لقاء كارثي

نعيمه….بالظبط والله انا بعمل كل اللي اقدر عليه عشان ابعد الاحساس ده عنها خالص لدرجه ان اغلب الوقت طول ما هي بتسألني انا مش بجيب عيني في عينها خايفه عليها

سليم…..انا لما كنت معاها سالتني برضوا و قولتلها نفس الكلام انهم بخير مضايق اني بكدب عليها وخايف لما تعرف تزعل بس اكيد كدبي عليها وزعلها مني افضل كتير من انها تعرف الوقت التوقيت مش مناسب خالص محدش فينا كمان عارف رد فعلها هيكون ازاي

نعيمه….بدموع هتنهار يا سليم هتنهار ده مش واحد فيهم اللي مات دول اتنين يعني مش مصيبه واحده خابفه عليها من الوجع من الصدمه من العياط من الصريخ خايفه رد فعلها يأثر علي دماغها مش هقدر

سليم…..بالظبط لان محدش فينا عارف هي هتستقبل الخبر ازاي و اقل رد فعل في حالتها الصحيه حاليا هو خطر عليها عشان كده اجمدي تعالي علي نفسك اتحملي يا نعيمه جاريها في كلامها في اسئلتها طمنبها بردودك عليها لحد ما تشد حيلها الكام يوم دول انا عارف والله العظيم ان ده ضغط كبير اوي عليكي بس احنا كنا فين وبقينا فين يعني من بدايه الحادثه و كل اللي احنا بنتمناه ان هي و نادر يقوموا بالسلامه و الحمد الله نسمه اهي قامت هنتحمل شويه لحد ما تتحسن اكتر و بعدها انا واثق ان ربنا هيقف معانا و احنا بنعرفها الخبر و ان شاء الله مش هيأثر عليها و رد فعلها مش هيجي علي صحتها

نعيمه…يارب يا سليم يارب علي قد ما انا خايفه من اليوم ده اوي علي قد ما انا عيزاه يجي ويخلص عشان اخد نفسي

سليم….كنا مستنين يوم ما حد فيهم يفوق و بوم ما نعدي مراحل الخطر و الحمد لله كله بيعدي و انا واثق ان اللي جاي هيعدي علي خير انا معاكي و كلنا معاكي و اكيد مع نسمه ونادر متقلقيش

نعيمه….ربنا يخليكم ليا و بجد شكرا علي كلامك يا سليم

سليم…. علي ايه بس يا نعيمه انتي اختي و اكيد مش حابب اشوفك في الحاله دي و عايزك تطمني انا جنب نسمه يعني كل اللي انتي خايفه منه ده هيهون و يعدي مش هسيبها و هبقي معاكي في اللي جاي

نعيمه….ربنا يخليك يا سليم و يخليكم لبعض

سليم…اللهم امين و نطمن علي نادر في اقرب وقت يارب

نعيمه…يارب يا سليم يارب

سليم…هي نايمه صح ولا انتي بتتملمي بعيد عنها

نعيمه…لا هي نايمه وبتكلم بعيد عنها متقلقش

سليم…تمام انا بطمن بس انها مش سامعه