لقاء كارثي

حسان….بخوف فضل يبص حواليه ايه سلمي انتي اتكرهبتي

هزت راسها بلا

حسان…طب في ايه في ايه ماما

حطت ايدها علي وشها و جالها هيسترية ضحك بصلها بغضب بسيط لانه اتخض بجد

حسان…ده بجد انتي بتهرجي صح

فضلت تضحك مش قادره تفصل و عماله تهز راسها بلأ و تشاورلوا يستني

حسان….وسعي كده وسعي عشان متعصبش عليكي

سلمي….بضحك استني طيب

حسان….سلمي هتزعلي مني والله وسعي عشان هقلب عليكي انتي و قعتي قلبي و بتضحكي

فضلت تضحك و حضنتوا عشان ميخرجش و يقفش عليها

حسان…..طب وسعي خلاص والله

سلمي….بضحك طب هفهمك والله

حسان…..ابتسم غصب عنه من الضحك اللي بتضحكه و الله العظيم هوريكي الوش التاني و هتزعلي مني سيبي الوقت عشان اعصابي سابت

كلمته خلتها فطست من الضحك و فضلت حضنانه

ضحك غصب عنه بغيظ

حسان……والله ما عندك دم الورق بره وقع عايز يترتب من جديد ويارب القهوه ما تكون وقعت عليه

مكانتش عارفه تفصل فا بدأ يضحك اكتر علي ضحكها

حسان….بت انتي شاربه ايه

سلمي….بضحك مش شاربه والله

حسان…بضحك طب في ايه الضحك ده كله

فين لحد ما سكتت

حسان….خلاص اسكتي في ايه بقي

سلمي….بضحك بص هقولك

حسان…بضحك والله ما فاهم كلمه

سلمي….اوووووف لا اله الا الله

حسان….بضحك والله عايز اقتلك علي الخضه دي

سلمي….بضحك انا قلبي وقف قبلك والله بس انا ضحكت علي الخضه بتاعتك و تخيلت منظرك لما هقولك السبب

حسان….انتي عارفه لو السبب طلع تافهه علي صريخك ده هعمل فيكي ايه

سلمي…. بضحك هو تافهه بس قلبي وقف والله

حسان….بضحك طب عملتي ايه

سلمي….بضحك معملتش انا قاعدن شغاله ومركزه غيني وجعتي قفل شويه من الاضاءه وخليت نور خفيف و في دبانه طارت وقربت من الاضاءه شوفت خيالها في الحيطه والله يا مسان فكرتها عصفوره او خنامه اتخضيت

بصلها بغيظ و هي بتضحك و ابتسم و عض علي شفايفه فضلت تضحك من قلبها

حسان….حمامه هااا

سلمي….انا معرفش شوفت خيال كبير بيقرب مني قلبي وقف والله

حسان…..يعني الصريخ ده وحساااان حسااااان كل ده عشان دبانه شوفتي خيالها صح الورق اللي وقع بره و اتبهدل كل ده بسبب دبانه انا داخل و واثق ان صوت صريخك ده حاجه من التلاته لا قدر الله حد من اخوات نعيمه في حاجه يا اتكهربتي يا شوفتي جن ده مبدأيا يعني

فضلت تضحك لحد ما عينها دمعت