لقاء كارثي

رشيد…..طيب كويس يعني هيكونوا هنا

ايمي ….اه بأذن الله

حسان…..اه عشري كان قايلي هيرجعوا قبل رمضان فعلاً

قعدوا كلهم علي السفره

رشيد….طب و انت و سلامه شققكم دي متخلصش و تتجوزوا في العيد او بعد العيد

حسان…..لسه شويه يا رشيد هي الشقه بأمر الله عندي اكيد هتكون خلصت في رمضان سلامه عشان بادئ بعدي هو و ميدو مش عارف هيلحقوا ولا لا بس بامر الله علي نص رمضان كده هبدأ انزل انا و سلمي نجيب كل حاجه بقي هي الاوض خلاص اخترناها و تامر ظبط التصميم و بتجهز بس ليه في حجات نجيبها كتير فا نص رمضان كده هنبدأ عشان يكون تامر خلص الجزء اللي تحت

ايمي…..علي خير يارب بس تامر شغال عند سلامه و ميدو

حسان….اه شغال و ماشاء الله الشباب اللي معاه دايسيين يعني بس اقصد ان انا هخلص اكيد قبلهم

رشيد…علي فكره و ميدو وسلامه لان هنا معندهمش اي تكسير او تحويل في شكل الشقه سلامه كان بيقولي بس ان في جزء كده بتاع الكلب اللي بيتعمل بس مفيش حاجه تانيه في الشقه و ميدو معندهوش كل الكلام ده تقسيمه البيت عاجبه نادين

حسان……والله مش عارف بس اللي اعرفوا عموما انه شادد معانا احنا الثلاثه بصراحه

ايمي….طب افرض خلصتوا و نزلت زي ما بتقول جيبتوا حاجتكم علي نص رمضان ما تتجوزا في العيد و تخلصوا

حسان….مش هنلحق يا ايمي لو سلامه مخلصش هنضطر نستني عشان زي ما اتفقنا هنتجوز مع بعض ده اولا ثانيا احنا لحد الوقت متفقناش علي مكان الفرح غير ان ده موسم كل اللي هيتجوز علي العيد حاجز المعاد من فتره ثالثا البنات اكيد عندهم ترتيبات و حجات خاصه بيهم فا هو اكيد هيبقي بعد العيد بشويه

رشيد…..ممكن علي العيد الكبير

ايمي….لا بتهرج بعيد اوي

حسان….لالا مش لدرجه العيد الكبير هو بعد العيد الصغير بحاجه بسيطه ان شاء الله

ايمي…..اه لكن العيد الكبير كتير هيبقوا مخلصين كل حاجه بامر الله و انتوا برضوا من الوقت يا حسان اتكلم انت و سلامه و ايه و سلمي و اتفقوا علي الفرح و حاولوا تقرروا و تختاروا بقي المعاد

رشيد…اه عشان تنجزوا من ناحيه تانيه و برضوا البنات يبدأوا ينزلوا بخلصوا حاجتهم و يخلصوا ترتيباتهم

حسان…..هشوف كده انا مع سلامه و نتكلم و ان شاء الله خير صحيح عرفتوا انه تعبان هو ريهام تقريبا

رشيد….اه كلمت ميدو هو وريهام واخدين دور محترم