لقاء كارثي

ليله….نروح ننادي عليهم بقي عشان انا نسيتهم

سليم….اه صحيح نادي عليهم

فتحت الباب و دخلتهم

نعيمه…ايه رفعتوها كويس ولا اتوجعت

ليله…ماهي زي الفل قدامك اهي

نعيمه….مرتاحه كده

نسمه…الحمد لله

عشري…..قبل ما تمشوا برضوا لو خبت ترجع تنام نيموها عشان نعيمه هتخاف لوحدها

نعيمه…انا هخاف ومش هعمل كده اصلا

فضل….المهم مرتاحه كده ولا عايزه مخده تاني

نسمه….لا حلو كده

ليله…عشري مش هتمشي انت بقي

عشري….لا همشي خلاص نسوم يا قلبي مبسوط انك احسن انهارده انشاء الله هحاول اعدي عليكم بليل عشان اطمن عليكي تاني

نسمه…متتعبش نفسك والله انا كويسه

عشري….تعب ايه بس فداكي اي حاجه نوني محتاجه حاجه

نعيمه…ربنا يخليك يا عشري تسلم

عشري….فضل هبقي اكلمك

فضل….ماشي يا خوي

ليله….هروح معاه و راجعه

نعيمه…روحي يا قلبي

سليم…..بهمس هقول حاجه لعشري وجاي يا قلبي علي طول

نسمه…طيب روح

خرج سليم وراهم بسرعه

عشري…..تعال يا قلب اخوك

سليم….ليله انا معرفتش اتكلم جوه علي فكره عشان متلاحظش

ليله…عارفه وعشان كده لحقتك بالكلام

سليم…ايوه بس افرضي الدكتور قال تتحكر

عشري…في ايه انا مش فاهم

سليم….نسمه طلبت من ليله لو الدكتور قال تتمشى او تقوم و تتحرك انها تطلع تشوف نادر و امها وابوها فا انا سكت معرفتش اتكلم ليله قالتلها هوديكي انا بنفسي فا خايف ولو فعلا الدكتور قال كده نسمه مش هتسكت

ليله…كنت عايزني اعمل ايه طيب ماهو انت اما قالت كده عطلت لو كنت عطلت زيك كانت هتشك فا حاولت اتعامل عادي و اجاريها و زي ما شوفت سكتت وفرحت لو كنت عملت زيك انا كمان والله كانت شكت في الحوار

سليم….طيب لو الدكتور قال تبدا تتحرك هنعمل ايه

ليله….انا معرفش بقي انا حاولت بس نخرج من الموقف والحقك قبل ما تتلخم من اسئلتها

عشري….ولا كان حصل حاجه زي ما ليله كده عملت و بسيطه هنفهم الدكتور اللي حصل و لو فعلا قال ينفع تتمشي هو بقي اللي يحددلها يقولها في البدايه مينفعش تخرجي بره الاوضه عشان غلط عليها لحد ما نشوف الوضع بس كده

سليم…ايوه صح يبقي نعرف الدكتور

عشري….وانت لو سالتك او طلبت منك اتعامل عادي زي ما ليله عملت كده و كملوا علي كده لحد ما صحتها تتحسن شويه

سليم….طيب تمام انا هرجع بقي

عشري….استني خد لله معاك