لقاء كارثي

فضل….و غلاوتك عندي انا حاسس بيكي و عارف الضغط الكبير اللي انتي فيه عارف الكام يوم اللي فاتوا و الفتره دي انها اسوأ فتره في حياتك و عارف كمان انها هتفضل جواكي فتره بس مفيش في ايدك غير كده يا قلبي مينفعش تتكلمي و انتي عارفه ان ده غلط عليهم انتي بتحميهم من اي خطر يعني ده بدافع خوف و حمايه ليهم مش مجرد انك عايزه تكدبي و نسمه و نادر مش صغيرين بلاش تضغطي علي نفسك بالتفكير الزياده هما اكيد هيفهموا ليه عملتي كده هما نفسهم لو مكانك يا نعيمه اكيد هيختاروا الحل اللي ميضركيش

نعيمه…..مش هيزعلوا مني يعني صح

فضل…مستحيل يا قلبي شيلي ده من دماغك خالص بالعكس هما هيشيلوا همك انتي هيضايقوا عشان كنتي شايله ده لوحدك من غيرهم متخافيش يا نعيمه اخواتك كبار و عاقلين و فاهمين

نعيمه…..بصت عالموبايل اااا فضل سليم بيكلمني

فضل…طيب روحي يا قلبي ردي عليه اكيد عايز يطمن علي نسمه انا هاخد شاور وخلصي وكلميني انا سهران معاكي

نعيمه…طيب هكلموا وارجعلك

فضل…تمام يا قلبي باي

نعيمه….باي

قفلت نعيمه كان سليم قفل اتصلت هي عليه

سليم….الوووو

نعيمه….ايوه يا سليم معلش فضل كان بيكلمني ملحقتش ارد عليك

سليم…لا لا خالص انا اسف والله اني بتصل عليكي الوقت بس حبيت اطمن علي نسمه

نعيمه…لا طبعا انت بتقول ايه اتكلم اي وقت انت عارف انا مش بنام الوقت

سليم….تسلمي يا نعيمه ربنا يخليكي طمنيني علي نسمه هي كويسه

نعيمه….الحمد لله يعني هي زي ما سيبتوها كده بس بخير بتقوم وتنام كده يعني

سليم…يعني لما بتصحي فايقه معاكي

نعيمه…اه اه متقلقش هو الدكتور طمني خلاص الحمد لله انها مش هتدخل في غيبوبه تاني ادام اتنبهت

سليم….الحمد لله سألتك طيب تاني

نعيمه….مبطلتش اسئله يا سليم هي تقريباً كل ما بتقوم من النوم او تتحرك و تقلق تسألني تاني و تعيد نفس الاسئله هما كويسين مفيش اخبار طيب في انهي دور طيب حالتهم عامله ازاي طيب بابا كان قدام حصلوا ايه تعبت من كتر ما بكدب عليها

سليم….ربنا معاكي انا عارف والله ان ده ضغط كبير اوي انتي فيه بس هي غصب عنها اكيد قلقانه

نعيمه….عارفه والله بس عارف لما تحس انك من كتر الكدب تعبت و فاض بيك و خايف يبان عليك كدبك

سليم…عارف المشكله انك بتحاولي تخبي بس بتبقب خايفه يبان عليكي