لقاء كارثي

نعيمه….برقت بصدمه و ابتسمت انت بتتكلم جد

فضل….بابتسامه تجنن والله العظيم قدامك عشر دقايق لا خمسه و تكوني تحت

نعيمه….فضل انت مجنون بجد مش كنت بتقول انك بتلف بالعربيه

فضل….بلف ايه وانا ليا في الفرهده دي يلا يابت انا كنت جايلك اصلا انجزي بدل ما اشقط اي بنت تقع قدام عيني و ابيعك

نعيمه…..بابتسامه ماشي يا مجنون هقوم البس بسرعه وانزلك باي

فضل….بحب باي يا قلبي

قامت نعيمه بسرعه اتنطرت من علي السرير طلعت بنطلون جينز لبسته و لبست هودي و رفعت شعرها و بقت تظبط في شكلها بسرعه عينها كان باين عليها ان هي معيطه و نايمه كتير خلصت وجريت تصحي نادين و تقولها عشان لو صحيت متقلقش

فتحت الباب لقتها قاعده علي سرير ليله ضامه رجليها و عماله تقلب في الموبايل و بتعيط

نعيمه….ايه ده انتي منمتيش في ايه بتعيطي ليه

مسحت نادين دموعها وابتسمت

نادين….ايه ده انتي رايحه فين؟

نعيمه…..فضل فاجئني وقالي انه تحت البيت عارف اني مكتئبه شويه
وقال يجي ياخدني نلف شويه بالعربيه انتي بتعيطي ليه في حاجه

نادين…..بابتيامه مفيش والله مودي مش حلو و شكل كده الهرمونات مش احسن حاجه لولي وحشتني اوي

نعيمه…..بتأثر طيب متفتحنيش بقي عشان انا علي اخري بقولك ايه انا مش نازله خلاص

نادين….بطلي جنان يابت انزلي لفضل حرام جالك كل ده عشان يفرحك روحي غيري مود واتبسطي معاه

نعيمه…..ما انا مش هنزل واسيبك معيطه كده و بصراحه بقي انا تعبت من العياط حاسه عيني باظت وانبت كنان عينك حمراء خالص

نادين…..لا والله انا تمام خلاص روحي بقي متبقيش رخمه

نعيمه…..طيب متعيطيش والنبي والله هضابق لو سيبتك كده بقولم ايه قومي اغسلي وشك واتصلي بميدو حبي فيه شويه

نادين…بضحك من بين دموعها ماشي روحي وانا هتصل احب فيه

نعيمه….متأكده انك مش عيزاني

نادين….بت انتي هتمثلي من الصبح عماله تعيطي لحد ما كئبتيني و بوظتيلي الهرمونات بتاعتي وانا ماسكه نفسي بالعافيه عشانك تصدقي بالله لو نزلتي الطاقه السلبيه هتنزل معاكي وهبقي كويسه

نعيمه….بضحك تصدقي انا بنت كلب عشان قلقانه عليكي ماشي يا جزمه مش عايزه حاجه اجيبهالك وانا جايه

نادين….لا عيزاكي ترجعي مبسوطه عشان مودي اللي باظ ده يتظبط

نعيمه…..بضحك ماشي بطلي عياط
باستها وقامت وقفت كلمي ميدو بقي ارغي معاه احد ما ارجع مش هتأخر عليكي