لقاء كارثي

ابتسمت ايمي وحطت ايدها علي بطنها

ايمي…..اووووي

رشيد…..طب و القمر الكبير

ايمي…..مبسوطه

رشيد….يعني نسينا الهبل و الكلام العبيط اللي كنا بنقولوا

ايمي….بضحك اممم اه نسيت

رشيد…..طيب خلينا نكمل جنان بقي و عرفني علي نفسك يا قمر

ايمي …بضحك لا انت اكيد اتجننت بس عذراك انا جننتك معايا

رشيد….بضحك هو لو علي جننتيني فا ده شئ مفروغ منه خصوصا في هرمونات الحمل اللي طلعت علي اللي خلفوني لكن كله يهون عشانك يا قمر يلا عرفيني علي نفسك

ايمي…..بضحك عايز تعرف ايه ؟

رشيد….والله كل اللي يجي منك كويس بس ممكن تكلميني علي عيونك اللي جابزا امي الارض دول

ايمي…..بضحكه تجنن حلوين

رشيد….حلوين بس دول فاجرين

ايمي….بضحك انت قليل الادب

رشيد….بضحك ماهو اللي يشوف العيون دي لازم يبقي قليل الادب

ايمي….اممم بتحبهم يعني

رشيد….بحبهم بس انا واقع في حبهم من الدور الخمسين

ايمي….بابتسامه اممم طيب بيعملوا فيك

رشيد….بحب طيروا عقلي اعترفلك بسر

ايمي….اعترف

رشيد….تعرفي و الله العظيم بتكلم جد بقي بعيدا عن الهزار ان اول حاجه لفتت نظري ليكي هي عينك

ايمي… بابتسامه قول حاجه جديده ده مش سر عارفه

رشيد…ممكن تبقي عارفه و انا قولتلك قبل كده بس بجد مكانش مجرد لفت نظر و اعجاب بعين تجنن انا في لحظه حسيت كده اني وقعت بجد متخيله اني احب من عينك بس

ايمي….لا والله ولما انت وقعت اوي كده معترفتش ليه و سيبتني انا اعترف

رشيد…بضحك انتي قلبك اسود اوي علي فكره بقي انا كنت هعترف بس انتي اللي سبقتيني

ايمي….عشان اجدع منك و اجرأ

رشيد…بابتسامه في دي معاكي حق بس انا في سؤال عمري ما سالتوا ليكي

ايمي….سؤال ايه

رشيد….يعني لما اعترفتي قدام الكل كان تالت يوم من وجودكم معانا محستيش انك اتسرعتي

ايمي….والله انت لتقول انك وقعت من اول نظره فا انا كده اتاخرت كتير

رشيد….اه وقعت مش هنكر بس اللي خلاني اسكت اني حسيت ان لو اتكلمت ممكن متصدقنيش و تفكري اني بشتغلك عايز اتسلي كده يعني فا قولت استني يعدي وقت او نرجع واقابلك كام مره وبعدين اعترفلك
بس انتي قولتي محستيش بقي انك اتسرعتي او حاسه الوقت انك ندمتي

ايمي….بابتسامه ندمت لا طبعاً ولو رجع بينا الوقت تاني هعمل نفس اللي عملتوا و جايز اي حد مكاني يشوف ان ده تسرع بس انا وقتها مفكرتش بالطريقه دي