لقاء كارثي

ضحكت نعيمه علي كلامه.

فضل…. بضحك اه والله و بعدين انتي كنتي بتنامي في اوضه وهي في اوضه إنما انا هاخدك في حضني

نعيمه….بابتسامه خلاص هفكر في الموضوع ده

فضل…ده انا عليا حضن مش هتلاقيه في حته تانيه.

نعيمه…خلاص يا عم اقنعتني مش زعلانه اصلا الجزمه ولا فارق معاها مصدقت لقت حضن عشري

فضل….بضحك شوفتي بقي عشان تسمعي كلامي وتركزي في حضني

نعيمه….بصت لبعيد و بعدين بصت لفضل و هي جواها نظره حيره فضل انا عايزه اخد رأيك في حاجه

فضل…..قولي يا قلبي انا برضوا مش مطمنلك وحاسس ان فيكي حاجه

نعيمه….مفيش والله بس يعني في حاجه كده شغلانب من فتره مش عارفه أخد قرار فيها

فضل….طب قوليلي ايه هي

نعيمه….بفكر اصفي الشغل بتاعي انا ونادين

فضل…شغل ايه بتاع اللبس والبراندات ولا تقصدي الشغل عموماً

نعيمه….لا اللبس بس

فضل……طيب ليه انتي في بينك وبين نودي حاجه تخص الشغل

نعيمه….لا خالص مفيش وبعدين بقولك باقي شغلنا مع بعض هو هو

فضل….طيب امال ايه السبب انتي محتاجه فلوس يا نعيمه

نعيمه….فلوس ابه يا فضل لا طبعاً واصلا لو خدت القرار ده مش هخلبها تصفي حاجه الوقت و لا حتي هطلب منها فلوسي عشان مزنقهاش و كده كده مش محتجاهم و لو جاهزين معاها هسيبهم معاها زي ما هما تدخلهم في اي شغل تاني

فضل….فهمتك طيب ادام مفيش بينكم مشكله وادام مش محتاجه فلوس ولا ناويه اصلا تاخدي نصيبك حتي لو جاهز ليه عايزه تعملي كده اللي انا اعرفوا ان شغلكم ده ماشي كويس و كمان عارف انك بتحبي المجال بتاع اللبس والموضه والجو ده والدليل ان انتي بس اللي شريكه معاها فيه في سبب صح

نعيمه….خالص والله بس مش عارفه ليه حاسه اني مقفوله و مش عايزه اكمل فيه يعني حاسه اني خلاص مش قادره مبقاش عندي نفس الشغف والحماس بتوع الاول المجال نفسه اه بحبه بس مش عايزه اكمل فيه مبيعات فاهمني

فضل…..طيب ما تدي نفسك فرصه و فكري قبل ما تاخدي الخطوه جايز انتي مقفوله من غير سبب او ابعدي فتره و خدي وقتك

نعيمه…انا باخد رأيك يعني انت شايف ايه

فضل…..انا مقدرش يا نعيمه اديكي رأيي في شغلك مش عارف هو بالنسبالك مرهق متعب مقرف يعني مثلا لو هتكلميني عن المطعم فا ممكن لان شغل المطاعم والكافيهات قريبين من بعض انما اللبس و الموضه و الجو ده مفهمش فيه بس انا رايي انك تاخدي وقتك انتي بتحبي شغلك ده و كمان هو شغال كويس فاهميني فيه انتي و نادين
فا رأيي انك تدي نفسك فرصه وتسألي نفسك ليه عايزه تاخدي القرار ده