لقاء كارثي

سلامه…..سلام يا تامر

تامر…..مع السلامه يلا ادخل ادخل

سلامه….ماشي انزل بس

سحبوا الاسانسير و بصتلوا ايه بابتسامه قبل ما تركب

ايه….باي

سلامه…باي يا حبيبتي

نزلوا وهو دخل و راح ميدو علي الاوضه اتصل بنادين.

نادين …الو

عسال….ينفع القمر بتاعي يبقي زعلان كده ايه اللي مزعلك يا قلبي عشان ليله طبعاً هي مكلمتش حد فيكم

نادين….لا كلمتنا انهارده

عسال…طيب امال ايه زعلانه ليه بس

نادين……مفيش والله هي وحشاني الببت وحش من غيرها نوني من الصبح يا بتعيط يا بتنام و البيت كئيب اوي اول مره اصلا ادخل البيت هنا واحسن فيه بالطاقه السلبيه دي بس انا مبسوطه عشانها والله كلمتنا وكانت بتضحك وهزرنا شويه وصوتها مبسوط اوي بس مش عارفه انا حاسه اني مخنوقه يمكن عشان منزلتش او مفيش حاجه اعملها.

عسال….بابتسامه او هرمونات صح ولا ايه

نادين….بابتسامه لا

عسال….بضحكه جميله طب عيني في عينك

نادين…..بضحك والله لا

عسال…. بضحك طب خلاص متزوقيش صدقتك قوليلي بقي بكره عندك ايه احكيلي كده يومك

فضل يكلمها وهي تحكيلوا و حاول يرغي معاها كتير عشان يغير مودها شويه كان نفسه يروحلها بس مكانش هينفع خايف اخواته يتعبوا فكان بيحاول ميسيبهاش مضايقه لانه مكلمهاش كتير طول اليوم

…………………

فضل بص لنعيمه بهدوء

فضل…..اول مره اشوفك في الحاله دي يا نعيمه يمكن شوفتك كتير وانتي زعلانه و انتي متعصبه و انتي صوتك عالي و غضبانه بس اول مره اشوفك حزينه بجد كده كل ده عشان ليله اتجوزت

نعيمه….بابتسامه حزينه صدقني مش عارفه يمكن انا فرحانه من قلبي عشان ليله و ده بجد مش كلام اه كان بقالي فتره حاسه اني مضايقه و خصوصا اما الوقت كان بيقرب يمكن كمان امبارح وهي خلاص ختطلع بيتها واحنا هنمشي ونسيبها كنت حاسه اني سايبه حته من قلبي بعيد عني و يمكن كمان من اول ما صحيت وانا حاسه ان في حاجه نقصاني بس لما سمعت صوتها مبسوط فرحت بس انا اول مره احس ان مش عارفه احدد مشاعري انا زعلانه عشان ليله اتجوزت و لا فرحانه

فضل…..هو حتي لو انتي زعلانه ده طبيعي اللي بينك وبين ليله كبير بس كمان انتب شويه بسيطه وهتبقي معاها تاني

نعيمه ….اكيد و دي الحاجه اللي مصبراني و مخلياني مش زعلانه بس مش عارفه هتفهمني ولا لا اه انا هبقي جنب ليله بس فكره ان انا وهي مش هنبقي عايشين مع بعض لسه مش متقبلاها