لقاء كارثي
لقاء كارثي(أميره أسامه صاحبة البطل الواحد)
نعيمه…والله كل ده انا متحمله عشانهم انا حاسه ان بس نادر يفوق ويخرج هو ونسمه ويعرفوا و الحمل اللي علي قلبي ده اخلص منه هقع من طولي
فضل….بعد الشر عليكي يا عمري مش هيحصل حاجه انتوا الثلاثه هتسندوا بعض و تقفوا علي رجليكم و هتعدوا بكل ده صدقيني
نعيمه ..يارب يا فضل
فضل…نوني انا هجيلك يا قلبي
نعيمه….لا طبعا تيجي فين انت لحقت ترتاح يا فضل
فضل…..انا بخير بس مش عايز اسيبك كده لوحدك
نعيمه ..الوقت أتأخر يا فضل كمان هتيجي تعمل ايه ممكن محدش يطلعك خليك بكره احسن
فضل….هطلع متقلقيش
نعيمه ..وحياتي عندك خليها بكره ارتاح يوم علي الاقل انا تمام والله
فضل….طيب كلتي حاجه
نعيمه….مش جعانه يا فضل
فضل…..نوني متتعبيش قلبي بالله عليكي وكلي عشان تقدري تقفي علي رجلك
نعيمه….والله مش جعانه لو جوعت هاكل من الحاجه اللي جيبتوها قبل ما تمشوا بس مليش نفس
فضل…طيب معلش تعالي علي نفسك وكلي هي نسمه لسه مكلتش صح
نعيمه….لا لسه الدكاتره مقالوش تاكل هي بتاخد بس المحاليل كانت من شويه بس عماله تقول عطشانه سالتهم الممرضه قالتلي تشرب بس يعني مش كتير واحده واحده
فضل…طيب هي عامله ايه فاقت اكتر ولا لا كانت لسه تايهه شويه
نعيمه…زي ماهي بس الدكتور قال ان ده بسبب الادويه لان فيها مهدئات و منوم فا ده مخلي لسانها تقيل و كأنها مش في وعيها اوي
فضل…بس هي واعيه علي فكره
نعيمه…اه اه واعيه الحمدلله بتتكلم و عارفه بتقول ايه و فاكره كل حاجه زي ما شوفتها كده و مش بتبطل اسئله بس هي عامله زي اللي عايز ينام بيبقي مش مركز طول الوقت بس واعي
فضل…..بكره او بعده بالكتير هتبقي احسن ان شاء الله و تأثير العلاج و المنوم هيخف شويه
نعيمه….يارب يا فضل انا علي قد ما كنت هتجنن عشان حد فيهم يفوق علي قد ما انا الوقت شايله الهم بجد هم اسئلتهم وهم نظراتهم و تركيزهم
فضل…..كنتي فاكره ايه يا نعيمه ما اكيد ده اللي كان هيحصل و طبيعى جدا انهم يسألوا نسمه ونادر عارفين ان في حادثه حصلت و كانوا كلهم موجودين مع بعض يعني اكيد اول حاجه هتيجي في بالهم يسألوا عليها الباقي حصل فيه ايه
نعيمه….عارفه يا فضل بس الموضوع صعب و تقيل عليا يمكن انت حاسس بيا بس صدقني مش هتقدر تحس اوي بالموقف اللي انا فيه انا مضطره اكدب عليهم وانا و امثل انهم بخير وانا قلبي محروق عليهم مضطره اضحك وانا بمثل الضحك خايفه يا فضل من اللحظه اللي هضطر اوقف الكدب و التمثيل ده هقول ايه وهعمل ايه طب رد فعلهم علي كدبي ده هيكون ازاي هتجنن
