لقاء كارثي
لقاء كارثي(أميره أسامه صاحبة البطل الواحد)
رشيد…..امال فكرتي ازاي ؟
ايمي….هو الموضوع بعيد شويه عن التفكير يعني لما قلبك بيروح لحد معين عقلك اصلا بيبطل يفكر قلبك هو اللي بيتحرك بس تقدر تقول اني محبتش اضيعك من ايدي انا شوفت رشيد و قعدت معاه في مكان واحد محبوسين لمده ثلاث ايام صاحيين نايمين بناكل بنشرب بنتكلم حسيت اني اعرفك من سنين حسيت اني واقفه قدام نفسي كانك مرايتي شايفه شخص نفس طباعي نفسك شخصيتي نفس ظروفي نفس عقليتي مقدرتش حسيت اني بتشد ليك و قولت هو ريسك يا اخدوا و اقول كل اللي في قلبي يا افضل بعيد و استني الظروف و انا بقي مش شخصيه بتستني ظروف و صدف و اقدار بحاول حتي لو القدر مش معايا بس علي الاقل ابقي عملت اللي عليا و مندمش بعدين اني وقفت مستنيه و الاهم انا مش الست يا رشيد اللي بيفرق معاها مين اعترف للتاني الاول اينعم انا كرامتي خط احمر و مستحيل ارمي نفسي علي شخص انا حاسه اني مش ماليه عينه و لو مكنتش لمحت في عينك اني ماليها و انك مركز معايا مكنتش قربت الست ذكيه يا رشيد بتبقب عارفه مين مهتم بيها ومين لا و انا خدت منك الكارت الاخضر بنظرتك و كلامك و اهتمامك عشان كده قربت اكتر يمكن كمان انا بعد اول تجربه قعدت بعدها سنين لوحدي و مفكرتش اصلا ارتبط اخد خطوه جديده رفضت كتير اوي محاولتش ادي فرصه لان انا مكنتش حابه ولا حاسه بس لما شوفتك حبيت و حسيت و قررت ان انا اللي اخد الخطوه دي
رشيد…بنظره تجنن طب يمكن انا سالتك السؤال ده قبل كده بس حابب اسئله تاني بعد ما اتجوزنا و خلاص مستنين ولادنا ينوروا الدنيا و عايز اسمع اجابتك تاني اشمعني انا بعيدا عن اني شبهك طباعنا قريبه من بعض و شخصيتنا قريبه جدا ممكن يكون اكتر حاجه شدتك في الاول ان ظروفنا واحده
ايمي…تقصد يعني عشان احنا الاتنين منفصلين و كده
رشيد….يعني
ايمي…..ماهو لو انت فكرت فيها بالعقل لو انا كنت راحه و ناويه ارجع بعريس بيتهيالي اكتر حد كان ممكن يدخل معاك في منافسه هو حسان ولو فكرت فيها اكتر هتلاقي ان حسان كان اكتر شخص مناسب كمان من ناحيه الظروف هو كمان منفصل و معاه بنوته و الاهم ان وقتها موضوع الحمل والخلفه كانوا مأثرين عليا يعني كان ممكن اقول ان حسان شخص مناسب جدا لو اتجوزنا و محصلش نصيب للخلفه هو عنده بنوته و انا هعتبرها بنتي بس انا حبيتك يا رشيد انت بالتحديد عشانك مش عشان ظروفك بس انا عرفتكم كلكم و اتكلمت معاكم كلكم و حبيتكم كلكم بس ديما الست لما ظروفها بتكون سامحه انها ترتبط بتشوف رجاله
حلوه في الشكل في الطباع والشخصيه جايز تعجب بكل ده من بره بس هتلاقيها في الاخر قلبها راح لشخص واحد و الباقي اتحول لمجرد اصدقاء او اخوات و ده اللي حصل معايا كلكم شكلكم حلو طباعكم تجنن شخصيتكم حلوه فيكم مميزات كتير بس في النهايه قلبي اختار اللي شبههي و عيني مبقتش تشوف غيره
