لقاء كارثي

نعيمه…اه الحمد لله بس هرفعها ازاي اخاف

عشري…معاكي سليم و فضل

سليم…..انا هرفعها معاكي متخافيش

نعيمه….طيب وهيحصل ايه لو استنينا شويه بس لما يجي الدكتور والله عارفه انها زهقت بس هو والممرضين هيعرفوا اكتر مننا انا خايفه علي راسها و دراعها

ليله….طيب انا هرفعها متخافيش عادي مش هوجعها يعني نرفعها واحده واحده

عشري….تعالي ارفعها معاكي انتي وسليم

فضل…بهمس يا جدعان لبس المستشفي خفيف و اكيد مش مربوط كويس من وراء

عشري….ااااه طب ايه خلاص استنوا

ليله…لا خليكم انتوا بعيد كده انا هتصرف قربت من سليم تعالي كده انت يا سليم

سليم….هتعرفي

ليله….اه متقلقش خدي انتي كده ياللي واقفه مرعوبه

عشري…طب احنا بره شويه خليكم براحتكم

ليله….تمام تعالي يا نوني تعالي يا قلبي امسكي بس كده المخده اعدليها اول ما نرفعها

قربت نعيمه وراها وهي خايفه بصت ليله لسليم

ليله…نسمه دراعك ده لفيه علي رقبه سليم ماشي و انت يا سليمي متمسكش دراعها التاني ده خالص و مترفعهاش انت بس اسندها وهي تحرك نفسها واحده واحده انا همسك بس الفرش بتاع السرير عشان ميضاقهاش و هرفع ضهرها معاك ماشي

سليم….تمام

نسمه…..في حاجه هنا وجعاني اوي

نعيمه…مكان الكانولا ليله والنبي سيبوها هتتكسر في ايدها

ليله….لا لحظه يا سليم تعالي انتي كده مسكت نعيمه من ايدها فتحت الباب و خرجتها خلوا دي معاكم عشان موتراني

عشري… بابتسامه اتطردتي

نعيمه….يا ناس اختي متكسره هترفعوها ازاي بس دي جسمها كله واجعها

فضل…..خليهم يحاولوا براحه طيب

عشري…نعيمه النومه بتزهق هي اللي يكون في عونها

نعيمه …والله عارفه بس افرض احتاجتك تتحرك كده وانا لوحدي اعمل ايه

فضل…نادي اي حد يعملها اللي يريحها و متجيش انتي جنبها خوفك اصلا هيخليكي توجعيها

في الداخل

ليله….سليم بص اعمل زي ما قولتلك بس معلش هي مش هتقدر تحمل بدراعها ده علي رقبتك كفها واجعها انت اسند ضهرها بس لحد ما اظبطلها المخده ماشي

سليم….طيب تمام متقلقيش انتي اظبطيلها بس السرير والمخده و انا معاكي

ليله….طيب يلا استني بس اقفل الكانولا دي و اشيلها

سليم….ايه ده انتي بتفكيها من المحلول

ليله…اه ثواني بس لما نعظلها نركبه تاني بدل ما يتفطع ولا يشد كفها يوجعها

سليم…طيب هتعرفي