لقاء كارثي

هي كانت بتتكلم بكل ثقه وهو هيموت ويضحك علي طريقتها و كلامها اللي عامل زي الاطفال كان باصصلها بحب

نادين…..المهم انا بقي طلعت الحجات كلها بره وبعدين رجعت احطها عشان منساش حطتها فين و طبعا كل ده بقي انت بتكلمني حنون بتكلمني انا بكلم نعيمه و بكلم ليله يعني كل شويه بسيب اللي في ايدي وارغي شويه او حد يرغي معايا بعدين بقي ايه

عسال…. ايه بقي

نادين….انا روحت اخد شاور لما انت جيت مع مامي و دخلت عندي في الاوضه كنت لسه خارجه و كنت بكمل لبس فا عشان كده مش صليت

عسال….بضحك تصدقي بالله اني نسيت ان الحوار كله كان عشان الصلاه خلاص براءه

نادين….بابتسامه مش بعرفك عملت ايه

عسال…..اهم حاجه انك غيرتي الفرشات و نضفتي الازازات و حفظتي الامكنه بتاعت المطبخ

نادين….ميدو انت بتتريق عليا صح

عسال…بضحكه حب تجنن شدها لحضنه وباس راسها مقدرش يا عمري و حشتيني و وحشني حضنك يا اخلي بنوته في الدنيا

نادين…..انت كمان حضنك وحشني اوي يا احلي بابي في الدنيا

عسال…قلب بابي انتي

نادين….شكرا علي المفجاه الحلوه دي بجد اتبسطت اوي

عسال…..عجبتك يعني

نادين….اوي والله مبسوطه انهم بايتين معانا كان ناقصنا بس بابي

عسال…ان شاء الله يجي تاني او احنا نروحلوا

نادين….ان شاء الله بحبك اوي ربنا يخليك ليا

عسال….ويخليكي ليا ياعمري ناويه تعملي ايه بكره بقي

نادين …مامي عايزه تروح تشوف نعيمه و تطمن علي نسمه كده يعني هروح معاها و مش عارفه بقي هيحصل ايه تاني انت هتعمل ايه

عسال……انا ممكن اوصلكم و اطمن علي نسمه ونعيمه و بعيدن هطلع علي الكافيه في شغل كتير الفتره دي و شويه تظبيطات كده عشان كاس العالم خلاص هيبدأ فا محتاجين نظبط الدنيا

نادين….طيب انا هروح بالعربيه لان انت لو مشيت همشي ازاي انا ومامي واخواتي

عسال….ما انا هرجعلك

نادين….لا طبعا خليك في شغلك بقي انا هروح

عسال…ما انا كنت عايز اطمن عليهم قبل ما اروح واتسحل عشان لو معرفتش ارجع بليل ابقي اتطمنت عليهم الصبح

نادين……خلاص نروح مع بعض بس كل واحد في عربيته

عسال….طيب تمام اتفقنا

نادين….ممكن بقي تاخدني في حضنك جامد عشان انام

عسال…ممكن طبعا يا عمري يلا تعالي .
………………..

في صباح يوم جديد صحي عشري ملقاش ليله جنبه قام بهدوء بص في الاوضه مكانتش موجوده دخل التويلت و شويه وخرج فتح الباب و خرج يبص عليها