لقاء كارثي
لقاء كارثي(أميره أسامه صاحبة البطل الواحد)
فا كل اللي حصل ده كان ضاغط عليا بجد لحد ما روحنا للدكتوره و قالتلي الحاله اللي انا فيها كنت خلاص تعبت انا بجد كنت حاسه ان وحي بتروح و بتخنق يعني مش هرمونات حمل والله هو بس ضغط بس انت عرفت تخرجني منه
رشيد….بابتسامه طبطب علي كفها عارف والله و مقدر كل اللي انتي ميتي بيه عارف انك اتضغطتي جدا و احساس صعب لما تلاقي حد منك موجوع و مش عارفه تعملي عشانه حاجه
ايمي…..عارف يا رشيد انا يمكن لو كان حصل لنعيمه اي ظرف تاني غير الموت يعني لو مانوا بس عملوا حادثه وحالتهم مش حلوه انا كنت مستحيل اسيبها و يمكن برضوا مكنتش ناويه اسيبها وارجع بعد اللي حصل بس اللي خلاني اسمع كلامها هي و البنات خوفي علي حماده لما جه عند نعيمه و شوفت شكله و حزنه اترعبت عليه خوفت يروح مني و مصدقت نعيمه هي اللي طلبت ده مني بنفسها
رشيد….بعد الشر عليه ربنا يديه الصحه بصي يا قلبي اللي حصل ده قدر ربنا يهون علي نعيمه واخواتها و يعوض علي ليله وعشري و نفرح بيهم هما و البنات كلهم بس في كل الاحوال لا انا هسيبهم ولا انتي هتسيبيهم و انا واثق ان كلهم واولهم نعيمه مقدرين ظروفك وخايفين اصلا عليكي
ايمي…عارفه والله الحمد لله
رشيد…اهم حاجه القمر بتاعي خرج اللي جواه كله و هيرجع تاني قوي ولا ايه
ايمي… بابتسامه متقلقش انا كويسه والله و احسن كتير هو انت مش ناوي تطلع تنام بقي عندك شغل يا استاذ
رشيد…بضحك انا شكلي حبيت الموضوع
ايمي… بضحك اه لاحظت رفعت رجلك علي العربيه وقلعت الشبشب و واخد راحتك وشويه شويه هلاقيك جايب غطاء ونايم عالرصيف
رشيد…. بضحك لا هو الجنان موصلش للفضايح بس ممكن ننام في العربيه ايه رايك
ايمي…بضحك لا انت اتجننت رسمي
رشيد….و هعتمد الجنان ده عشان تكوني عارفه كل يوم هننزل انا وانتي في السر كده لما الكل ينام و هخطفك شويه
ايمي…..بحب وانا موافقه جدا
رشيد….اتفقنا انا بقول بقي ناخد صوره حلوه كده و نوثق لحظه الجنان دي بالبچامات عشان نبقي نحكي لولاد الكلب دول الهرمونات عملت فينا ايه
ايمي….بضحك يلا بينا
اتصوروا و ضحكوا و اتبسطوا وبعدين دخل رشيد الكرسي والمخده و نزل ايمي و رجع العربيه زي ما كانت وخدها وطلع ولا كان في حاجه حصلت ودخلوا علي اوضتهم من سكات خدها في حضنه و نامت ايمي في سابع نومه..
