لقاء كارثي

شيرين….انا معملتش مع نادين اي حاجه و مهما عملت او حاولت اعوضها مش هقدر انا قصرت في حياتها كتير و بيتهيألي عوض ربنا الكبير ليها كان فيك انت

عسال…متقوليش كده يا شيري احيانا بنتحط في ظروف خارجه عن إرادتنا بتجبرنا اننا نقصر بس اكيد مش بنقصر عن عمد

شيرين….يمكن معاك حق بس في حالتي انا مش هكدب عليك لو قولتلك ان التقصير و قتها كان عن عمد كان سني صغير و كنت بحب عاصم اوي بس صدمتي فيه و في جوازه و خلفته خمس سنين وانا معرفش خلتني مشوفش غير نفسي كنت بحاول احافظ علي كرامتي كا ست و طبعا غضب الست لما بيمس حاجه في كرامتها بيبقي غضب لعين

مقدرتش وقتها افكر لحظه الا في نفسي كنت وقتها بموت و الدنيا سوده في عيني و انا عشان بحب شغلي كنت واثقه ان هو اللي هيطلعني من اللي انا فيه ده مكانش قدامي وقتها غير حل من اتنين يا اقعد و اكتئب و مقدرش حتي اربي بنتي و اهمل شغلي و حياتي تبوظ لا اقف علي رجلي و اكمل شغل ونجاح عشان اصبت لعاصم اني مش محتجاه واني مموتش بعده وفتها في الحالتين انا مكنتش هقدر اركز معاها واديها حقها بعد الكسره اللي اتكسرتها لا كنت هقدر افضل معاها وانا حاسه اني مجروحه و ضعيفه ولا لما بعدت قدرت اكون معاها بس انا اخترت الحل اللي يخليني اقدر ولو بنسيه بسيطه اعوضها الفلوس شغلي هو كان سلتحي وقتها اللي يخليني احافظ علي بنتي و اخليها متحتاجش لاي مخلوق و مش هكدب عليك وقتها كنت خايفه بعد ما عرفت بجواز عاصم انه يبدا بعدها يقصر مع نادين في اي حاجه تخصها فا مكنتش عايزه بنتي تتحرم من حاجه اينعم خلف توقعاتي و مقصرش معاها بس انا وقتها مكنتش اعرف الايام مخبيه ايه فا كنت حابه امن مستقبلهوالحياه خدتني و خدت عاصم و مقدرناش نكون ليها اب وام كويسين كان بيجي عليا اوقات و تتصل بيا نادين اشاور لجاسم من بعيد واقولوا يقولها اني نايمه اوقات كتير مكنتش ببقي عارفه ارد عليها اقولها ايه لو حسيت من صوتها انها محتجاني المفروض اتصرف ازاي كنت في دايره مقفوله رينها وبين جاسم ومروچ اللي ملهمش ذنب في اي حاجه كنت خايفه اعمل معاهم زي ما عملت معاها و وقتها كنت هتشاف انا اللي وحشه انا الام اللي اتعودت تسيب ولادها محبتش اكرر المعاناه دي معاهم لحد ما انت ظهرت في حياة نادين انت مش بس خليتها هي اللي مبسوطه وغيرت حياتها لا انت بجد غيرت حياتي انا شخصيا لسه فاكره تاني او تالت مره كلمتني قبل كتب كتابكم لما شديت معايا