لقاء كارثي
لقاء كارثي(أميره أسامه صاحبة البطل الواحد)
ايمي….اوع يتقولي انك هتنزل تجيب قهوه بمنظرك ده
رشيد….ماله منظري يا اوزعه ترنج نايك والدنيا حلوه
ايمي….بضحك انت اتجننت رسمي بجد
رشيد…استني بس انا هوريكي الوقت الجنان علي حق
نزل و خد محفظته وهي فضلت تضحك و هي مش مستوعبه انه بجد داخل المكان بالمنظر ده شبشب و ترنج بيتي فضلت قاعده و عشر دقايق كان خارج معاك شنطه كارتون حطها في الكنبه وراء و راح ركب
رشيد….اهو دخلت واشتريت وخرجت حصل حاجه
ايمي….بضحك ادفع نص عمري واشوف نظره الشباب جوه ليك
رشيد….بضحكه جميله نفس نظرتك دي اكيد بيقولوا المجنون ده بيعمل ايه بمنظره ده
ايمي….بضحك اقل واجب كويس انهم رضيوا يبعوا ليك
رشيد….هما يطولوا يا اوزعه يلا امسكي نفسك
ايمي….طيب انت رايح فين تاني
رشيد….استني بس هوعرفي الوقت
خدها علي مكان تاني شيك جدا حلواني و في قسم مخبوزات ركن و نزل وهي ميته من الضحك عليه دقايق وخرج بشنطه تانيه ركب و بعدين اتحرك بيها تاني عالبيت
ايمي….بابتسامه طب وبعدين ما كنت نزلت انت اشتريت اللي جيبتوا ده و رجعتلي
رشيد….هو انتي فاكره ان احنا هندهل نشرب القهوه وناكل الكرواسون و الحجات اللي جيبتها دي فوق
ايمي…..بصتلوا بترقب امال ايه احنا مش رجعنا ناوي علي ايه يا مجنون
رشيد…كل خير اتقلي انتي بس يلا انزلي
نزل رشيد و هي فضلت تبص شمال ويمين عليه تشوفوا بيعمل ايه
نزل رشيد خد الشنط حطها عالرصيف قدام البيت و عمل حاجه كده في الكنبه خلاها تتحرك سحبها لقدام بقت لازقه في الكراسي خالص و راح فتح العربيه من وراء و سحب الكنبه الاخيره ضمها هي كمان علي قدام بقت المساحه كبيره راح عليها فتحلها الباب
رشيد….بابتسامه انزلي
ايمي…..بضحك انت هتقولي بتعمل ايه ولا لا
رشيد….هتعرفي انزلي يلا يا هبله
ايمي….بزمتك انا اللي هبله برضوا
رشيد….بضحك طب تعالي بس
نزلها ومسكها من ايدها راحت معاه
رشيد…. اطلعي يلا اقعدي هنا
ايمي….بضحك اوعي تقول انك ناوي تعمل اللي فكرت فيه
رشيد….بضحك اه عندك مانع اطلعي يابت
ايمي….بضحك رشيد بطل جنان هنقعد هنا الناس هتتفرج علينا
رشيد…اولا الدنيا هاديه ثانيا اللي يتفرج يتفرج مش بعيد يجوا يقعدوا معانا يلا اطلعي
مسك كفها و طلعها قعدت وراء في شنطه العربيه و هي منزله رجليها وعماله تضحك راح جاب الشنط من الارض طلع القهوه حطها قدامها و بعدين دخل الجنينه علي مطبخ زوزو جاب منه صنيه وطبقين و شوكتين و كنتين ورجعلها بقت فطسانه من الضحك حط الكرواسون في الاطباق و حط شوكه وس\كينه في كل طبق و دخل تاني جوه فضل يبص في الجنينه قطف كام ورده ورجلعها ماتت من الضحك
