لقاء كارثي

فضلنا علي كده يومين تلاته في مره لقيتها بتقولي ليله ابقي علميني افتح الكمبيوتر ازاي

عشري…..بضحك يا عمري عجبتها

ليله….بابتسامه اوي قولتلها ليه قالتلي يعني عشان لما تبقي مش هنا ادخل الم المحصول ليكي علمتها بقيت ارجع الاقيها قاعده و بتلعب و بقت التسليه بتاعتها لدرجه اني مكنتش بعرف العب الا وهي نايمه او بتعمل اكل و سعات كانت تقولي متدخليش تلمي انتي المحصول انا هلمه

ضحك عشري عليها

ليله….في مره بقي معرفش عملت ايه لاقيت المزرعه فاضيه فضلت اعيط و اضايقت اوي بقت عماله تصالح فيا و هي كانت زعلانه و قعدت تقولي هرجعهالك تاني والله

من وقتها بقي ملعبتهاش تاني بس هي فضلت تلعبها و عملت مزرعه تانيه كنت خلاص بقي اتسحلت في شغلي و دراستي بس كانت جميله و هي حبيتها اوي

عشري….بابتسامه الله يرحمها

ليله….يارب

عشري….بمناسبه اللعب بقي كان في لعبه كده اتشهرت برضوا انا مكانش ليا في كل اللعب دي غير لما كبرت البلايستيشن بس بس اللعبه دي علقت معايا اوي اكيد عرفاها

ليله…..لعبه ايه

ضحك عشري و حط ايده علي عينه

عشري….عارفه لو قولتي لحد هنفخك

ليله…بضحك كنت بتلعب ايه

عشري…كان في لعبه كده بتختاري بنت و بيفضل ينزل ازايز بيره و انتي بتلميها في الصندوق و كل ما تلمي عدد البنت تقلع حاجه من هدومها

ضحكت ليله من قلبها

ليله…..بضحك اه يا سافل عرفاها ما طبعا هتلعب ايه غير اللعب دي يا بلطجي

عشري….بضحك مره علي اخويا قفشني كنت وصلت لمرحله اني اوقفها بالبكيني فا هو لما شاف صوره البنت اتخض فكرني بتفرج علي حاجه مش تمام المهم قولتلوا دي لعبه وبتات وشرحتلوا

ليله….بضحك كنتوا قد ايه

عشري….مش فاكر اوي بس تقريبا كنت في ثانوي برضوا وهو كان في جامعه كنا شباب يعني المهم يعني اللعبه كيفت علي اوي

ليله…..بضحك نسوانجي زي اخوه

عشري….بضحك علي اوسخ والله المهم اللعبه دي كل ما بتقلعيها جزء المرحله الجديده بتسرع و الازايز بتنزل بسرعه و لو واحده وقعت بتعيدي فا علي فهم القصه بقي يلعب دور وانا دور و كل شويه نوصل للبكيني وبنت الجزمه مشش راضيه تقلع فا هو خلاص حط في دماغه انه يقلعها

فضل يضحك و ليله تضحك لحد ما دمعوا..

ليله….بضحك محدش قفشكم

عشري….بضحك استني هقولك

ليله…. نهار اسود يبقي اتقفشتوا