لقاء كارثي

بص تامر لايه و بصلها

تامر……مريم !!! انتي تبع مريم

البنت….بصتلهم بصدمه انتوا تعرفوها بصت لوراء لقت ثلاث رجاله جايين بيجروا من بعيد
بصتلوا بخوف اطلع بسرررررررعه جاييين

الاشاره كانت بتعد و قربت تقفل تاني

البنت…..بقولم اطللللع

ايه….بخوف تامر متطلعش

بص تامر علي المرايا و بمجرد ما لمح الرجاله بتقرب داس بنزين و طار بأقصي سرعه
والبنت عماله تبص وراها و هي بتتنفض من الرعب و تاخد نفسها.

……………………

عندي عشري و ليله كان نايم علي السرير و واخدها في حضنه و عمال يرغي معاها و بعدين سكت عشان ترد بس مردتش رفع راسه بهدوء و ابتسم لما لقاها نايمه.

عشري…..بابتسامه وهمس انتي نايمه يا بلطجيه وسيباني ارغي لوحدي

باس راسها بحب و فضل باصص عليها وهو بيمشي ايده علي شعرها.

سرح في وشها و هدوئها و سكونها جوه حضنه من غير حركه اكتر من عشر دقايق وبعدين اتكلم بصوت داخلي ..

عشري…..حاسه بيا يا ليله ؟

حاسه قد ايه وجودك فارق في حياتي ؟ طيب حاسه بالراحه والسلام النفسي اللي انا حاسس بيه في وجودك ؟ طيب متخيله حجم الكركبه اللي عملتيها في حياتي

ابتسم وبص في وشها وخد نفس عميق ..

انتي عارفه يا ليله اللي جوايا ليكي غريب لدرجه اني مش مصدق ان في ست ممكن تعمل في راجل كده

قولتهالك قبل كده و بقولهالك تاني انتي لعنه يا ليله بس لعنه جميله دخلت حياتي غيرتها انتي عارفه ان و انا باصصلك كده مش قادر اصدق انك في حضني بجد مكدب عيني و مكدب شعوري بلمستك حتي قلبك اللي عمال يدق في صدري مش مستوعبه لسه يمكن عشان انتي كنتي حلم و حققته بس مش قادر استوعب انه اتحقق بجد.

دخلتي حياتي من غير ما تستأذني ولا سيبتيلي فرصة أكون مستعد..

لقيتك جوه قلبي من غير ما احس خدتي قلبي على غفلة يا ليله..

خليتي الراجل اللي كان فاكر نفسه تقيل يقف قدام نفسه مستغرب ضعفه.

تعرفي يا ليله اني خايف أقول دي بقت بتاعتي وبعدين أصحى ألاقي كل ده حلم تاني.

كان معاكي حق يا ليله انا فعلا حبيتك لدرجه اني خايف اخسرك بسبب ومن غير سبب ابتسم بهدوء انا شكلي اتجننت.

عارفه يا ليله انتي بالنسبالي أيه..
انتي وجع ميتكرهش و حمل علي القلب بس شيلته علي الكيف.

انتي ضعف لبسته بإرادتي يا ليله.
امتحان صعب دخلته وانا مش مذاكر و دعاء امي هو اللي نجحني فيه..