لقاء كارثي
لقاء كارثي(أميره أسامه صاحبة البطل الواحد)
قام رشيد لما لقاها اتأخرت لبس الشبشب بتاعه و خد المفاتيح بتاعته من علي الكومدينو و خرج بص شمال ويمين لمحها واقفه و ساكته
قرب بهدوء منها و مسكها من كتفها لمح دموعها مسحتها و بصتلوا
رشيد….حبيبي مالك بس ضمها في حضنه فضلت تعيط بهدوء شششششش اهدي يا قلبي اهدي
سابها شويه و بعدين بعدها عنها و مسح دموعها وابتسم
بقولك ايه تعالي معايا
ايمي…ااا ادخل وانا شويه وجايه هنام
رشيد..لا مش هنام تعالي معايا بس
مسكها من كفها كانت لابسه ترنج بيتي وهو كمان لابس ترنج راح فتح الباب
ايمي….انت رايح فين
رشيد…..تعالي بس هقولك حاجه
ايمي…..طيب استني بلاش جنان هنعمل ايه في الجنينه
رشيد….يا ستي تعالي
ايمي…..يطب خلاص والله انا كويسه اطلع نام
رشيد…..وطي صوتك هتصحي اللي في البيت كلهم
خدها من كفها فتحوا الباب بتاع البيت من جوه و خرج بيها علي الجنينه فتح الباب و خرج بيها بره قدام الباب طلع المفاتيح و فتح العربيه بالريموت
ايمي…..انت بتعمل ايه يا مجنون انت
رشيد….بابتسامه مجنون بقي توقعي منه اي حاجه
فتحلها الباب و شدها ركبها بصتلوا و هي مش مصدقه جنه
ايمي…..بابتسامه طيب هنروح فين
رشيد…..هنتجنن
ايمي….بمنظرنا ده رشيد احنا لابسين لبس بيت
رشيد…بضحك عادي مش مجانين يلا
ايمي….بضحكه جميله طب و العربيه و الحركه اللي ممنوعه عني
رشيد…لا ماهو ولاد الكلب دول مش هيزعلوكي و يخنقوكي و اسكتلهم ابعدي رجلك
بصتلوا وهي مبتسمه و بعدت رجلها قفل الباب و راح قفل باب الجنينه وركب و اتحركوا بالعربيه.
ايمي…..رشيد انت مشيت بجد
رشيد…..امال بهزار ما العربيه اتحركت قدامك اهي
ايمي…طيب انت واخدني علي فين رشيد انت واخد بالك ان احنا بالبچامات
رشيد….بضحك اع واهد بالي و بصراحه الموضوع طلع لذيذ الواحد مرتاح انتي مش مرتاحه كده
ايمي….بضحك مرتاحه ايه يا مجنون انا اللي مش بنزل من البيت غير وانا مش فيا غلطه انزل كده
رشيد….طب والله شكلك كده احلي انتي بس خدي وضع الراحه هتحسي ان الموضوع احلي يعني شبشب بچامه رافعه شعرك نفيش ميك اب مفيش شنطه حره جربي بس كده
ايمي….بضحك انت مجنون بجد
رشيد…بس بحبك
ايمي….وانا بموت فيك
كملوا طريقهم و دقايق بسيطه وقف قدام مكان ايمي بتحب تجيب منه قهوه مكان شيك جدا و يجنن ركن
