لقاء كارثي
لقاء كارثي 127
فضل…..عشان منزلتيش بس ولا كان عندك شغل لو نزلتي كان زمان اليوم عدي بسرعه
نعيمه….دي حقيقه بس بصراحه مكنتش قادره خالص جسمي كان مكسر و رجلي وجعتني من الوقفه طول اليوم امبارح و عماله اقوم وانام
فضل….وانا كمان والله اصلا بتخنق اليوم اللي مبنزلش فيه بس كنت تعبان و نمت كتير اوي لما صحيت حسيت اني اتخنقت فا نزلت اللف شويه
نعيمه…..انت مفتحتش خالص الكافيهات.
فضل…..لا احنا اجازه امبارح وانهارده بكره بأذن الله هننزل
نعيمه…. والعمال مجوش انهارده الشقه صح
فضل….لا برضوا مكنتش هقدر بصراحه اتابعهم و لا كنت هعرف انام واسيبهم العمال عايزين اللي واقف فوق راسهم عشان اي غلطه بتحصل لو مخدتيش بالك منها بيكملوا شغلهم عادي ولا كان حاجه حصلت و مبتعرفيش تظبطيها بعد كده
نعيمه….مش مهم بقي مجاتش علي يومين المهم انك ارتاحت
فضل…..اه بصراحه كنت مهدود يلا المهم عدت علي خير الحمد لله و ربنا يسعدهم
نعيمه….يارب
فضل…..مش واخد انا علي هدوئك ده يا وحش
نعيمه….بضحكه هاديه لا والله انا كويسه بس زي ما قولتلك زهقانه حاسه بملل كده واليوم طويل ونودي نايمه
فضل….طيب أيه رأيك اجيلك ؟
نعيمه….تجيلي فين يا مجنون ؟
فضل….مش هجيلك البيت اكيد اجي اخدك و نقعد في اي مكان او نلف بالعربيه شويه
نعيمه….الوقت يا فضل الساعه داخله علي 11
فضل….وايه يعني اول مره يعني و بعدين مش بتقولي زهقانه
نعيمه…..اه بس انت هتصحي بدري وانا كمان خليك يا قلبي ارتاح
فضل…..ملكيش دعوه بيا انا نايم كتير و لا انتي مش عايزه تشوفيني
نعيمه…..اكيد عايزه بس مش عيزاك تتعب خلص لفتك دي وروح بلاش صياعه
فضل…..بس انا طالبه معايا صياعه وبصراحه بقي قدام فرصه يا اجيلك يا هروح اصيع مع البنات
نعيمه….بضحك حظك اني مش فيقالك يا شيخ العرب كان زماني مطينه عيشتك علي الكلمتين دول
فضل….بضحك ايوه كده اظهر الوحش اللي جواك يا وحش عموما انا قولتلك اللي فيها و انتي عارفه انا زي القمر و اشاور بس
نعيمه…..بضحكه هاديه رجعنا للغرور تاني بقولك ايه اعمل اللي انت عايزه فرصه اهي متتعوضش مش هتلاقيني طيبه معاك بعد كده
فضل……بضحك اوبااااااا ده واضح ان الوحش ماريف بجد و مزاجه مش حلو و بايع القضيه بقولك ايه
نعيمه…..قول
فضل…..انا تحت بيتك
