لقاء كارثي

فضل…..ايوه يا قلبي بس انتي لازم تعرفي ان اكيد كان هيجي يوم عليكي و عليها و كل واحده هيبقي ليها حياه

نعيمه…..عارفه طبعاً بس عارف لما فجأه تحس ان اللي انت خايف منه فجأه يحصل وانت مضطر تتقبلوا ده نفس احساسي

فضل….بابتسامه علي كده لو كنا اتجوزنا احنا قبل ليله و عشري كنتي هتقولي نفس الكلام

نعيمه…..اكيد لا انت مش فاهمين يا فضل حتب لو ليله اللي اتجوزت انا فرحانه عشانها انا بس بحاول اوصلك اللي جوايا انا اصلا مش قادره افهم مشاعري واللغلطه اللي انا حاسه بيها دي مش عارفه كل ده حصل عشان جواز ليله ولا انا مضايقه بسبب حاجه تانيه

فضل….. هو في حاجه تانيه مضيقاكي

نعيمه…..مش عارفه والله ماعارفه شكلي بخرف بس انا حاسه بخنقه اول مره احس بيها

فضل…..طيب اي حد من البنات ده نفس شعورك من ناحيته ولا هي ليله بس اللي قلبت الدنيا معاكي كده و قلبت عليكي المواجع

نعيمه….بابتسامه هاديه انا والبنات اللي بينا كبير اوي يا فضل بحبهم كلهم زي بعض بس ليله بالنسبالي ليها ركن خاص لوحدها انا وهي عايشين مع بعض بناكل ونشرب و نصحي و ننام نتكلم نرغي نسهر نتخانق نزعل في حياه خاصه بينا احنا الاتنين فوق صحوبيتنا لبعض

فا طبيعي ان مشاعري ناحيتها تكون اكتر من اي حد اتحملتني كتير اوي يافضل و زعلتها كتير و الوحيده اللي بسبب عيشتنا مع بعض كانت بتشوف مني اكتر من اللي البنات بتشوفوا و مع كل ده ولا مره حسيت انها مضايقه مني حتي في عز زعلها مني او وهي باين علي ملامحها انها مقموصه بتتعامل معايا عادي تسألني كلتي شربتي عايزه حاجه تجيبلك حاجه انتي فين اتاخرتي ليه راجعه امته حتي لو انا اللي غلطانه كانت بتعدي

فضل…..عشان بتحبك يا نعيمه

نعيمه….عارفه وانا بحبها اوي بص هو انا مبسوطه اوي و اني اشوف ليله بفستان فرحها دي عندي كبيره بس كمان موجوعه اوي ان حكايتي انا وليله و العمر اللي كان بينا خلص خلاص

فضل….بت انتي بتقولي ايه هو ايه ده اللي خلص هي عشان اتجوزت يعني خلاص كده

نعيمه….لا اقصد ان في مرحله من حياتنا مع بعض مش هتتكرر تاني و اكيد غصب عنك بتحن بيصعب عليك فاهمني

فضل….بابتسامه فاهمك اكيد بس انا مش فاهم ايه اللي موصلك للحاله دي

نعيمه…..بابتسامه والله ما عارفه شكلها هرمونات

فضل….بضحكه هاديه اه عارفها انا و هرموناتك انتي بالذات غير اي هرمونات بس بجد بقي انا مش عايز اشوفك كده عايز نوني بتاعتي ترجع تاني انتي بس عشان الموضوع لسه في الاول عامله كده بس شويه و هتتأقلمي و بعدين علي فكره يعني هتعجبك القاعده معايا اكتر من ليله اسمعي مني