لقاء كارثي
لقاء كارثي(أميره أسامه صاحبة البطل الواحد)
رشيد… بابتسامه انا اول مره اتكلمت انا والشباب عليكم و عملنا نفس القاعده اللي انتوا عملتوها دي و جات سيرتك يمكن انا مقولتش وقتها كل اللي في قلبي بس كنت عارف انك هتبقي ليا و لما رجعنا اتكلمنا تاني قولتلهم انا خلاص عرفت انا عايز ايه و قبل ما نرجع اصلا انا قولتلك هاجي اتقدملك هعدي يوم بس ارتاح فيه و هجيلك اتعرف علي اهلك لاني كنتي بجد مش حابب اضيع وقت اكتر من كده
ايمي….بايتيامه انت عارف يا رشيد اني كنت واثقه فيك جدا بس مكنتش متخيله انك بتتكلم جد للدرجه دي يعني انا كنت عارفه انك هتيجي و هتاخد خطوه بس بالسرعه دي مكنتش مصدقه خصوصا لما جيت و بعدها لقيتك بتحدد مع ابويا وامي ان حوازنا هيكون في خلال اسبوعين بصراحه مكنتش مستوعبه
رشيد…بضحك ايه شكيتي فيا
ايمي…مش شك بس قولت ده مجنون اسبوعين ابه اللي نكون متجوزين اكيد في حاجه غلط مهما كنا عرفنا بعض في السفريه و قضينا وقت طويل بس الجواز اكتر حاجه بتاخد وقتها طول الفتره دي كنت بفكر كتير شويه ابقي حاسه انه لا في حاجه هتحصل في خاجه غلط وشويه اقول يمكن صعبت عيه عشان موضوع الحمل و حابب نتجوز و منضيعش وقت و شويه تاني اقول لا هو حابب بس يحسسني انه متحمس لان انا اللي اعترفت الاول بحبي ليه فا هو حابب يحسسني باهتمامه بطريقه تانيه و اكيد هنأجل موضوع الجواز
خصوصا لما قولت انك هتجهز البيت من اول وجديد كنت عارفه اننا اكيد مش هناحق مفيش بيت بيتجهز من اول وجديد في اسبوعين
بس لاقيتك واخد الموضوع جد جدا مش بتنام اربعه وعشرين ساعه بتجهز البيت و تامر شغال و عمال تاخدني و نعمل مشاوير و بنجري وراء بعض و بجيب لبسنا و بتحجز مكان حسيت وقتها طيب انا بحلم ولا ده بجد يعني تعارف سريع و حب سريع وممكن لكن جواز كنت مستغربه
رشيد…. بابتسامه كنت قد وعدي ليكي يا ايمي ولا قصرت في حاجه
ايمي….بالعكس مقصرتش و كنت قد وعدتك و يمكن كل اللي حصل ده خلاني احبك اكتر بكتير ما كنت خبيتك اصلا عارف يا رشيد ديما كنت بسمع ان البنت لما بتحب من قلبها بجد حتي لو اللي بتحبه ده خدعها او مطلعش راجل معاها و سابوا بعض هي مش بتقدر تتخطي بسرعه حبها ليه و يمكن في بنات كده فعلا بس مع الوقت وخبره الحياه و السنين اكتشفت ان الست سهل تتخطي و ده مش معناه انها محبتش بس لما تلاقي راجل بجد بيعمل كل حاجه عشان بس يخليها مبسوطه غصب عنها قلبها بيتحرك تجاهه
