لقاء كارثي

لمح فطار علي البار و هي جوه المطبخ نازله علي الارض و بتنضف حاجه دخل براحه قامت وقفت حضنها من ضهرها

ليله….ااااااااه خضتني يا عشري

عشري…..ااااه انتي بقي

ابتسم بحب و باسته من خدها و هو حاضنها من ضهرها

ليله….صباح الفل

عشري….صباح القمر بتعمل ايه يا قمر

ليله….المايه وقعت مني كنت بنشفها و بعدين انت جاي مش بتعمل صوت ليه و فين شبشبك

عشري….سيبته علي باب الحمام في مايه صاحبه البيت مفتريه

ليله….اممم قولتلي بس خد بالك ابن صاحبه البيت معفن عارف ايه

عشري…بضحك انا معفن

ليله….اه عشان في شباشب تانيه بس انت كسلان

عشري…والله مش كسلان بس فكرتك نزلتي و مصحتنيش

ليله….لا كنت بحضرلك فطارك و بعدين هنزل ازاي مش عارفه حضرتك حاطت مفتاح عربيتي فين

عشري…ده علي اساس لو لقتيها هتركبيها بمنظرها ده

ليله…..علي الاقل احد ما اصلحها او اخدها تتصلح اصلا و بعدين هي فين اصلا مش موجوده تحت هو سليم ركنها عند بيتكم ولا هي عند فضل في الورشه

عشري …..سرقتها و هبيعها عشان مزنوق في فلوسها

ليله….بابتسامه فداك هي وصاحبه العربيه

عشري…..فديت روح صاحبه العربيه

ليله….بحب عملتلك فطار علي الله متكونش طلبت فطار من بره

عشري….بضحك لا متخافيش مطلبتش

ليله….حلو وتعمل حسابك هتعرفني هتاكل ايه عشان انهارده الاكل عليا

عشري…مش لما اعرف الاول القمر هيصيع فين

ليله…لا القمر معندوش صياعه هروح لنعيمه وهفضل معاها شويه و بعدين ممكن ابقي اخد اوبر و اطلع علي ريهام في المطعم ابص عليها مش عايزه نبقي سايبينها كده خالص لوحدها

عشري…لا متقلقيش سلامه مش سايبها و بيروح يطمن عالشغل و كله تمام

ليله….طب البلطجي بتاعي هيعمل ايه

عشري….هاجي اوصلك و اطمن علي نعيمه و نسمه و بعدين هروح في السريع كده ابص علي الكافيه الكبير وهرجع علي هنا عشان في شغل كتير كاس العالم قرب و اكيد لازم نجهز الدنيا

ليله…..ايه ده هو كاس العالم قرب بجد

عشري…باسها من خدها صباح الفل

ليله….بابتسامه والله ما فاكره و بعدين مليش في الكورة اوي انا

عشري…انتوا مش هتجهزوا المكان في المطعم

ليله…..معرفش ايمي مقالتش حاجه احنا فاتحين المكان من سنه ونص تقريبا بس بره في شاشات و ليتفرجوا علي الماتشات عادي

عشري…تمام بس المفروض في كاس العالم بيكون في ترتيب تاني