لقاء كارثي
لقاء كارثي(أميره أسامه صاحبة البطل الواحد)
ايمي….انت عارف زوزو لو قفشتك هتعمل فيك ايه
رشيد….بضحك هتعضني بس مش مشكله بنتها هرياني عض فضل يحط الورد حوالين العربيه و جنبها ومسك واحده حطها جنب شعرها
و بعدين راح جاب كرسي ومخده و رجع حطلها المخده وراء ضهرها وحط الكرسي قدامها وقعد عليه
رشيد…بابتسامه ايه ناقص حاجه
ايمي….. بابتسامه وضحك لا يا مجنون مش ناقص غير انك تعقل
رشيد….اعقل ازاي وانا متجوز واحده معندهاش عقل و جننتني معاها يلا كلي واشربي قهوتك عشان متبردش
ايمي بنظره حب تجنن وابتسامه جميله فضلت تبص حواليها و هي مكسوفه من اللي هما عاملينه
رشيد….يلا متفضليش تبصي حواليكي كده
ايمي….بضحك طيب الوقت منظرنا هيبقي عامل ازاي لو ابويا ولا زوزو ولا محمود ولا امنيه وجوزها صحيوا لقونا قاعدين كده
رشيد….بابتسامه ولا حاجه هيغيروا مننا و يعملوا زينا و مش بعيد يشاركونا قعدتنا و نكمل طقم البچامات اللي يجنن ده
ايمي…..بضحك طيب احنا ليه مش قعدنا في الجنينه
رشيد….عشان بنقعد فيها علي طول تغيير عاملك كافيه بسيط بأقل الامكانيات و قاعدين في الشارع عايزه ايه تاني
ايمي….بحبك يا رشيد
رشيد….بصلها وابتسم و مسك كفها باسه وانا بحبك اوي يا ايمي و مبحبش اشوفك مضايقه او زعلانه و عارف انك مضغوطه اوي و حاسس بيكي كل الظروف اللي مرينا بيها مع خوفك علي الحمل عارف انهم مخلين نفسيتك مش احسن حاجه و عارف كمان ان اي حد فينا لما بيكون مجبور انه يقعد في مكانه ميتحركش فتره بتبقي حاجه مزعجه خصوصاً لو لواحده عندها فرط حركه بتحب شغلها و شغلها وحشها جدا او لو بتحب صحابها و حابه متقصرش معاهم فا عارف انه غصب عنك و انا مش عايز اشوفك كده
ايمي….ربنا يخليك ليا
رشيد…ويخليكي انتي ليا ممكن تاكلي بقي و تشربي ومتفكري شفي اي حاجه خالص حاولي تفصلي شويه و اعتبري نفسك للحظه مراهقه وهربانه من البيت مع حبيبك
ايمي….بضحكه جميله موافقه
ابتسم رشيد و بداوا ياكلوا ويشربوا و يضحكوا و يهزروا غيرلها نودها تماماً في لحظه و بحاجه عاديه لا راحوا قعدوا في مكان فخم ولا عمل قاعده في البيت هو حب يعمل حاجه مجنونه وفي نفس الوقت تركز في الموقف وتنسي اي حاجه ضاغطه عليها وقدر فعلا يعمل ده
ولع سيجاره و حطها في شفايفها و بعدين ولع سيجاره ليه
رشيد….هااا القمرات بتوعي مبسوطين
