لقاء كارثي

ليله….اه متقلقش خلاص قفلته بصت لنسمه وابتسمت كنت بعلق لامي محاليل لما كانت بتتعب خبره يعني

ابتسمت نسمه بهدوء

نسمه….لو مش هتعرفوا خلاص متتعبوش نفسكم

ليله…..مش هنعرف ايه عيب يا بت في حقي انا وخطيبك طب اختك هبله وخوافه المهم انتي جاهزه يلا

نسمه…اه بس براحه

ليله…براحه متخافيش

سليم….هاتي كفك ده مسكي بقي رقبتي جامد

نسمه….مش قادره امسك اكتر من كده بتوجعني الكانولا

ليله…ايدك بقي في ضهرها عشان هي مش هتقدر براحه بس علي راسها انا هرفع ضهرها براحه معاك

سليم….يلا ارفعي يا ليله

حطت ليله كفها براحه في ضهر نسمه و سليم عمل زيها و بعدين رفعوها براحه خالص حط سليم كفه في نص ضهرها وضمها ليه و هو بيحاول ميجيش جنب دراعها

ليله….معلش لحظه بقي

سليم…براحتك

غمضت نسمه عينها كانت محرجه جدا لما لمسوا ضهرها عرفت انها عريانه بس سليم مكانش شايفها

ظبطتلها ليله المخده و حاولت تربطلها اللبس من وراء براحه

ليله….سليم بص انا هنسك المخده و انت براحه تقدر ترفعها لفوق

سليم….اه امسكي بس المخده انتي يلا نسمه متخافيش انا هرفعك بس حاجه بسيطه من ضهرك ماشي

نسمه….طيب

لف سليم ايده اكتر حضن و سطها و رفعها شويه و ليله رفعتها معاه

نسمه….اااااه

ليله…ايه مالك

سليم…..وجعتك صح

نسمه…لا لا الكانولا بس وجعتني

سليم…طيب في حاجه تاني بتوجعك

نسمه…لا لا

ليله….تعالي كده جربي اسندي ضهرك شوفي كده مرتاحه نزلها يا سليم

رجعها سليم براحه مكانها بقت قاعده مش نايمه

سليم….ايه رايك كده تمام ولا عايزه تطلعي اكتر

نسمه…لا حلو اوي كده

ليله….طيب المخده تمام

نسمه…..اه تمام

ليله….طيب الملايه اتحركت من تحت اظبطها ولا تمام

نسمه…حلوه والله خلاص بس ليله انا ضهري عريان صح

ليله….لا يا قلبي مش عريان بس الرباط كان مفكوك شويه انا ربطته
و بعدين محدش شاف حاجه شوفت يا سليم حاجه

سليم…. بابتسامه لا والله مشوفتش

ليله…. بابتسامه غمزتلها ولو شاف مش هنسيبه كده كده هيتجوزك

ضحكت نسمه و ضحك سليم

سليم….اوبااا بتدبس شكلي

ليله….معلش بناتنا ميتكشفوش علي حد غريب و لو اتكشفوا نجوزهم في اسرع وقت

سليم….طب ايه تفتكري تتكشف عشان نتجوز بسرعه

ليله….بضحك اللله ده في واحد مستعجل واخده بالك

نسمه….بضحكه هاديه ايوه