لقاء كارثي

نعيمه…لا لا مفيش كله تمام الحمد لله

فضل….نسمه ونادر كويسين

نعيمه….نادر زي ماهو و نسمه بخير نايمه

فضل….طب امال مالك يا قلبي في ايه بس انتي كنتي بتتكلمي مع حد من البنات

نعيمه… لا والله متكلمتش كلمتهم من شويه

فضل…طب ليه العياط يا قلبي

نعيمه….وطت صوتها خالص والله مافيش انا بس افتكرت يوم الحادثه قبل ما ننزل من البيت كنا متخانقين انا وانت لسه و ماما وبابا كانوا عمالين يقنعوني ارد عليك و اسمعك افتكرت ماما كانت بتقولي عايزه اطمن عليكي افتكرتها وهي مبسوطه بالابيض اللي كانت لبساه انا قلبي واجعني يا فضل

فضل…..طيب بس بس يا روحي احنا اتفقنا علي ايه مش قولنا نهدا شويه و منعملش كده عشان نسمه انتي فين احسن تكون سمعاكي

نعيمه….لا هي نايمه وانا عند الشباك

فضل….شوفتي بقي البنات كان معاهم حق لما كانوا مش راضيين يمشوا عشان كده لما هتقعدي لوحدي هتفضلي تفكري و تفتكري

نعيمه….اعمل ايه طيب حتي نسمه مبطلش اسئله من وقت ما مشيتوا كل شويه تقولي هما في انهي دور طيب حالتهم ايه طيب فيهم ايه طيب اصابتهم كبيره تعبت يا فضل من كتر ما بحاول اخبي وانا مش عارفه كل ما تسالني احس ان الكلام وقف في زوري لا عارفه اطلعوا ولا عارفه امثل ولا عارفه اقول كلام اقنعها بيه

فضل…يا نوني احنا قولنالك نسمه مش هتبطل اسئله و ده طبيعي قلبها اكيد حاسي اننا مخبين حاجه وفي نفس الوقت هي بالنسبه ليها مش هترتاح الا لو شافتهم ولازم تعملي حسابك ان نادر كمان لما يفوق مش هيبطل اسئله انتي ربنا وقف معاكي لان نسمه مش فاكره هي مش فاكره غير ان نادر حضنها و بعدها غابت عن الوعي يعني لو كانت طولت شويه و ركزت في اللي حصل مكانتش هتبطل اسئله صدقيني

نعيمه…عارفه هي اصلا الوقت مش ساكته

فضل…معلش يا عمري سايسيها وبراحه عليها لحد ما تشد حيلها و ان شاء الله نادر يفوق قوليلها عقبال ماما وبابا عشان تحس ان الموضوع بجد و مش بنخبي عليها

نعيمه…بدموع انا تعت من الكدب يا فضل تعبت من اني اخبي حزني عن امي وابويا انت حاسس يعني ايه البس ملون و ابتسم واضحك واتكلم و اتعامل علي انهم بخير و احكي حجات محصلتش في الوقت اللي انا مش قادره اعمل ده

فضل…والله العظيم عارف و حاسس بيكي بس في خل غير ده يعني تفتكري هينفع نعمل عكسه احنا بنعمل كده عشان هي تبقي بخير احنا ما صدقنا انها فاقت لو عرفت خبر زي ده هتنتكس و مش بعيد تتعب اكتر لان اي ضغط عليها بعد ما فاقت من الغيبوبه مش صح اتحملي وحياتي نعيمه انتي اتحملتي اللي اكتر من كده و قدرتي تقفي علي رجلك عشان اخواتك