لقاء كارثي
لقاء كارثي 127
سمعوا صوت الباب بيتقفل بصتلها ايه وراحت تشوف هو و لا احمد اللي خرج من اوضته قامت سلمي وراها بصت ايه بزعل اما شافت تامر رجع.
سلمي……ايه يا حبيبي حمد الله عالسلامه
تامر….الله يسلمكم مالكم واقفين كده ليه.
سلمي…..ايه كانت لسه هتتصل بيك كنا فاكرينك لسه في مدينه نصر
تامر…..ليه في حاجه ولا ايه عايزه ايه يا ايه.
بصتلوا ايه بزعل و فضلت ساكته
سلمي…..سلامه تعبان اوي و ميدو هيجيبلوا الدكتور هو وريهام اخته و هي من بدري كل ما تتصل بيه حد يرد بداله ويقولوا انه نايم و هي قلقانه عليه و كانت عايزه تروح تطمن او تلحقك و انت تطمن عليه و تشوفوا فيه حاجه كبيره ولا لا
تامر…..انا كلمت ميدو انهارده من كام ساعه عشان كنت بسألوا علي حاجه بس مقاليش اي حاجه بيتهيألي لو كان تعبان اوي كان قالي او مكانش عرف يرد
ايه……تامر ممكن والنبي نروح نشوفوا
تامر…..الوقت يا ايه الساعه داخله علي 11
ايه….لسه عشره ونص مش هنتاخر هنطمن عليه بس و نرجع بابا نايم و انا مش هينفع اروح لوحدي و قلقانه عليه بجد
تامر….طيب نكلم ميدو اكلموا انا ياستي واكيد لو في حاجه مش هيكدب عليا وبعدين انا راجع مهدود انا صاحب من الساعه سته الصبح
ايه…..خلاص هروح انا
تامر…..انتي هبله يا ايه هتروحي الوقت فين ؟
بصتلوا و سابتهم ودخلت علي اوضتها.
تامر….اتهبلت دي ولا ايه
سلمي….ما تاخدها و خلاص يا تامر انت معاها و بابا لو صحي وعرف مش هيقول حاجه ادام انت معاها حرام هي قلقانه عليه
تامر…..بهدوء الوقت يا سلمي علي ما نروح و نرجع الوقت هيتأخر و بصراحه كمان مش عايز سلامه يضايق مني ما انتي عارفه اللي فيها اختك مخها تعبان
سلمي….هيضايق من ايه طيب انت هتوديها عشان تطمن عليه و بعدين يا تامر بصراحه هي صعبانه عليا خايفه عليه بجد هو اكيد مش هيضايق
تامر….عارف بس بصراحه من بعد اللي حصل انا بحاول علي قد ما اقدر محتكش بايه سلامه واثق فيا يا سلمي وانا مش عايز اخون الثقه اللي هو حطها فيا بحاول علي قد ما اقدر محتكش بيها ولا ابقي معاها
سلمي…..تامر انا فهماك بس انت هتاخدها بناءاً علي رغبتها وهو اكيد هيفهم موقفك انت واخدها ليه مش واخدها تفسحها حرام يا تامر هي قلقانه عليه و واضح ان سلامه تعبان اوي
تامر….طب وابوكي لو صحي وعرف اني ودتها عنده هيطين عيشتي
