لقاء كارثي

سليم…..صح اضايقت مش هنكر و اتكلمت معاها وهي فهمت و عدينا الحوار

عدي…..اديك بتقول اهو اتعصبت واضايقت وعديتوا الحوار انما تقي كبرتوا

سليم…..عدي لازم تفهم ان كل حد فينا ليه طبع نسمه مش زي تقي وانا مش زيك اه بنضايق و بنتعصب و بنزعل بس كل واحد بطريقته جايز انا متعصبتش للدرجه عشان السبب اللي انت قولتوا ان لحد الوقت مصارحتش نسمه فا حاسي اني لو ظهرت عصبيتي مش هيبقي من حقي انما انت متعصب لان اللي بينكم غير اللي بيني وبين نسمه و بعدين جايز تكون زعلت عشان طلعت فيها مكانش لازم تفتح الحوار

عدي……يا ابني هو انت مبتفهمش بقولك هي اللي نكشت و انا غصب عني مضايق يا سليم لما لاقيتها مش راضيه تسكت قولتلها اني اه مضايق ماهو الموضوع مبيخلصش بصلح و معلش و خلاص عدت اكيد مضايق

سليم….طيب صلي عالنبي واهدي وبلاش تنكد علي نفسك وعليها زي ما قولتلك تقي لسه صغيره و بتكتشف طباعك مش متعوده ان حد يقولها اعملي ده و متعمليش ده البسي ده و متلبسيش ده فا خدها براحه حتي لو هتبينلها زعلك بس يكون عالهادي من غير عصبيه خصوصا ان طبع تقي مختلف عن نسمه تقي عصبيه شخصيتها قويه
مش متعوده ان حد يتحكم فيها

دلوعه ابوها ملهاش اخ يرخم عليها عكس نسمه نادر عشان شاب ممكن يعلق علي تصرفاتها فاهمني لكن وليد حتي لو علق علي حاجه في النهايه دي بنته مدلعها سايبها براحتها مبيرخمش عليها الاب مختلف عن الاخ او الحبيب يا عدي صدقني هو مهما اعترض في النهايه بيدلع لكن الاخ والحبيب غيرتهم بتبقب اقوي فاهمني

عدي…..طيب سيبك مني انت ايه حوارك مع نسمه مش ناوي تفاتحها بقي كان شكلك امبارح متعصب و مضايق

سليم….دي حقيقه انا كنت سايب كل حاجه تمشي بهدوء و حاسس ان لسه محصلش اللينك القوي معجب بس بشكلها اسلوبها هدوئها بس لسه محتاج حاجه قويه تخليني اتكلم و بصراحه لما شوفتها امبارح وشوفت فستانها حسيت اني مضايق

عدي….طيب هي مقالتلكش مثلا انت ليه مضايق او مستغرباش تعليقك عي فستانها

سليم….بأبتسامه لا و صدمتني بصراحه بردها يعني طريقتها خلتني احس ان في بينا علاقه وهي متقبله غيرتي عليها و متفهمه جدا حتي انا انهارده قولتلها مقولتيش بينك وبين نفسه هو ماله قالتلي لا

عدي…..علي فكره هي بتحبك

سليم…..عارف و انا كمان بس مستغربها اوي