لقاء كارثي

عشري….بضحك علي فضل يلعب كتير المهم وقع فا جه دوري و انا كمان عندت ركزت بقي وقولت المرادي لازم اقلعها وصلت للبكيني و ده واقف جنبي ولا كأنه بيشجعني لمسابقه عالميه عمال يقولي ركز ركز

ليله كامت ميته من الضحك و هي متخيله علي

عشري…..بضحك لعبت وبقيت اجري بالصندوق و مركز اوي و فجأه قلعتها البرا و ده شافها كأنه محروم نسوان و عمال يشجع فيا اكمل عشان اقلعها اخر حاجه الازايز بقت بتجري و ده واقف ورايا يقولي ايه ركز يلا قلعها قلعها يا عشري
في دخلة مين ابويا

الاتين ماتوا من الضحك

عشري…..بضحك ابويا داخل علي الصوت و سامعه بيقولي يلا قلعها قلع البت اول ما سمعت صوت خبطة العضايا بتاعته ورايا بصيت عليه بخضه و وقعت و طبعا البت قالعه من فوق و ده اتصدم بتعملوا ايه يا ولاد الكلب يا اوساخ مين دي

علي يفهموا انها لعبه يشتم فيه يقولوا وانت بتشجعوا يا ابن الكلب و عمال تقولوا قلعها علي كان واقف ميت من الضحك و انا مش عارف اخاف ولا اضحك ولا اتكسف فين وفين لما فهم و بقي يبتسم كده براحه و هو مش طايقنا بس كان يوم و فضحنا

ليله….بضحك والله متخيله شكل علي و هو بيشجعك

عشري….لا علي مصيبه بيقتلني ضحك والله منظره وهو بيجري من ابويا في قلب الاوضه وعمال يزقني انا ناحيته الواطي

ليله….مسحت دموعها علي مسخره بصراحه انا بموت فيه دمه خفيف اوي انا مش هنسي منظره لما راح خرجك هو وليد من القسم و جه معاك و بقي ياكل بسكوت القهوه معايا و يشرب السجاير و يضحك ولا معبرك

عشري….بضحك اه ده فظيع مش في دماغه بيركب عالسلام يعني ممكن ينقطني معاكي عادي

ليله…..يجنن والله طيب في موقف ضحكت فيه قدام ابوك و مكانش ينفع تضحك فيه

عشري…..بضحك اه بسبب علي برضوا بس في اليوم ده اتمسخرت كنت كبير و كنت اول سنه اقعد فيها لوحدي في الشقه مكنتش صغير يعني انا مش فاكر الموقف اوي بس فاكر ان حصل حاجه في الشغل فا ابويا متعصب و واقف يروق فيا و يزعق و علي واقف جنب ابويا بس وراه شويه ابويا من كتر ما هو متعصب مكانش مركز غير معايا

ومره واحده قطتين ضربوا وراحوا في ثانيه ناحيه علي فا علي عمل حركه خلتني وقعت من الضحك هو اتخض فا رفع رجله وعايز يفادي القطط عشان ميدوسش عليهم فكان هيقع بس بطريقه تموت من الضحك فا انا مقدرتش امسك نفسي وهو وراء ميت من الضحك علي نفسه و ابويا شافني بضحك ركبه ميت عفريت انت بتضحك انت بتستهزأ بكلامي و علي ميت من الضحك وانا مش عارف اسكت عشان اقولوا اني والله ما بضحك عليك