لقاء كارثي

عسال…باس خدها ماشي يا روحي

خرج ميدو وعشر دقايق خرجت وراه نادين و ابتسمت و هي خارجه لما سمعت الصوت وعرفت مين اللي معاه

نادين….بضحكه تجنن مامي

شيرين بابتسامه قلب مامي

قامت وقفت حضنتها و سلمت عليها

جاسم….ازيك يا نودي

نادين….حبيبي الحمد لله چوچو

مروچ…. وحشتيني

نادين…ياعمري انتي اللي وحشتيني والله حضنتها وبعدين قامت وقفت و بصت لشيرين وجاسم بابتسامه ايه المفجاه الحلوه دي

شيرين…..والله هو كالعاده صاحب الفضل في المفاجآت ميدو هو اتصل يطمن علينا عرفت اللي حصل وعرفت منه انك رجعتي كنت بتكلم معاه وقولتلوا باذن الله ممكن لو محصلش اي جديد او خرجت هحيلكم شويه لاني مجتش من وقت الفرح بس هو صمم اني اجي انهارده يعني اينعم احنا ضيوف رخمين شويه بس جوزك السبب

نادين….بابتسامه ضيوف ايه بس هو كويس انه عمل كده اصلا انا مش عارفه اقعد معاكم خالص ولا كمان شوفتوا البيت

عسال….هما هيباتوا معانا كمان

شيرين….لا احنا هنقعد شويه و هنروح عالفندق اتكلمنا في موضوع البيات ده

عسال….والله انا هقفل الباب و محدش هيطلع من هنا و بعدين شوفي بقي هتقدري علي نادين ازاي

نادين… بضحك مش هتمشي طبعا

شيرين… بضحك انتوا بتتفقوا عليا انتوا الاتنين مش هعرف طبعا و بعدين ده اول يوم ليكم بعد كل الفتره اللي فاتت هنبقي رخمين اوي يعني

عسال….لا خالص انتوا منورنا و هنتبسط مع بعض اصلا

شيرين…..خدي بالك شكلك مش وحشاه

عسال….بضحك ايه ده احنا فينا من كده

نادين…بضحك بتسخننيني عليه لا وحشاه و هتقعدي برضوا وحياتي يا مامي خليكم معانا انهارده بس

شيرين….مش هينفع يا نودي احنا هنسهر معاكم شويه وبعدين نمشي واصلا مش معانا لبس

نادين….انا عندي لبس البسي اللي يعجبك اصلا انتي جسمك صغير و هشوف حاجه صغنونه لچوچو و ميدو ممكن تدي جاسم

عسال… بابتسامه بس كده الدريسنج كله بتاعه يلبس اللي يعجبه صح با جاسم

جاسم…بايتسامه صح انا عن نفسي موافق

شيرين…بضحك ده ايه الرخامه دي

جاسم….بضحك انا رخم و عايز ابات معاهم اصلا زهقت من الفندق

مروچ….انا كمان عايزه اقعد مع نادين والعب مع القطه

نادين…بضحك مسك ايد جاسم و مروچ رأي الاغلبيه اللي هيمشي و حضرتك مضطره تسمعي الكلام

شيرين…اتفقتوا عليا يا ولاد شيرين بصت لميدو ضحكت متعملش فيها طيب ما كل ده بسببك