لقاء كارثي

عسال….بضحك انا انا مالي انا قولت اللي عندي و سيبت الباقي عليهم و بعدين خلاص بقي مجاتش من يوم نودي مش وحشاكي ولا ايه

نادين…اممم ردي

شيرين….بضحك لا وحشاني طبعا

عسال…طيب يلا بقي تعالي معايا يا جاسم ادخلك الاوضه اللي هتنام فيها هحيبلك غيار ظبط نفسك و چوچو وشيري مسؤوليتك انتي يا نودي و بعدين فرجيهم عالبيت عشان انا هم ت من الجوع

نادين….في ايد امينه اطمن اقفل انت بس الباب احسن تهرب

عسال….بضحكه جميله لا تهرب ايه اتحبست خلاص

ضحكوا كلهم و راح ميدو جاب غيار لجاسم و نادين طلعت لبس لشيرين و حاولت تلاقي خاجه لمروچ ملاقتش غير كاش قصير مرسوم عليه اشكال ديزني بقي واصل لرجليها من تحت و كلهم كانوا ميتين من الضحك عليها ظبطوا نفسهم وخرجوا جهزوا الاكل مع بعض

كان في حاله من الحماس بينهم جميله ميدو و جاسم قاعدين عالبار بيعملوا سلطة و نادين وشيرين بيجهزوا الاكل و مروچ بتلعب مع القطه كانت حاسه نادين انها مبسوطه اوي خلصوا وجهزوا وقعدوا نع بعض كلوا و اتبسطوا بعدين عمل ميدو القهوه ليه هو وشيرين وعمل لنادين ايس كوفي و نادين حطت عصير لاخواتها و دخلوا قعدوا في الروف مع بعض اتكلموا عن نعيمه و اخبارها و اللي حاصل و بعدين قامت نادين مع اخواتها اتحولت لطفله اصغر من مروچ قعدت تلعب معاها بالقطه و جاسم شاركهم القاعده واللعب و الكلام مع نادين و شيرين فضلت قاعده هي وميدو السيجاره في ايدها و بصالهم و مبتسمه و ميدو عينه علي نادين بسعاده كان حاسس انها فعلا طفله..

فضل سرحان معاها و ركز علي صوت شيرين..

شيرين….شكرا يا ميدو

بصلها وابتسم

عسال….علي ايه يا شيري

شيرين….علي كل حاجه حلوه بتعملخا لنادين

عسال….بابتسامه اللي بعملوا عشان نادين واجبي مش محتاج عليه شكر يا شيري

شيرين…. بابتسامه في العاده انا او اي ست عموما مش بنحب نمدح في اي راجل زياده عن اللزوم لان في رجاله لما بتمدحها كتير مع الوقت بتتغير وانا كا ام متخيلتش اني امدح جوز بنتي بس الحقيقه انك تستاهل كل كلام الدنيا الحلو لان اللي بتعملوا مع نادين بجد تستاهل الشكر عليه انت عملت معاها اللي انا وابوها مقدرناش نعملوا

عسال…ده انتوا عملتوا احلي حاجه في الدنيا انكم جيبتوها اصلا و مش محتاجين تعملوا اكتر من كده الباقي عليا انا