لقاء كارثي

ليله…. بضحك لا خلاص خلاص هسكت والله بلاش شيطانك الوقت

عشري…..ايووووه كده نظبط و نبطل مياعه

ليله….طيب ممكن تسيبني و يلا بقي خلينا نتفرج علي اي حاجه زهقت

عشري…..ماشي يلا لو عملتي حاجه المرادي والله ما هسيبك

ليله…لا والله مش هعمل خلاص اصلاً انت حررتني لسه واخده شاور و مش طايقه نفسي

عشري….طيب يلا قومي

سابها قامت بهدوء وهو كمان قام راحت ظبطت نفسها و بعدين بصتلوا وقربت منه

ليله…..عشررري

عشري…..عيونه

ليله….انا مش عايزه اتفرج علي فيلم

عشري…..طيب عايزه تعملي ايه قوليلي

ليله….مش عارفه بس مليش مزاج اتفرج علي حاجه و في نفس الوقت زهقانه

عشري…..نهارك مش فايت زهقتي هو احنا لحقنا

ليله….بضحك لا مش كده يعني زهقانه عايزه اعمل حاجه غير اني اتفرج علي فيلم

عشري….امممممم طيب تيجي نقعد بره نعمل قاعده حلوه كده و نلعب

ليله….بأبتسامه نلعب أيه؟

عشري…..بتفكير مش عارف بس نظبط الدنيا الاول و نشوف

ليله….اوك

خرجوا بره مع بعض

عشري…..روحي انتي اعمليلنا حاجه نشربها و تعالي

ليله……عايز تشرب ايه طيب

عشري….هاتي القهوه بتاعتي

ليله….بصتلوا بقرف قصدك الشوربه

عشري…..شوربه في عينك اخلصي يا بت

ليله….طيب متزعقش

راحت هي علي المطبخ و هو قلل الاضاءه و عمل جو هادي حلو و شغل اغاني رايقه وائل جسار شيرين فضل عمل ميكس كده حلو و استناها ترجع عملت لنفسها قهوه و جابتلوا القهوه العربي بتاعته

وراحت قعدت جنبه

مسكت علبة السجاير بتاعته ضربها علي كفها.

عشري…..سيبي علبتي

ليله…..بتاعتي جوه مش قادره اجيبها

عشري….دي تقيله عليكي يا قلبي

ليله….لا حلوه هات بقي مش قادره اقوم

عشري…..استني هجيبهالك انا يا كسلانه

ضحكت عليه و راح جابهالها ورجع وقعد جنبها..

عشري…..اتفضلي

ليله….شكرااااا

ولعت سيجاره و خدت نفس منها و نفخت بهدوء و هي بتبتسم.

ليله……عشري

عشري…..قلب عشري

ليله….هو انت لما كنت صغير كنت كده

عشري….يعني ايه كنت كده

ليله….بابتسامه يعني كنت بلطجي كده مش طفل كيوت

عشري……بضحك كيوت ايه يابت اتلمي

ليله…..بضحك بعني بجد كنت كده

عشري….رفع حاجبه و مسكها من رقبتها وماله كده مش فاهم

ليله…..بضحك اصل تبقي مصيبه لو جيبت ولد و هو لسه طفل يبقي نسخه منك مكنتش بتلعب زي الاطفال بلعبه معينه او طفل برئ كده