لقاء كارثي

ليله كامت فطسانه من الضحك

عشري….طبعا اتهزقت في اليوم ده و لما لمحه بيضحك هو كمان خد نصيبه فا لا لا علي رهيب خدي بالك انتي برضوا لسه مقعدتيش معاه شوفتي سلامه وميدو ومصطفي دمهم تقيل بالنسباله و المشكله انه اوقات مبيبقاش قاصد يضحك

ليله…بضحك هو اخف دم فيكم صح

عشري….اه بصراحه علي رهيب بيفصلني بجد

ليله….انا مره ضحكت علي امي مانت متعصبه برضوا و بتتخانق بس مع وليد و هي بتتكلم معرفش عطلت ولا ايه فا من عصبيتها قالت جمله كده مش مفهومه وبقت تتلغبط كانها شريط بيسق فا وليد بصلها بطريقه مضحكه فا انا ضحكت علي ريأكشن وليد سابت وليد و عصبيتها عليه و الا تضربني و وليد فهم انا بضحك علي ايه بقي يحوشني و هو خايف تضربني وانا واقفه وراه ميته من الضحك كانت بتتعصب اوي لما تكون متعصبه و حد يضحك

عشري….ابويا كده بس ابويا بقي وقت عصبيته لا تضحك ولا تتكلم و لا تعترض وحتي لو هو فاهم غلط متصححش او تغلطه خد الطريحه للاخر و لما يهدأ اتكلم غير كده بعصايته ممكن يفتح دماغ اي حد عادي

ليله…..طيب في موقف كنت انت متعصب فيه و ضحكت او حد قال جمله ضحكتك

عشري…..بضحك اه و دي من قريب بسبب علي برضوا كان وقت الحوارات والمشاكل اللي فاتت و كنت شادد مع ابويا لانه مش عايزني اعمل مشكله و عايز هو يحل فا هو متعصب و انا متعصب فا علي فكر انه هيهدي ابويا بالكلمه دي فا ضحكنا كلنا بيقولوا انت معصب روحك ليه يا كبير حد يتعصب من محمد ده لا شعر ولا عقل

رنة ليله الضحكه و هو فضل يضحك.

عشري….ابويا بصلوا وضحك و انا ضحكت وقلب المشكله و خلاهم ماسكينهالي الواطي

ليله….بضحك لا بس حلوه

عشري….عجبتك اوي هاااا

ليله….بضحك اه والله جابها ازاي

فضلوا يضحكوا و كملوا كلامهم شويه و بعدين خدها وراحوا علي غرفة الجيمينج يلعبوا.

…………………

ايه…..الووو

حنان….حبيبه قلبي معلش انا رديت عليكي بدل سلامه

ايه….لا يا عمري متقوليش كده كويس اني سمعت صوتك هو نايم ولا تعبان اوي يا حنون

حنان…..هو نايم بس لسه تعبان شويه

ايه….تعبان اوي

حنان….لا بصي متقلقيش هو بس العلاج اللي واخده مهمده عشان كده مش دريان بالدنيا بس هو ان شاء الله هيبقي بخير

ايه…..طيب ما تجيبولوا دكتور يا حنون احسن

حنان…..ميدو اتصل علي دكتور و جاي انا بس مش عايزه اقولك كده عشان متقلقيش