لقاء كارثي

نعيمه…لا لا متخافش هي قدامي نايمه

سليم….تمام يا نعيمه اسف مره تانيه اني كلمتك روحي يلا لفضل

نعيمه…متقولش كده يا سليم و كلمني اي وقت تحب يعني متترددش خالص انك تتصل

سليم….ربنا يخليكي يا نعيمه قوليلي محتاجه اي حاجه اجيبهالك بكره وانا جاي انا باذن الله هصحي بدري واكون عندكم

نعيمه….سلامتك والله ربنا يخليك

سليم….نعيمه انا مش بعزم عليكي انتي اكيد مش هتقدري تسيبيها يعني اللي تحتاجيه احنا اللي هنجيبه

نعيمه…عارف والله واكيد لو في حاجه هقولك او اقول لفضل او اي حد جاي

سليم….اكيد طبعا كلنا واحد المهم لو احتاجتي اي حاجه عرفيني و لو نسمه محتاجه حاجه عرفيني

نعيمه….حاضر والله ربنا يخليك ليها وليا يا سليم

سليم….بابتسامه تسلمي يارب و روقي كده و بطلي عياط بقي افرحي بأختك بقت في حضنك خلاص و قريب نادر هيبقي في حضنك انتي وهي

نعيمه…يارب يا سليم اللهم امين

سليم…. يارب يلا هسيبك و تصبحي علي الف خير

نعيمه….وانت من اهل الخير يارب باي يا سليم

سليم…..مع السلامه..

…………….

عند ايه وسلامه بعد ما خلصوا اكل وقفت ايه تغسل الاطباق و نضف المطبخ خرج سلامه من التويلت خرج علي بره راح فتح علبه السجاير و لع سيجاره و بعدين راح يبص عليها كانت سرحانه

سلامه…..لسه مخلصتيش يا ايه

رمت من ايدها الكوبايه في الحوض و بصتلوا بصدمه

سلامه….بضحح ايه انا معملتش حاجه اتلبسيتي ولا ايه

ايه….انت عارف انك خضتني صح

سلامه….بضحك انا طب والله ما قاصد اخضك

ايه…..و الله خضتني و يومك ازرق لو الكوبايه اتكسرت

دخل وهو بيضحك

سلامه…..وايه يعني لما تتكسر فدايا

ايه….فداك في عينك ده جهازي

سلامه…. بضحك انتي مطلعاها من النيش ولا ايه ؟

ايه….لا يا ظريف مش من النيش من المطبخ عادي

سلامه…خلي بالك عشان لو اتكسرت هتعورك براحه

ايه….متكسرتش وخليك في حالك

سلامه…..فلوس حمودي حلال

ايه……اه حلال بس فكر تخضني تاني او فكر بقي توقع انت حاجه و تكسرها

سلامه….مش هنام في البيت صح

ايه… بابتسامه اااا لا مش للدرجادي يعني في ستين داهيه

سلامه…انا ولا الكوبايه؟

ايه…بضحك ضربته علي كتفه بقول علي اللي يتكسر يا غبي

سلامه….يابت احترمي نفسك و قصري لسانك ده بدل ما اقطعه

ايه…..انت بتضرب طب ابعد يا بابا