقول كده هتمثل عليك يعني خد بالك نسمه تحسها عيله صغيره

سليم…..صح وده اللي هيجنني عايز افهم هي بجد كده

عدي….اه طيبه تقي حكيتلي كتير عن علاقتها هي ونسمه و قد هي هي غلبانه اوي فا هي دي طريقتها عكس نعيمه

سايم….بالظبططططط وده اللي مخليني مش مستوعب شخصيتها في فرق شاسع بينها وبين نعيمه بص هي نعيمه عسل و طيبه بس مهيبره مجنونه جريئه شويه عشريه بتاخد وتدي انما نسمه صوره تانيه مختلفه عنها

عدي…..ماهو صوابعك مش زي بعضها هما حقيقي مختلفين جدا عن بعض و نادر شويه زي نسمه طيب و هادي نعيمه مختلفه عنهم نهائي بس خلينا نقول برضوا ان الاختلاف اللي في شخصيتهم ده بسبب ان نعيمه عاشت لوحدها مع ليله فا ده خلق شخصيه جديده ليها بقت اقوي اعتمدت علي نفسها و بتشتغل و بتتعامل من زمان الشغل بيغير الشخصيه الانفصال عن الاهل بيغير الشخصيه من الاخر نعيمه مسؤوله اكتر من نسمه فاهمني فانسمه شخصيتها طبيعي تكون مختلفه و خد بالك حتي لو نعيمه عايشه معاهم مش شرط يكونوا نفس الطباع يعني ليله مختلفه عن اخواتها البنات هما تحسهم هاديين اكتر من ليله تحس ان ليله شخصيتها اقوي بكتير منهم حتي والاه لو وقفوا جنب بعض من غير ما يتكلموا هتحس ان ليله هي الاقوي

سليم…..دي حقيقه بص انا عارف انها مش بتمثل و اكيد انا ليا نظره انا بس مستغرب ان بنت في سنها تكون كده بحسها بريئه اوي طيبه جدا

عدي…..لا متستغربش هي طيبه بجد تقي بتحبها اوي و بترتاح معاها و خد بالك يعني تقي بتقولي ان نسمه من الناس القريبه ليها و اكتر حد ممكن ينصحها يعني ميغركش انها بريئه فا تقول عليها هبله هي ناضجه و فاهمه و واعيه بس منطويه شويه اللي انا اعرفوا ان نسمه اقرب حد ليها نادر اخوها و تقي و يمكن ده اللي مخليها قافله علي نفسها شويه فاهم بس البت بتحبك و خد بالك هتريحك

سليم…..بابتسامه طيب بقولك ايه انا بكره هشوفها ما تيجي معانا انت و تقي و اهو تتكلموا و تخلصوا من الحوار ده

عدي……بقولك قافله موبايلها و لو فتحت مش هترضي انا عارفها دماغها جزمه مقموصه

سليم…..طيب ايه رأيك اخلي نسمه تقولها هي اكيد هتعرف توصلها