لقاء كارثي

ابتسم ميدو وحط ايده علي عينه و بعدين بصلها باحراج

عسال….بضحك مكانش قصدي والله العظيم

شيرين…..عارفه والله بس علي فكره انت لو مكنتش عملت كده جايز مكنتش جيت يعني لما قولتلك ممكن مقدرش اجي عشان مش حابه اشوف عاصم وقتها انت طلعت فيا طب وبنتك هتسيبيها هتفضلي سيباها لوحدها حتي في اهم يوم ليها نادين هتفرق معاها اوي لو جيتي ويمكن تنسي اي حاجه انتي وهو اتسببتوا فيها لو لقتكم معاها

انا هنا كلمتك دي رنت في ودني قولت لنفسي انا ليه بهرب اصلا من عاصم ليه اوجع بنتي في يوم زي ده عشان خاطره ما خلاص موضوعي معاه فات عليه عمر بحاله هو اتجوز وعاش حياته وانا كمان بس هي اكيد حياتها وفرحتها متعلقه بوجودنا معاها في اليوم ده يبقي ليه مروحش

عسال….بالظبط وده كان هدفي والله وقتها اصلا كنا طالعين من حوار حادثتها في البيت هنا لما الحيوان ده اتهجم عليها و بصراحه كنت خايف عليها ومضايق عشانها وفي نفس الوقت كنت بحاول افرحها بكل الطرق لاني كنت واثق ان فرحه نادين الحقيقه هتبقي بوجودكم انتوا مهما كان حواليها صحاب و اهل صحابها خالها جدتها انا هتفضل حاسه ان جواها جزء ناقص من فرحتها عشان كده كنت مصمم ولو اني كنت واثق اضلا ان بعد ما اهلص كلامي معاكي هسمع صوت السماعه بيترزع في وشي

ضحك هو و شيرين

شيرين…. بالعكس والله انا عايزه اقولك ان وانت اصلا بتكلمني ومتعصب انا شريط حياتي كان بيمر قدام عيني و مش مركزه اوي معاك انا باخد بس كلامك واقول هو عنده حق طلعت سيجاره قرب منها الولاعه و ولعلها كملت بتنهيده نادين دي اول فرحه ليا يا ميدو يمكن لو قولتلك قد ايه فرحت بخبر حملي ده مش هتصدق انا كنت طايره عارف يعني ايه الست تشيل حته جواها من راجل بتحبه كانت كبيره اوي عندي ولما شوفتها فرحتي كملت بس سفر عاصم و اصراره انه مش هيقدر يرجع الوقت خلاني غصب عني بقيت اسيبها عشان انا كمان اكمل حلمي و حلم عاصم و نعيش نادين في مستوي تاني انا مش ام وحشه يا ميدو ولا قاسيه انا طول عمري جوايا حته سوده و كلها وجع لاني عايشه و انا عارفه اني قصرت في حق بنتي محستش ان الحته دي اتشالت مني الا لما انت دخلت حياتها و قربتنا تاني من بعض عرفت انا ليه بشكرك لانك مفرحتش نادين او حاولت تعوضها انت فرحتني و حاولت تشيل غني جزء من الذنب ده قربتني من بنتي وطول عمري خايفه اقرب منها متتقبلنيش وتقولي مبقتش محتجالك