لقاء كارثي

ايمي….مش بفكر بس مش عارفه انام

رشيد…..طيب اقراي قران و غمضي عينك هتنامي

ايمي…..طيب اصحي شويه

رشيد…..نصحي نعمل ايه يا قلبي انا مش قادر و عندي شغل الصبح و انتي كمان لازم تنامي و ترتاحي يلا يا روحي

ايمي….انا مخنوقه

رشيد…..طيب ابعد عنك شويه

ايمي….لا مش منك مخنوقه زهقانه يعني

رشيد…طب من ايه يا قلبي

ايمي….مش عارفه بس مخنوقه اوي رشيد

رشيد….بتنهيده نعم يا حبيبي

ايمي….هو انا ينفع اسألك سؤال

رشيد….طبعا يا عمري

ايمي….هو انا لو موت هتزعل عليا

فتح عينه وبصلها

رشيد….ايمي انتي تعبانه حاسه بحاجه

ايمي….لا انا كويسه

رشيد…طب امال ايه ؟ ليه الكلام ده

ايمي….بسألك

رشيد….لا ده مش سؤال ده عبط او هرمونات حمل صح ولا انتي عايزه تخوفيني عليكي

ايمي…..لا والله بس انا مخنوقه اوي و حاسه اني هموت

رشيد….رفع نفسه و بصلها بت في ايه ما بلاش الهبل ده انا مش بحب الطريقه دي انتي كويسه

ايمي…..بصتلوا وهي باين عليها بجد انها مخنوقه و عينها مدمعه اه كويسه

رشيد…لا مش كويسه في ايه يا قلبي مالك بس

ايمي…والله مفيش حاسه اني مخنوقه بس

رشيد….طب اهدي و اوعي اشوفك تعيطي كده انتي بس اكيد اللي حصل الفتره اللي فاتت ضاغط عليكي مع الحمل و خوفك من كلام الدكتوره بس كل ده هيبقي كويس و الفتره دي هتعدي و هتقومي بالسلامه انتي و المجانين اللي طلعوا عيني و عينك دول ماشي

هزت راسها ونزلت دموعها تجري

رشيد…..بابتسامه هاديه ضمها لا لا وحياتي بلاش كده

فضلت تعيط شويه في حضنه

رشيد…حبيبي هزعل والله ولاد الملب دول تاعبينك ومش عايزه تخوفيني ولا ايه

ايمي…..انا كويسه والله

رشيد…طب امال في ايه يا عمري انا مش بشوفك في الحاله دي كتير ليه الخنقه دي

ايمي….والله مش عارفه بس مخنوقه وقلبي مقبوض

رشيد….يمكن عشان قربتي تولدي يا ايمي طبيعي يعني

ايمي….ممكن

رشيد…طب قوليلي اعملك ايه عشان تفكي

ايمي…..مش عايزه حاجه والله خلاص نام يلا بعدت عنه و قامت من علي السرير

رشيد….طيب انتي راحه فين

ايمي…ااا هغسل بس وشي و جايه

رشيد….طيب خارجه بره ليه

ايمي…هجيب مايه نام انت يلا انا هاجي

بصلها وسكت خرجت ايمي بره دخلت التويلت اللي في الريسيبشن غسلت وشها و بعدين خرجت راحت وقف قدام الشباك بصت عالشارع حطت ايدها علي رقبتها كانت حاسه انها مضغوطه بجد نفسيتها مكانتش احسن حاجه بقالها عشر ايام في حزن و اكتىاب واخبار مش حلوه مع تعب واكتئاب الحمل مع كلام الدكتوره اللي رعبها كل ده اثر عليها بطريقه سلبيه يمكن كمان طول الفتره دي عيطت و خرجت مشاعرها لكن كانت علي قد ما بتقدر متبينش اوي عشان نعيمه و عشان ليله و اللي هما فيه فكانت حاسه بضغط كبير…