لقاء كارثي

عدي…..لو عرفت اني معاكم مش هترضي زي ما عملت كده ساعت السفريه لولا ليله زنت عليها مكانتش هتيجي وبعدين اخرج انت مع نسمه براحتكم و اتكلم معاها عشان متبقاش مكسوفه

سليم….طب انا عندي فكره نسمه تكلمها وتقولها ان هي عيزاها ضروري في اي حوار و تقولها هعدي عليكي بالعربيه الساعه سته و انت تكون واقفلها و خدها واخرجوا لوحدكم

عدي…..بابتسامه بقيت تخطط ماشي حلوه الفكره بس المهم هنخلع ازاي بقالنا يومين مفتحناش الكافيهات

سليم…..اااه بس هنحلها ياعم مش هنغلب حودا ملناش غيره

عدي…..بضحك ماشي قول لنسمه و شوف كده هتعمل ايه

سليم….ماشي هروح اقولها و هعرفك

عدي…..ماشي و نهارها ازرق لو وافقت و نزلت من غير ما تقولي

سليم….بضحك ضربوا في كتفه ما تتهد بقي انت نكاش اكتر منها ماهي هتزل تلاقي عذرائيل في وشها

عدي….بضحك والله لا انفخها

سليم….بضحك هروح اكلمها وارجعلك

عدي…..اشطا.

راح سليم علي الاوضه بتاعته واتصل علي نسمه.

نسمه….الووو

سليم…..ايه يا قمر انا متصل بيكي و عايزك في حاجه كده هتقدري تساعديني

نسمه……بابتسامه ماشي قول

سليم…..تقي قافله موبالها وعدي مش عارف يوصلها عايزك تحاولي توصليلها و لما تكلميها متقزليلهاش اي حاجه بس اعملي يعني انك عيزاها ضروري بكره و تطلبي منها انكم تتقابلوا و عرفيها انك هتعدي عليها بالعربيه الساعه سته عشان عيزاها في موضوع

نسمه……طيب و مش هشوفك

سليم….بضحك لا بصي ركزي معايا انتي مش هتروحيلها اصلا عدي اللي هيروحلها

نسمه….اه فهمت هما زعلانين من بعض

سليم….يعني شويه فا احنا عايزين نصالحهم بس من بعيد انتي بس اقنعيها انك عيزاها في موضوع و هتعدي عليها الساعه سته هتنزل تلاقي عدي

نسمه…..بس هي ممكن تزعل مني

سليم…..لا متقلقيش مش هتزعل اما هيتصالحوا هتفهم انك عملتي كده عشانها

نسمه….خلاص تمام انا هكلمها واتفق معاها و هأكد عليك

سليم…..اتفقنا هستناكي تردي عليا

نسمه…..اوك باي

سليم…..باي

……………………

عند ليله و عشري.

دخل عشري عليها جري و هو مرعوب..

عشري…..ليله في ايه ؟مالك؟

ليله…..بطني بتتقطع عشري

عشري…..من ايه طيب

ليله….معرفش

عشري….طيب استني هجيبلك حاجه تلبسيها بسرعه و هتصل علي عدي يجهز العربيه و هنروح المستشفي.