لقاء كارثي

سلامه….انا مكدبتش والله ولا هما كدبوا عليكي انا عندي فعلا برد جامد بس علي اخر النهار بدأت حرارتي تترفع و هما لما حسوا ان اني تعبت زياده محبوش يقلقوكي بس

ايه…..طيب انت لسه سخن يا سلامه

سلامه….بحب والله زي الفل حرارتي نزلت كتير انا من ساعه ونص كنت بخرف يا ايه

فضلت تعيط زي الاطفال

سلامه….بضحكه جميله ايه ده يابت انتي بتحبيني اوي كده

ابتسمت ورجعت عيطت جامد

سلامه…. بابتسامه ضمها تاني طيب بس بس خلاص والله هزعل منك امال لو موت هتعملي ايه يا جزمه

ايه….بدموع ضربته بعد الشر

سلامه….ااااه يا مفتريه انا مش قادر قوليلي بقي بابا عارف انك جايه

ايه…..بدموع كان نايم بس صحي و انا هنزل انا و تامر

سلامه….اكيد اضايق انك جيالي في الوقت ده ينفع الدوشه اللي عملتيها دي

ايه…..هو مضايقش وبعدين دوشه ايه كنت هفضل يعني قاعده وانا مش عارفه عنك حاجه و كل ما تصل حد يرد اكيد يعني لازم اقلق

سلامه…..هما كانوا بيردوا لانهم لو مردوش هتقلقي اكتر بطلي عياط بقي و بعدين مش هخلص من عياطك في هدومي ده يا معفنه مناخيرك علي طول مبوظالي هدومي

ايه…..بضحك من بين دموعها اعملك ايه انا عندي دمور في الجيوب الانفيه لما بعيط كله بيعيط

ضحك سلامه بحب وضمها و هو حاطت الغطاء عليها حضنتوا جامد

ايه…..كنت خايفه عليك اوي مكنتش هقدر انام غير لو شوفتك بنفسي

سلامه….خوفتي اوي اوي

رفعت راسها وبصتلوا و هي بتعيط

ايه…..اه والله العظيم اترعبت لما كلمتك اول مره ميدو رد و صوته كان قلقان و تاني مره بعدها بشويه حنون اللي ردت عليا و برضوا صوتها كان غريب و قالتلي ان الدكتور جاي عشانك انت وريهام اصلا فكره ان حد يرد عليا بدالك دي وحشه اوي بقالي كام ساعه مش عارفه اوصلك و مش متعوده اصل اسمع غير صوتك علي موبايلك كنت حاسه ان ناقصني حاجه

سلامه….بنظره تجنن مسح دموعها انا كويس يا عمري بطلي عياط بقي و ياريت نبعد بقي شويه عشان متتعديش

ايه…..بدموع لا مش هبعد

سلامه….باتسامه هتتعدي يا هبله

ايه……انا عايزه اتعدي ملكش دعوه

سلامه…..بضحك قولي ان حضني واحشك متتكسفيش

ايه….بضحكه جميله اه واحشني كلك اصلا واحشني

ضمها جامد و خد نفس طويل كله تعب وباس راسها

سلامه…..حقك عليا مكنتش عايز اقلقك كده والله بس اقولك علي حاجه انا مبسوط اوي عشان جيتي